ఒకటవ తేదీన రాష్ట్ర వ్యాప్తంగా  ఎం.ఎస్.ఓ.ల కార్యాలయాల వద్ద నిరసనలు
• Valluru Prasad Kumar

గుంటూరు సెప్టెంబర్ 27 (అంతిమ తీర్పు):
ఏ. బీ.ఎన్. ఆంధ్ర జ్యోతి, టీ.వి.5, ఛానళ్ళ ప్రసారాలను వెంటనే పునరుద్ధరించాలని, లేని పక్షంలో  ఒకటవ తేదీన రాష్ట్ర వ్యాప్తంగా  ఎం.ఎస్.ఓ.ల కార్యాలయాల వద్ద నిరసనలు చేపట్టాలని విజయవాడ లో ఏ.పీ.యు. డబ్ల్యు.జే. ఆధ్వర్యం లో ఈ రోజు  జరిగిన అఖిలపక్ష సమావేశం నిర్ణయించింది. కార్యక్రమం లో తెలుగు దేశం అధ్యక్షుడు కే.కళా వెంకట్రావు,  బీ.జే.పీ., అధికార ప్రతినిధి ఉమా మహేశ్వర రాజు, కాంగ్రెస్ నగర అధ్యక్షుడు గురునాధం, సి.పీ.ఐ. రాష్ట్ర కార్యదర్శి కే. రామ కృష్ణ,  సి.పీ.ఐ. ఎం. రాష్ట్ర నాయకుడు డీ.వి.కృష్ణ, జనసేన అధికార ప్రతినిధి పోతిన మహేష్,  ప్రసాద బాబు, సీపీఐ జిల్లా కార్యదర్శి ఏ.వనజ, నగర కార్యదర్శి దొనేపూడి శంకర్, బెజ వాడ బార్ అసోసియేషన్ అధ్యక్షుడు లక్ష్మీ కాంత్, విశాలాంధ్ర సంపాదకుడు ముత్యాల ప్రసాద్, ఐ.జే.యు. జాతీయ ఉపాధ్యక్షుడు అంబటి ఆంజనేయులు, జాతీయ కార్యవర్గ సభ్యుడు డీ.సోమ సుందర్, యూనియన్ రాష్ట్ర ప్రధాన కార్యదర్శి చందు జనార్ధన్, తదితరులు మాట్లాడారు. ఛానళ్ళ ప్రసారాల నిలిపివేత ను వక్తలు తీవ్రంగా ఖండించారు.   యూనియన్ రాష్ట్ర అధ్యక్షుడు ఐ.వి. సుబ్బా రావు అధ్యక్షత వహించారు. ఏ.పీ.ఫైబర్ నెట్ లో ప్రసారాలను వెంటనే పునరుద్ధరించ డానికి ప్రభుత్వమే బాధ్యత వహించాలని వక్తలు డిమాండ్ చేశారు. యూనియన్ అర్బన్ శాఖ అధ్యక్షుడు చావా రవి స్వాగతం పలుకగా, రాష్ట్ర ఉపాధ్యక్షుడు  కే.జయ రాజు వందన సమర్పణ చేశారు.


Popular posts
*కలిగిరి కార్యదర్శి వి.మధు కు ఉత్తమ అవార్డు* ఉదయగిరి, ఆగష్టు 23 (అంతిమ తీర్పు- ఇంచార్జ్ దయాకర్ రెడ్డి): ఉదయగిరి నియోజకవర్గంలోని కలిగిరి పంచాయితీ కార్యదర్శి వెలుగోటి. మధు ఉత్తమ కార్యదర్శిగా ఎంపికయ్యారు. ఆగష్టు 15 స్వాతంత్ర్య దినోత్సవం సందర్భంగా ప్రకటించిన ఉత్తమ అధికారుల జాబితాలో మధు ముందు వరుసలో నిలిచారు. గత 4 సంవత్సరాల నుండి ఆయన అవార్డులకు ఎంపిక కాబడుతుండటం గమనించదగిన విషయం. పంచాయితీ సెక్రటరీగా కలిగిరిలో గ్రామ పంచాయితీ అభివృద్ధికి బంగారు బాటలు వేశారు. ఎంతోకాలంగా ఆక్రమణల చెరలో ఉన్న పంచాయితీ స్థలాలకు కబ్జా కోరల నుండి విముక్తి కల్పించి ప్రభుత్వానికి ఆదాయ వనరులను చూపించారు. కరోనా కాలంలో ప్రజలను ఎప్పటికప్పుడు అప్రమత్తం చేయడంతో పాటు పారిశుద్ధ్య కార్యక్రమాలను వేగవంతం చేశారు. ప్రతినెలా 1 వ తేదీన జరిగే ఫించన్ల పంపిణీ విషయంలో వెలుగోటి.మధు చేస్తున్న కృషి పలువురి ప్రశంసలు అందుకుంటున్నది. ఉదయం 7 గంటల కల్లా ఫించన్ల పంపిణీ లక్ష్యాలను అధిగమించి అందరి చేత బేష్ అనిపించుకుంటారు. వృత్తి పట్ల అంకితభావం కలిగిన మధును ఈ యేడాది కూడా ఉత్తమ కార్యదర్శి అవార్డు వరించడం అభినందనీయమని పలువురు హర్షం వ్యక్తం చేస్తున్నారు.
• Valluru Prasad Kumar
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
• Valluru Prasad Kumar
Image
శ్రీ‌వాణి ట్ర‌స్టు దాత‌ల కోసం ఆన్‌లైన్ అప్లికేష‌న్ ప్రారంభం
• Valluru Prasad Kumar
అంబెడ్కర్ జయంతి సందర్భంగా శుభాకాంక్షలు తెలిపిన ysrcp నేత దేవినేని ఆవినాష్
• Valluru Prasad Kumar
Image
ఆంధ్ర ప్రదేశ్‌ రెవెన్యూశాఖ ఆధ్వర్యంలో ఇకపై ఆటో మ్యుటేషన్‌ సేవలు అమలు.
• Valluru Prasad Kumar