ఆటోమొబైల్, ఆహారశుద్ధి, రొయ్యలసాగు, మామిడిపండ్లు, మిర్చిసాగు రంగాల్లో తోడ్పడండి

ఆటోమొబైల్, ఆహారశుద్ధి, రొయ్యలసాగు, మామిడిపండ్లు, మిర్చిసాగు రంగాల్లో తోడ్పడండి
* ప్రభుత్వ ప్రధాన కార్యదర్శి ఎల్వీ సుబ్రహ్మణ్యం విజ్ణప్తి
అమరావతి: ఆంధ్రప్రదేశ్ రాష్ట్ర్లంలో ఆటోమైబైల్, ఆహరశుద్ధి రంగాలతో పాటు రొయ్యల సాగు మామిడి పండ్ల ఉత్పత్తి ఎగుమతి రంగాల్లో తోడ్పాటును అందించేందుకు దక్షిణ కొరియా సంస్థలు ముందుకు రావాలని ప్రభుత్వ ప్రధాన కార్యదర్శి ఎల్వీ సుబ్రహ్మణ్యం విజ్ణప్తి చేశారు. దక్షిణ కొరియా కౌన్సల్ జనరల్ ఆఫ్ ఇండియా ఇన్ బూసన్ జంగ్ డియోక్-మిన్ (Jung Deok-min)నేతృత్వంలో గల దక్షిణ కొరియాకు చెందిన కంపెనీల ప్రతనిధి బృందం శుక్రవారం అమరావతి సచివాలయంలో సిఎస్ సుబ్రహ్మణ్యం, సియం ప్రధాన సలహాదారు అజయ్ కల్లాంతో సమావేశమైంది. ఈ సందర్భంగా సిఎస్ మాట్లాడుతూ యువ సియం జగన్మోహన్ రెడ్డి నేతృత్వంలోని నూతన ప్రభుత్వం రాష్ట్ర సమగ్రాభివృద్ధికి వినూత్న అభివృద్ధి సంక్షేమ కార్యక్రమాలు ప్రవేశపెట్టి పటిష్టంగా అమలు చేస్తోందని చెప్పారు. రాష్ట్రంలో అపారమైన సహజ వనరులున్నాయని, వ్యవసాయంలో రాష్ట్రం గణనీయమైన అభివృద్ధి సాధిస్తోందని వ్యవసాయ ఉత్పత్తులకు మరింత విలువ ఆధారిత సేవలను జోడించేందుకు కృషి జరుగుతోందని తెలిపారు. యువతకు వివిధ రంగాల్లో నైపుణ్య శిక్షణ ఇప్పించి పెద్దఎత్తున ఉపాధి కల్పించేందుకు చర్యలు తీసుకుంటున్నామని చెప్పారు. ముఖ్యంగా రాష్ట్రం రొయ్యల ఉత్పత్తి ఎగుమతిలో దేశంలో అగ్రగామిగా ఉందని ఈరంగంలో మరింత మెరుగైన ప్రగతిని సాధించేందుకు కొరియన్ సంస్థలు ముందుకు రావాలని ఆకాంక్షించారు. రాష్ట్రంలో విశాఖపట్నం-చెన్నై, చెన్నై-బెంగుళూర్ పారిశ్రామిక క్లస్టర్లు అభివృద్ధి జరుగుతోందని ఈ క్లస్టర్లలో ఆటోమొబైల్ పరిశ్రమలు ఏర్పాటుకు ముందుకు రావాలని కోరారు. మామిడిపండ్లు, మిర్చి ఉత్పత్తి ఎగుమతిలో రాష్ట్రం మంచి పేరుగాంచిందని వాటిని వాటిని మరింత ప్రోత్సహించేందుకు తోడ్పడాలని సిఎస్ విజ్ఞప్తి చేశారు. అదేవిధంగా కొరియన్ టెక్నికల్ ఇనిస్టిట్యూట్లు రాష్ట్రంలోని కొన్ని ఇంజనీరింగ్, పాలిటెక్నిక్ కళాశాలలను ఎంపిక చేసి విద్యా వ్యాప్తికి కృషి చేయాలని అన్నారు. పిపిపి తరహాలో మౌళిక సదుపాయాల అభివృద్ధి ప్రాజెక్టులు స్థాపనకు, కొరియా ఎఎంఇ ఇండస్ట్రియల్ కాంప్లెక్సు ఏర్పాటుకు కృషి చేయాలని సిఎస్ విజ్ఞప్తి చేశారు. అంతేగాక నైపుణ్య శిక్షణ, వొకేషనల్ శిక్షణలో తోడ్పాటును అందించాలన్నారు. రాష్ట్రంలో పెద్దఎత్తున భూములు సర్వే ప్రక్రియ కొనసాగుతోందని దానికి బ్లాక్ చెయిన్ టెక్నాలజీ తోడ్పాటును అందించేందుకు కృషి చేయాలని ప్రభుత్వ ప్రధాన కార్యదర్శి సుబ్రహ్మణ్యం కోరారు.  
                                   ప్రభుత్వ ప్రధాన సలహాదారు అజయ్ కల్లాం మాట్లాడుతూ రాష్ట్రంలో ఆహారశుద్ధి, మౌళిక సదుపాయాల రంగాల్లో కలిసి పనిచేసేందుకు కొరియన్ సంస్థలు ముందుకు రావాలని విజ్ఞప్తి చేశారు. అదే విధంగా రాష్ట్రం ఉష్ణ మండల వాతావరణంతో కూడి మామిడి, మిర్చి, పొగాకు, ప్రత్తి, వరి, వివిధ చిరుధాన్యాల పంటలకు పెట్టింది పేరని ఈ పంటల సాగు ఎగుమతుల ప్రోత్సాహానికి వాటికి విలువ ఆధారిత సేవలను పెంపొందించేందుకు కలిసి పనిచేసేందుకు తోడ్పడాలని కోరారు. రాష్ట్రంలో కొరియన్ ఇండస్ట్రియల్ కాంప్లెక్సు ఏర్పాటుకు ముందుకు వస్తే అందుకు అవసరమైన స్థలాన్ని సమకూర్చేందుకు ప్రభుత్వం సిద్ధంగా ఉందని చెప్పారు. అలాగే రాష్ట్రంలో పెద్దఎత్తున రొయ్యలసాగు జరుగుతోందని ఒకరకంగా చెప్పాలంటే ఏపీని స్రింప్ క్యాపిటల్ గా పేర్కొనవచ్చని కావున ఈరంగంలో మరింత ఉత్పత్తి,ఎగుమతుల ప్రోత్సాహానికి తోడ్పడాలని విజ్ఞప్తి చేశారు.
కౌన్సల్ జనరల్ ఆఫ్ ఇండియా ఇన్ బూసన్ జంగ్ డియోక్ మిన్ మాట్లాడుతూ గతంలో కుదుర్చుకున్న ఒప్పందం ప్రకారం ఆంధ్రప్రదేశ్ రాష్ట్రంలో కొరియన్ ఇండస్ట్రియల్ కాంప్లెక్సు ఏర్పాటుకు చర్యలు తీసుకోనున్నట్టు తెలిపారు. పారిశ్రామిక, ఐటి, విద్య, వ్యవసాయం, విద్య, మత్స్యరంగాలు, ఆరోగ్య రంగాల్లో రాష్ట్రంతో కలిసి పనిచేసేందుకు కొరియన్ సంస్థలు అన్ని విధాలా ఆసక్తితో ఉన్నాయని చెప్పారు. సమావేశంలో కౌన్సల్ జనరల్‌తో పాటు 18మంది కొరియన్ కంపెనీల ప్రతినిధి బృందం పాల్గొంది. అలాగే ఏపీ ఆర్ధికాభివృద్ధి సంస్థ (ఎపిఈడిబి) ప్రతినిధులు పాల్గొన్నారు.


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం