టీడీపీ నేతల అత్యవసర సమావేశం


శ్రీకాకుళం: టీడీపీ నేతలపై పెడుతున్న కేసులపై ఆ పార్టీ ఆందోళనకు సిద్ధమైంది. ఆముదాలవలసలో టీడీపీ నేతలు అత్యవసర సమావేశం నిర్వహించారు. టీడీపీ నేత కూన రవిపై కేసులు, అనుసరించాల్సిన వ్యూహంపై చర్చించినట్లు సమాచారం. రవిపై పెట్టిన కేసును నేతలు తప్పుబట్టారు. ప్రభుత్వ తీరుకు నిరసగా ఆందోళనలు చేపట్టాలని టీడీపీ నిర్ణయం తీసుకుంది. టీడీపీ నేతలపై అక్రమ కేసులు కేసులు పెడుతున్నారని టీడీపీ నేత కళా వెంకట్రావు మండిపడ్డారు. టీడీపీ నేత కూన రవికుమార్‌పై కేసు పెట్టడాన్ని ఖండిస్తున్నామని, అధికారులు ఏకపక్షంగా వ్యవహరిస్తున్నారని దుయ్యబట్టారు. టీడీపీ నేతలను వేధిస్తే చూస్తూ ఊరుకోమని కళా వెంకట్రావు హెచ్చరించారు. సరుబుజ్జిలి మండల పరిషత్‌ కార్యాలయంపై, తనతో పాటు సిబ్బందిపైన మాజీ విప్‌ రవికుమార్‌తో పాటు మరో 11 మంది దాడికి పాల్పడ్డారని సోమవారం అర్ధరాత్రి ఎంపీడీవో దామోదరరావు సరుబుజ్జిలి పోలీసులకు ఫిర్యాదు చేశారు. ఆ తర్వాత విషయం రాజకీయరంగు పులుముకుంది. 'అధికారులను చెట్టుకు కట్టి కాల్చేస్తా.. నిబంధనలు పాటించకుంటే తీవ్రపరిణామాలు ఎదుర్కోవాల్సిందే'నని అధికారులతో మాజీ విప్‌ అన్నట్టు ప్రచారం జరిగింది. ఎంపీడీవో ఫిర్యాదు మేరకు కూన రవికుమార్‌, నందివాడ గోవిందరావు, కూన అమ్మినాయుడు, కూన సంజీవిరావు, పల్లి సురేష్‌, గొండెం రవి, తాడేల రవణ, ఎండ రామారావు, గుర్రాల చినబాబు, ఊటపల్లి రామకృష్ణ, అంబాళ్ల రాంబాబు, దాన్న గురువులపై సెక్షన్లు 353, 427, 506, 143, రెడ్‌విత్‌ 149 కింద సరుబుజ్జిలి ఎస్‌ఐ కె.మహాలక్ష్మి కేసు నమోదు చేశారు.


Popular posts
బాబా సాహెబ్ గారి గురించి తప్పక తెలుసుకోవాల్సిన అంశాలు
Image
*శాంతి భద్రతల పరిరక్షణ కోసం అందరం కృషి చేద్దాం..* నూతన సి.ఐ శ్రీనివాసరావు... ఉదయగిరి, జూలై 31 (అంతిమ తీర్పు-ఇంచార్జ్ దయాకర్ రెడ్డి): ప్రజలందరూ కూడా ప్రశాంత వాతావరణములో జీవన ప్రమాణాలు కలిగి ఉండే విధంగా అందరం శాంతి భద్రతల పరిరక్షణ దిశగా ముందుకు సాగుదామని ఉదయగిరి నియోజకవర్గంలోని కలిగిరి నూతన సి.ఐగా భాద్యతలు చేపట్టిన జి.ఎల్.శ్రీనివాసరావు పిలుపునిచ్చారు. గత సి.ఐ రవికిరణ్ స్థానంలో శ్రీనివాసరావు నియామకం జరిగింది. ఈ సందర్భంగా ఆయన మాట్లాడుతూ కలిగిరి, వింజమూరు, కొండాపురం మండలాలలో శాంతి భద్రతల పరిరక్షణకు ప్రజల భాగస్వామ్యంతో నిర్విరామంగా కృషి చేయనున్నామన్నారు. అసాంఘిక కార్యకలాపాలను ఉపేక్షించేది లేదన్నారు. అక్రమ మద్యం విక్రయాలు, బెల్టు షాపులు, పేకాట, కోడి పందేలు, నిషేదిత గుట్కా విక్రయాలపై ఉక్కుపాదం మోపనున్నామని సి.ఐ శ్రీనివాసరావు స్పష్టం చేశారు. ప్రస్తుతం ఎటు చూసినా కరోనా వైరస్ విస్తరిస్తున్నందున ప్రజలందరూ కూడా కోవిడ్-19 నిబంధనలకు అనుగుణంగా నడుచుకోవాలన్నారు. ప్రభుత్వాలు ప్రజల సం రక్షణ కోసమే పనిచేస్తాయనే విషయమును ప్రతి ఒక్కరూ గుర్తించుకోవాలన్నారు. కంటైన్మెంట్ జోన్లులో అధికారుల సూచనలు, సలహాలు పాటిస్తూ కరోనా వైరస్ నియంత్రణ దిశగా తగు జాగ్రత్తలు వహించాలని ఈ సందర్భంగా సి.ఐ శ్రీనివాసరావు ప్రజలకు విజ్ఞప్తి చేశారు.
Image
విలేకరిపై దౌర్జన్యం చేసిన ఎస్ఐపై చర్యలు తీసుకోండి :మీడియా ప్రతినిధులు 
Image
హైదరాబాద్‌లో నేటి కార్యక్రమాలు
వైసీపీ నేతల ఇసుక అక్రమాలను నిరూపిస్తా..