పల్నాడులో వైకాపా దాడులను నిలువరిద్దాం టి.డి.పి.అధినేత చంద్రబాబు

అంతిమతీర్పు.23.8.2019


పల్నాడులో వైకాపా దాడులను నిలువరిద్దాం; సంఘటితంగా పోరాడేలా కార్యాచరణ అమలు చేద్దాంః తెదేపా అధినేత చంద్రబాబు  ఏపీలో వైకాపా ప్రభుత్వం అరాచకాలు, దౌర్జన్యాలను నివరించడానికి కార్యాచరణ అమలు చేద్దామని తెలుగుదేశం అధినేత చంద్రబాబునాయుడు కార్యకర్తలకు భరోసా ఇచ్చారు. గుంటూరులోని తెదేపా రాష్ట్ర కార్యాలయానికి తరలివచ్చిన నాయకులు, కార్యకర్తలను ఉద్దేశించి చంద్రబాబు మాట్లాడారు. రాష్ట్రంలోని అనేక ప్రాంతాల్లో తెదేపా కార్యకర్తలపై ముఖ్యంగా పల్నాడు ప్రాంతంలో వైకాపా దాడులు మితిమీరిపోయాయని కార్యకర్తలు చంద్రబాబు దృష్టికి తీసుకువచ్చారు.వైకాపా నాయకులు పోలీసుల అండతో గ్రామాల్లో ఉండకుండా తమను పంపించేశారని ఫిర్యాదు చేశారు. ఈ సందర్భంగా చంద్రబాబు మాట్లాడుతూ ముఖ్యమంత్రి జగన్ నాయకత్వంలో వైకాపా నేతలు ఇష్టారాజ్యంగా చేస్తున్న దౌర్జన్యాలను ఎదుర్కొనేందుకు అన్నిస్థాయిల్లో తెదేపా నాయకత్వాన్ని పటిష్టపరుస్తున్నామని పేర్కొన్నారు. అహంభవంతో వ్యవహరిస్తున్న జగన్ ను మెడలు వంచి కార్యకర్తలకు అండగా నిలబడి, న్యాయం చేస్తానని స్పష్టం చేశారు. అధికారంలోకి వచ్చిన మూడు నెలల్లో అప్రతిష్టపాలైన వ్యక్తి జగన్ అని విమర్శించారు. తెదేపా కార్యకర్తలపై దాడులు, బాధితులపైనే అక్రమంగా కేసులు, వేధింపులు, డ్వాక్రా మహిళలను, యానిమేటర్లను  ఆశా వర్కర్లు, అంగన్వాడీ కార్తకర్తలను, కాంట్రాక్టు ఉద్యోగులను,ప్రతిపక్ష పార్టీ సానుభూతిపరులకు సంక్షేమ పథకాలు రద్దు చేయడంతో మూడునెలల్లో జగన్ కు విపరీతమైన వ్యతిరేకత వచ్చిందన్నారు. తెలుగుదేశం పార్టీ అధికారంలో ఉన్నప్పుడు శాంతిభద్రతలు కాపాడామని గుర్తు చేశారు. వైకాపా పాలనలో రౌడీయిజం, అరాచకాలు పెరగడంతో తెదేపా కార్యకర్తలు కష్టాలు పాలవడం బాధాకరమన్నారు.37 ఏళ్ళక్రితం ఆవిర్భవించిన తెదేపా ఎన్నో సంక్షోభాలను, సంక్లిష్టలను ఎదుర్కొని నిలబడిందని గుర్తు చేశారు. రాజకీయ సంక్షోభాలలోనే నాయకత్వ పటిమ బహిర్గతం అవుతుందని చెప్పారు. పిరికివాళ్ళని తెలిస్తే ఎదుటిపక్షం అవమానకరంగా వ్యవహరిస్తుందని పేర్కొన్నారు. తెదేపాకు ఉన్న పటిష్టమైన క్యాడర్ సంక్షోభాలలోనే ధైర్యంగా నిలబడి పోరాడాలని సూచించారు. జగన్ దుష్టపాలనను నిలవరించడంలో కార్యకర్తలకు అండగా ఉండటానికి తానే రంగంలో దిగుతానని భరోసా కల్పించారు. తాను వస్తా వైకాపా నాయకులకు వార్నింగ్ ఇస్తానని పేర్కొన్నారు ప్రజల్లో జగన్ ను నీచుడు, నేరస్తుడి కింద నిరూపిస్తానని స్పష్టం చేశారు. తాను ఒకటి అనుకున్న తర్వాత కష్టమైనా, నష్టమైనా ఎదిరించి కార్యకర్తలకు న్యాయం జరిగే వరకూ పోరాడుతానని స్పష్టం చేశారు. రాష్ట్రంలో వైకాపా దాడులకు భయపడి ఇళ్ళను, ఊళ్ళను వదిలిపెట్టిన కార్యకర్తలు, నాయకులు తిరిగి స్వగ్రామాలకు చేరుకోవాలని చెప్పారు. ప్రజాస్వామ్యంలో ప్రతిఒక్కరికీ నివసించే హక్కు, మాట్లాడే స్వేచ్ఛ ఉందని పేర్కొన్నారు. రాష్ట్రంలో తెదేపా అన్నిస్థాయిల్లో నాయకులు, కార్యకర్తలూ సంఘటితంగా మెలగడం మూలంగానే వైకాపా అరాచకాలకు అంతం పలకడం సాధ్యమన్నారు. ఎటువంటి భయసందేహాలకు చోటులేకుండా తమ ఇళ్ళకు చేరుకునేందుకు కార్యకర్తలకు శాసనసభ్యులు, ఎమ్మెల్సీలు, నియోజకవర్గ బాధ్యులు, మండల, జిల్లా, రాష్ట్రస్థాయి నాయకత్వం వెన్నంటి నిలుస్తుందని భరోసా ఇచ్చారు.తెదేపా రాష్ట్ర కార్యాలయంలో లీగల్ సెల్ ఏర్పాటు చేశామన్నారు. వైకాపా దాడులకు గురైన తెదేపా కార్యకర్తలకు న్యాయసహాయం చేయడంలో భాగంగా కోర్టుల్లో పిటీషన్ వేద్దామని సూచించారు. టీడీపీ నాయకత్వం ఐకమత్యంతో దాడులు జరిగే ప్రాంతాలకు వెళితే వైకాపా రౌడీమూకలు తోకముడుస్తాయన్నారు.కార్యకర్తలకు ధైర్యం ఇవ్వడానికి తెదేపా నాయకత్వంతోపాటు తాను సైతం రంగంలోకి దిగుతానని పేర్కొన్నారు.సమస్యల.పరిష్కారానికి అంచెలంచెలుగా పోరాట కార్యచరణను అమలు చేస్తామని హామీ ఇచ్చారు. నెలరోజుల్లో సమస్య కొలిక్కి రాకపోతే తానే ఆయా ఊళ్ళకు వచ్చి కార్యకర్తలకు తోడూనీడగా నిలబడతానన్నారు. అధికార పార్టీకి కొమ్ముకాస్తూ ప్రతిపక్ష పార్టీ కార్యకర్తలను వేధింపులకు లోను చేయడం మానుకోవాలని పోలీసులకు హితవు పలికారు. శాసనసభ్యులు లేని నియోజకవర్గాల్లో  ముగ్గురు సభ్యుల కమిటీని నియమిద్దామన్నారు.కార్యకర్తలపై దాడులను సమర్థవంతంగా ఎదుర్కొని నిలబడే వ్యక్తులకు నాయకత్వం అప్పగిద్దామని పేర్కొన్నారు. ఈ సమావేశంలోతెదేపా నాయకులు జీవీ ఆంజనేయులు, నక్కా ఆనందబాబు, అరవింద్ బాబు, పలువురు  పాల్గొన్నారు.


Popular posts
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image
ప్రఖ్యాత చిత్రకారుడు రాజా రవివర్మ నేడు 172 వ జయంతి.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image