ఎక్కడికక్కడే నిలిచిపోయిన ఉపాధి పనులు

విజయవాడ
26-9-19


- నాడు ఉపాధిలో ప్రథమం..నేడు అథమం
-ఏపీ సర్కారు అనాలోచిత చర్యలతో లక్ష్యానికి దూరం
-ఉద్దేశపూర్వకంగానే బిల్లుల చెల్లింపుల్లో జాప్యం
-కేంద్ర ఉపాధిహామీ పథకం చట్టాన్ని తుంగలో తొక్కుతున్న జగన్ ప్రభుత్వం
-ఉద్యోగభద్రత కరువై రోడ్డున పడిన ఉద్యోగులు 
-ఎక్కడికక్కడే నిలిచిపోయిన ఉపాధి పనులు 
-కేంద్రం, గవర్నర్ స్పందించి చర్యలు తీసుకోవాలి
-ఆంధ్రప్రదేశ్ ఉపాధి హామీ కౌన్సిల్ సభ్యుల డిమాండ్ 


మహాత్మాగాంధీ జాతీయ ఉపాధి హామీ పథకం పనులలో 2019 మొదటి వరకూ ఏపీ దేశంలోనే ప్రథమస్థానంలో ఉండేదని, నేడు అథమస్థానానికి పడిపోయిందని ఆంధ్రప్రదేశ్ ఉపాధి హామీ కౌన్సిల్ సభ్యులు ఆందోళన వ్యక్తం చేశారు. ఆంధ్రప్రదేశ్ లో ప్రభుత్వం మారిన తరువాత, ఉపాధి పనులు పూర్తిగా మందగించాయని పేర్కొన్నారు. గురువారం ఉపాధి హామీ కౌన్సిల్ సభ్యులు మీడియాతో మాట్లాడారు.కేంద్ర ఉపాధిహామీ పథకం  చట్టం నిబంధనలను ఏపీ ప్రభుత్వం ఉల్లంఘించిందని, కేంద్ర ప్రభుత్వ ఆదేశాలను ఉద్దేశపూర్వకంగా నిర్లక్ష్యం చేశారని ఆరోపించారు. రాష్ట్ర వ్యాప్తంగా  వేర్వేరు పనుల కోసం మెటీరియల్ కాంపోనెంట్ సరఫరాదారులకు బిల్లులు చెల్లించకుండా నిర్లక్ష్యం వహించారని పేర్కొన్నారు. మూడు దశల్లో రాష్ట్రానికి  రావాల్సిన రూ. 2230 కోట్లకు గానూ కేంద్ర ప్రభుత్వం రూ. 1969 కోట్లు  మంజూరు చేసినా, పెండింగ్ బిల్లులు చెల్లించకపోవడమేంటని ప్రశ్నించారు. ప్రభుత్వ వెబ్‌సైట్‌లో లభించిన సమాచారం ప్రకారం, 31 మార్చి 2019 నాటికి మెటీరియల్ కాంపోనెంట్‌కు పెండింగ్‌లో ఉన్నది రూ. 1610 కోట్లు, 2019 ఏప్రిల్ 1 నుండి 2019 సెప్టెంబర్ 4 వరకు మరో రూ. 691 కోట్ల మేరకు ఉపాధిహామీ పథకం  నిధులను విడుదల చేస్తూ కేంద్ర ప్రభుత్వం ఉత్తర్వులు జారీ చేసిందని, అయినా రాష్ట్ర  ప్రభుత్వం మెటీరియల్ కాంపోనెంట్ బిల్లులు చెల్లించేందుకు సుముఖత చూపడంలేదని ఆవేదన వ్యక్తం చేశారు. దీంతోపాటు అనుసంధానం  కింద జరుగుతున్న పనులను నిలిపేయాలని ప్రభుత్వం ఇచ్చిన  ఆదేశాలతో అటవీశాఖ కన్వర్జెన్స్ పనులు నిలిపేయడం అభివృద్ధి  పనులకు తీవ్ర ఆటంకం కానుందన్నారు. మరోవైపు కేంద్రం నిర్దేశించిన కార్యక్రమానికి నిధులు విడుదల చేసినప్పుడు...ఆ నిధుల స్వీకరణ తేదీ నుంచి మూడు రోజుల్లోగా రాష్ట్ర  వాటాని ఉపాధి హామీ నిధికి జమ చేయాలి, అలా చేయని పక్షంలో తదుపరి నిధుల విడుదలను కేంద్రం నిలిపేస్తుందని స్పష్టమైన నిబంధనలున్నా ఏపీ సర్కారు పట్టించుకోకపోవడమేంటని ప్రశ్నించారు. దీంతోపాటు రాష్ట్ర  వాటా చెల్లింపు ఆలస్య కాలానికి 12 శాతం వడ్డీ చెల్లించాల్సి ఉన్నా ..స్పందించకపోవడం దారుణమన్నారు. 


 మరోవైపు కేంద్ర ప్రభుత్వం, ఉపాధి హామీ చట్టం నిబంధనలకు విరుద్ధంగా 25 శాతం లోపు అయిన పనులన్నింటినీ నిలిపి వేయాలని ఏపీ సర్కారు ఇచ్చిన ఆదేశాలు పంచాయతీల ప్రగతి, ప్రజల ఉపాధిపై గొడ్డలిపెట్టులాంటి నిర్ణయమని ఆరోపించారు. కూలీ చెల్లింపులు, మెటీరియల్ కాంపోనెంట్ కింద జరిగే ఈ పనులతో సామాజిక, గ్రామ అవసరాలు తీరనున్నాయని, అటువంటి పనులను ముఖ్యమంత్రి అనాలోచిత నిర్ణయాలతో ఆగిపోయాయని ఆందోళన వ్యక్తం చేశారు. పల్లెల్లో రాజకీయ ఆధిపత్యం ఆశించి ఏపీ ప్రభుత్వం తీసుకున్న ఈ నిర్ణయాలతో ఉపాధి కూలీలు తీవ్ర ఇబ్బందులు ఎదుర్కొంటున్నారని పేర్కొన్నారు. 
ఉపాధిహామీ  క్షేత్రస్థాయిలో పనిచేసే సిబ్బంది, సహాయకులు గత కొద్ది నెలలుగా తీవ్ర అభద్రతా భావంతో రోడ్లెక్కి ఆందోళన చేస్తున్నా..ప్రభుత్వం స్పందించడంలేదని ఆరోపించారు. ఉపాధి లక్ష్యాలను సాధించడంలో ఎంతో శ్రమించిన క్షేత్రస్థాయిలో పనిచేసే సిబ్బంది, సహాయకులపై ప్రభుత్వం కక్ష సాధించే ధోరణితో వ్యవహరించడం చాలా అన్యాయమన్నారు. గ్రామవలంటీర్ల నియామకంతో తమ ఉద్యోగాలుంటాయో ఊడుతాయో అనే అయోమయంలో ఉన్నారని..వీరి ఉద్యోగ భద్రతకు భరోసా నివ్వాల్సిన అవసరం ఉందన్నారు.  జూన్ నెల నుంచి వీరికి గౌరవవేతనాలు కూడా అందలేదని, తక్షణం వీరి బకాయి వేతనాలు చెల్లించాలని డిమాండ్ చేశారు. 


2014 నుంచి 2019 ఆరంభం వరకూ ఉపాధిహామీ సాధించిన ప్రగతి అంతా నాలుగు నెలల్లో అథోగతికి చేరిందని ఆవేదన వ్యక్తం చేశారు. 2014 నుంచి 2019 వరకూ 26000 కిలోమీటర్ల మేరకు సీసీ రోడ్డు వేశారని, 6 వేల అంగన్ వాడీ భవనాలు నిర్మించారని, 2200 గ్రామపంచాయతీ భవనాలు నిర్మించారని , 12,000 కిలోమీటర్ల రోడ్లు వేసి పల్లెలకు రహదారి సౌకర్యం కల్పించారని, 10 వేల సంపద కేంద్రాలు నిర్మించారని,   7,00,000   పంట కుంటలు తవ్విదేశంలోనే నెంబర్ వన్ గా ఆంధ్రప్రదేశ్ రాష్ట్రం  నిలిచిందని పేర్కొన్నారు.  ఉపాధి నిధులను 24 ప్రభుత్వ శాఖలకు అనుసంధానం చేస్తూ సాధించిన విజయాలు దేశంలోనే ఏపీని మొదటిస్థానంలో నిలిపాయన్నారు. ఉపాధి పనుల కల్పన, లక్ష్యాలు చేరుకోవడం, మెటీరియల్ కాంపోనెంట్ చెల్లింపు,  వందల అవార్డులు, రివార్డులు అందుకున్నఏపీ నేడు ఉపాధిలో దయనీయ స్థితికి చేరిందని ఆందోళన వ్యక్తం చేశారు. 
రాష్ట్ర  ప్రభుత్వం ఉద్దేశపూర్వక చర్యలతో లక్షలాది మంది ఉపాధి కూలీలు, వేలాది మంది ఉపాది సిబ్బంది తమ కుటుంబాలతో సహా నడిరోడ్డున పడ్డారని ఆవేదన వ్యక్తం చేశారు. రాష్ట్ర  ప్రథమపౌరుడిగా గవర్నర్ జోక్యం చేసుకుని ఏపీలో రాజకీయ కారణాలతో నిర్వీర్యమవుతున్న ఉపాధి హామీ పథకానికి ఊపిర పోయాలని కోరుతున్నాం. కేంద్ర ప్రభుత్వం నిబంధనలు ఉల్లంఘిస్తూ ఉపాధి చట్టాలకు తూట్లు పొడుస్తున్న రాష్ట్ర  ప్రభుత్వంపై చర్యలు తీసుకోవాలని ప్రార్థిస్తున్నాం. ఉద్దేశపూర్వకంగా, కక్షతో నిలిపేసిన బిల్లు చెల్లింపులను వెంటనే చేయాలని రాష్ట్ర  ప్రభుత్వాన్ని ఆదేశించాలని, క్షేత్రస్థాయి సిబ్బందికి పెండింగ్ జీతాలు చెల్లించాలి..అలాగే వారి ఉద్యోగ భద్రతకు హామీ ఇవ్వాలి..మెటీరియల్ కాంపోనెంట్ రాష్ట్ర  వాటా వెంటనే జమచేయాల్సిందిగా గవర్నర్ చర్యలు తీసుకోవాల్సిందిగా కోరుతున్నాం. రాష్ట్ర ప్రభుత్వ  అనాలోచిత చర్యలతో నిలిచిపోయిన 25 శాతం లోపు నిలిపేసిన పనుల పునరుద్ధరణకు చర్యలు తీసుకుంటారని ఆశిస్తున్నాం.


ఆంధ్రప్రదేశ్ ఉపాధిహామీ పథకం కౌన్సిల్ సభ్యులు...
వీరంకి వెంకట గురుమూర్తి(కృష్ణ జిల్లా)
పోతుగంటి పేరయ్య(కడప జిల్లా)
మొవ్వ లక్ష్మి సుభాషిణి(గుంటూరు జిల్లా)
సత్రం రామకృష్ణుడు(కర్నూలు)
సురేంద్ర బాబు (నెల్లూరు)
వినోద్ రాజు (విశాఖ)


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image