లీకేజీపై సమగ్ర విచారణ జరపాలి.: మాజీ. ముఖ్యమంత్రి నారా


గ్రామ సచివాలయం ఉద్యోగుల నియామకం ప్రవేశ పరీక్షా పత్రాల లీకేజీపై సమగ్ర విచారణ జరపాలి.: మాజీ. ముఖ్యమంత్రి నారా చంద్రబాబునాయుడు


 


, ఫలితాలలో అనేక అవకతవకలు జరిగిన దృష్ట్యా ఈ పరీక్షలను తక్షణమే రద్దు చేసి మళ్లీ నిర్వహించాలి. ఏపీపీఏస్సీలో ఉద్యోగుల కుటుంబ సభ్యులకే పరీక్షల్లో టాప్ ర్యాంకులు రావడం, కష్టపడి చదివిన వాళ్ళ మార్కుల్లో కోతలు పడడం, అనేక సార్లు హెల్ప్ లైన్ కు కాల్ చేసినా స్పందన లేదని అభ్యర్ధుల్లో తీవ్ర అసంతృప్తి ఉంది. ఏపీపీఎస్సీ చరిత్రలో గతంలో ఎప్పుడూ రానంత చెడ్డ పేరు ఈ పరీక్షలలో అవకతవకల వల్ల వచ్చింది. ప్రశ్న పత్రాలు ఔట్ సోర్సింగ్ సిబ్బందికి ముందే ఎలా చేరాయి? పరీక్షకు ముందే ప్రశ్నపత్రం లీకేజీ కావడం వల్ల అనర్హులకు ర్యాంకులు దక్కాయి. అర్హులు పూర్తిగా నష్టపోయారు. 56 రోజుల వ్యవధిలో 14 కేటగిరిలలో పరీక్షలు పూర్తి చేశామని, 11 రోజులకే ఫలితాలు వెల్లడించామని గొప్పగా ప్రకటించారే తప్ప, పరీక్ష నిర్వహణ ఎంత ఆధ్వాన్నంగా జరిగిందో ఈ ఫలితాలే వెల్లడిస్తున్నాయి. దాదాపు 19 లక్షల అభ్యర్ధుల ఆశలపై నీళ్ళు జల్లిన ఈ పరీక్షలను తక్షణమే రద్దు చేయాలి. ప్రశ్నపత్రాల లీకేజీకి కారకులైన వారిపై క్రిమినల్ చర్యలు చేపట్టాలి. మళ్లీ పరీక్షలను పారదర్శకంగా నిర్వహించి అర్హులైన అభ్యర్ధులకు న్యాయం చేయాలని డిమాండ్ చేస్తున్నాను. 


నారా చంద్రబాబునాయుడు
ఆంధ్రప్రదేశ్ శాసనసభ ప్రధాన ప్రతిపక్ష నేత


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం
కరోనా నియంత్రణకు దక్కన్ టూబాకో కంపెనీ  గ్రూప్
Image