వార్త లాప్ కు విశేష స్పందన

*గుంటూరు “వార్తాలాప్” కు విశేష స్పందన* - జిల్లా కలెక్టర్ శ్రీ శామ్యూల్ ఆనంద్ కుమార్ చేతుల మీదుగా ప్రారంభమైన వన్ డే వర్క్ షాప్
*• ప్రభుత్వ పథకాల ప్రజలు ఎలా ఉపయోగించుకోవాలో తెలియజేయాల్సిన బాధ్యతను మీడియా తీసుకోవాలన్న గుంటూరు జిల్లా కలెక్టర్ శ్రీ శామ్యూల్ ఆనంద్ కుమార్*
*• దేశాభివృద్ధిలో గ్రామీణ విలేకరుల పాత్ర కీలకమన్న కేంద్ర సమాచార శాఖ అదనపు డీజీ శ్రీ మురళిమోహన్*
*• కేంద్ర ప్రభుత్వ పథకాల వివరాలు తెలుగులో అందుబాటులో ఉండాలన్న రైతునేస్తం ఎడిటర్ శ్రీ యడ్లపల్లి* వెంకటేశ్వరరావు
*• ప్రతి జర్నలిస్టు ప్రభుత్వ పథకాల గురించి పూర్తిగా తెలుసుకోవాలన్న ది హిందూ ఆంగ్ల దినపత్రిక ఎడిటర్ శ్రీ శామ్యూల్*


పత్రికా సమాచార కార్యాలయం (పి.ఐ.బి), విజయవాడ వారు గుంటూరు అరండల్ పేటలోని హోటల్ వి.రాయల్ పార్క్ లో  నిర్వహించిన వార్తా లాప్ వన్ డే వర్క్ షాప్ కార్యక్రమానికి మీడియా మిత్రుల నుంచి విశేష స్పందన లభించింది. ఈ కార్యక్రమానికి జిల్లా కలెక్టర్ శ్రీ శామ్యూల్ ఆనంద్ కుమార్, కేంద్ర సమాచార ప్రసార శాఖ అదనపు డీజీ శ్రీ మురళీమోహన్, పద్మశ్రీ అవార్డు గ్రహీత, రైతునేస్తం ఎడిటర్ శ్రీ యడ్లపల్లి వెంకటేశ్వర రావు, హిందూ దినపత్రిక గుంటూరు బ్యూరో చీఫ్ శ్రీ శామ్యూల్ హాజరయ్యారు. గుంటూరుతో పాటు చుట్టు పక్కల గ్రామాలకు చెందిన 130 మంది జర్నలిస్టులు ఈ కార్యక్రమంలో పాల్గొన్నారు.
*ప్రభుత్వ పథకాల వివరాలను ప్రజల్లోకి తీసుకువెళ్ళేందుకు మీడియా ప్రాధాన్యత ఇవ్వాలి – కలెక్టర్*
గతంలో ఎన్నో కార్యక్రమాల్లో పాల్గొన్న తనకు ప్రత్యేకంగా మీడియా కోసం ఏర్పాటు చేసిన ఈ కార్యక్రమంలో పాల్గొనడం ఎంతో ఆనందగా ఉందని గుంటూరు జిల్లా కలెక్టర్ శ్రీ శామ్యూల్ ఆనంద్ కుమార్, కొన్ని కార్యక్రమాల విషయంలో ఎదురౌతున్న ఇబ్బందులను ప్రజల దృష్టికి తీసుకువెళ్ళడం ఎంత ముఖ్యమో, అదే విధంగా ప్రభుత్వం ప్రజలకు అందిస్తున్న పథకాల వివరాలను కూడా తెలియజేయడం అంతే ముఖ్యమని తెలిపారు. ప్రస్తుత సమాజంలో మీడియా పోషించే పాత్ర అత్యంత కీలకమని తెలిపిన ఆయన, సానుకూల వార్తలైనా, ప్రతికూల వార్తలైనా సమాజం మీద అత్యంత ప్రభావం చూపుతాయని, ఈ నేపథ్యంలో ప్రజల అభివద్ధికి అవసరమైన అంశాల ప్రాధాన్యత మరింత పెంచే ప్రయత్నం చేయాలని సూచించారు.
*దేశాభివృద్ధిలో గ్రామీణ జర్నలిస్టుల పాత్ర కీలకం – శ్రీ మురళీ మోహన్*
కేంద్ర ప్రభుత్వ పథకాలు గడపగడపకూ అందుబాటులోకి తీసుకువెళ్ళడంలో గ్రామీణ జర్నలిస్టుల పాత్ర ఎంతో ఉందన్న కేంద్ర సమాచార శాఖ అదనపు డీజీ శ్రీ మురళీ మోహన్, ఆ దిశగా జర్నలిస్టులకు ప్రత్యేక వర్క్ షాప్ నిర్వహించడం ఆనందంగా ఉందని తెలిపారు. కేవలం కేంద్ర ప్రభుత్వ పథకాలు మాత్రమే కాకుండా, వార్తలు రాయడంలో మెలకువలు, అసంబద్ధ సమాచారాన్ని కట్టడి చేసే మార్గాలు, సమాజం పట్ల మీడియా బాధ్యతాయుతంగా వ్యవహరించాల్సిన తీరు తదితర అంశాల గురించి ఆయన వివరించారు. ఈ సందర్భంగా జర్నలిస్టులు తమ సమస్యలు కొన్నింటిని ఆయన దృష్టికి తేగా, వాటి పట్ల సానుకూలంగా స్పందించారు. తన పరిధిలో పూర్తి స్థాయిలో విలేకర్ల సమస్యల పరిష్కారానికి కృషి చేస్తానని తెలిపారు. 
*ప్రభుత్వ పథకాల వివరాలు తెలుగులో అందుబాటులోకి రావాలి – శ్రీ వై. వెంకటేశ్వర రావు*
కేంద్ర ప్రభుత్వ పథకాల విషయంలో గ్రామీణ విలేకర్లకు ఉండే అవగాహన చాలా తక్కువని, వారికి పథకాల వివరాలన్నీ తెలుగు భాషలో అందుబాటులోకి తెచ్చే ప్రయత్నం చేయాల్సిన బాధ్యతను కేంద్ర పత్రికా సమాచార విభాగం తీసుకోవాలని రైతునేస్తం ఎడిటర్, పద్మశ్రీ అవార్డు గ్రహీత శ్రీ యడ్లపల్లి వెంకటేశ్వరరావు కోరారు. కేంద్ర, రాష్ట్ర ప్రభుత్వ పథకాలను ప్రజలు గ్రహించే విధానంలో సమస్యలు వస్తాయని వాటిని నివృత్తి చేయాల్సిన బాధ్యత మీడియా మీదే ఉంటుందని, అందుకే మీడియా రాసే ప్రతి విషయాన్ని పూర్తిగా అందరికీ అర్థమయ్యేలా రాయాలని, ముఖ్యంగా ఈ విషయంలో గ్రామీణ మీడియా జాగ్రత్తలు తీసుకోవలసిన అవసరం ఉందని తెలిపారు.
*జర్నలిస్టులందరూ ప్రభుత్వ పథకాల గురించి పూర్తిగా తెలుసుకోవాలి – శ్రీ శామ్యూల్*
సమాజంలో జరిగే అన్యాయాల్ని, సమస్యల్ని ప్రజల దృష్టికి తీసుకువెళ్ళడం మాత్రమే జర్నలిస్టుల పని కాదని, ప్రజలకు అవసరమైన ప్రభుత్వ పథకాల వివరాలను వారికి తెలియజేసే బాధ్యత కూడా జర్నలిస్టులదే అన్న ది హిందూ ఆంగ్ల దినపత్రిక బ్యూరో చీఫ్ శ్రీ శామ్యూల్, ప్రతి జర్నలిస్టు ప్రభుత్వ పథకాల గురించి తెలుసుకోవాలని తెలిపారు. 
ఈ కార్యక్రమంలో విజయవాడ పత్రికా సమాచార కార్యాలయం ఏర్పాటు చేసిన పవర్ పాయింట్ ప్రజెంటేషన్ ఆసక్తికరంగా సాగింది. సమాచార కార్యాలయ ఇన్ఫర్మేషన్ అసిస్టెంట్ శ్రీ శ్రీరామ్ జర్నలిస్టులు సమాచారాన్ని ఏ విధంగా తెలుసుకోవాలనే అంశాన్ని కూలంకషంగా వివరించారు. ఈ కార్యక్రమంలో కేంద్ర సమాచార శాఖ విజయవాడ పత్రికా సమాచార కార్యాలయ మాస్ అండ్ కమ్యూనికేషన్ ఆఫీసర్ శ్రీ హెన్రీ రాజ్, ఇతర సిబ్బంది,  గుంటూరు క్షేత్ర ప్రచార అధికారి శ్రీ నాగసాయి సూరి, ఇతర సిబ్బంది పాల్గొన్నారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image