గుంటూరులో చంద్రబాబుతో భేటిలో టిడిపి నేతలు

గుంటూరులో చంద్రబాబుతో భేటిలో టిడిపి నేతలు
గుంటూరు:  పార్టీ కార్యాలయంలో తెలుగుదేశం పార్టీ అధ్యక్షులు శ్రీ నారా చంద్రబాబు నాయుడుతో మంగళవారం టిడిపి నేతలు భేటి అయ్యారు.
ఈ సందర్భంగా చర్చించిన అంశాలు: 
1).పోలవరం ప్రాజెక్టు పనుల్లో రాజకీయ దురుద్దేశంతోనే రాష్ట్రానికి వేల కోట్ల నష్టం చేశారు. రివర్స్ టెండర్ పేరుతో టెండర్ ను రిజర్వ్ చేశారు, డెవలప్ మెంట్ ను రివర్స్ చేశారు.
గత 4నెలల్లో వైసిపి ప్రభుత్వం చేతకానితనంతో సెల్ఫ్ గోల్ మీద సెల్ఫ్ గోల్ చేస్తోంది. 
రివర్స్ టెండర్ల వల్ల రాష్ట్రానికి లాభం ఏంటి..? ప్రజలకు జరిగే నష్టం ఎంత..? అనేదాన్ని అధ్యయనం చేయకుండా మూర్ఖంగా వెళ్లి,  ప్రాజెక్టు భద్రతతో, ప్రజల ప్రాణాలతో ఆడుకుంటున్నారు. 
పోలవరం ప్రాజెక్ట్ హైడల్ వర్క్స్, పవర్ హవుస్ పనులు రెండింటిని ఎందుకు కలిపారు..? సివిసి గైడ్ లైన్స్ ఎందుకు ఉల్లంఘించారు..? టెండర్లు రివర్స్ చేయడం కాదు, మొత్తం  డెవలప్ మెంట్ నే రివర్స్ చేశారు. 
ఆ రోజు ఇదే సంస్థ పోలవరం పనుల్లో టెండర్ ఎందుకు ఎక్కువకు వేసింది..? ఈరోజు తక్కువకు ఎలా వేసింది..?
అప్పుడు ఇదే సంస్థను చంద్రబాబు బినామీ సంస్థ అన్నారు, పట్టిసీమలో దానికి రూ.350కోట్లు దోచిపెట్టారని ఇదే మేఘనను ఆరోజు విమర్శించారు. ఇప్పుడా సంస్థకే ఎలా టెండర్ రిజర్వ్ చేశారు..? రాష్ట్రానికి 10రెట్లు నష్టం చేసి ఇంకా ఆదా చేశామని డబ్బా కొట్టుకుంటారా..? గతంలో పనిచేసిన సంస్థలకు నష్ట పరిహారం కింద ఎన్నివందల కోట్లు చెల్లిస్తారు..? 
ఇదే సంస్థ కాళేశ్వరం పనుల కాంట్రాక్ట్ కు ఎంతకు టెండర్ వేసింది..? జూరాల పవర్ హవుస్ కాంట్రాక్ట్ పనుల్లో ఎంతకు టెండర్ వేసింది..? ఇక్కడ మన పనుల్లో ఇప్పుడు తక్కువకు టెండర్ వేయడం ద్వారా నాసిరకం పనులు చేస్తారా..? లేక వాళ్లకు వేరే విధంగా లబ్ది చేకూరుస్తారా..? ఎందుకీ కక్కుర్తి రాజకీయాలు..? ప్రాజెక్టు భద్రతతో, కోట్లాది ప్రజల జీవితాలతో చెలగాటం ఆడతారా..?
రెండున్నర ఏళ్లలో పోగొట్టిన విద్యుత్ ఉత్పత్తి నష్టమే ఐదారువేల కోట్ల రూపాయలు ఉంటుందని నిపుణులే అంటున్నారు. ఏడాదిలో రైతులకు పోయే పంట నష్టం ఇంకెంత ఉంటుందో..?
పవర్ హవుస్ పనుల పూర్తి గడువును 28నెలలనుంచి 58నెలలకు ఎందుకు పెంచారు..? 30నెలలు పెంచడం ద్వారా రెండున్నరేళ్ల విద్యుత్ ఉత్పత్తిని పోగొట్టారు. దానివల్ల రాష్ట్రానికి ఐదారు వేల కోట్ల నష్టం చేశారు. 
రూ.750కోట్లు ఆదా చేశామని చెప్పుకుంటున్నారు కాని వాస్తవంగా రూ.7,500కోట్ల నష్టం చేశారు. పదిరెట్లు నష్టం చేస్తూ, ఆదా చేశామని చెప్పుకోవడం విడ్డూరంగా ఉంది.
మేము జీర్ణించుకోలేనంత మీరేమీ ఆదా చేయలేదు. కోట్లాది ప్రజలకు, రాష్ట్రానికి మీరు చేస్తున్న నష్టాన్నే మేము జీర్ణించుకోలేక పోతున్నాం.
'బీహార్ ఆఫ్ సౌత్' అని ఆంధ్రప్రదేశ్ ను సీనియర్ జర్నలిస్ట్ అన్నారు. 'గవర్నమెంట్ టెర్రరిజం' తట్టుకోలేమని ప్రముఖ పారిశ్రామిక వేత్త అన్నారు. జాతీయ పత్రికల ఎడిటోరియల్స్ అన్నీ వైసిపి ప్రభుత్వ అరాచకాలను ఎండగట్టాయి. జాతీయంగా, అంతర్జాతీయంగా రాష్ట్ర ప్రతిష్టను వైసిపి ప్రభుత్వం దిగజార్చింది. 
ఇష్టానుసారం చేయడానికి రాష్ట్రం మీ జాగీరు కాదు. ఇక్కడ చట్టాలు ఉన్నాయి, న్యాయస్థానాలు ఉన్నాయి అనేది గుర్తుంచుకోవాలి.
2).పిపిఏలపై వైసిపి నేతలు తలాతోకా లేని ఆరోపణలు చేశారు. పిపిఏలను రద్దు చేస్తూ వైసిపి ప్రభుత్వం ఇచ్చిన జీవో 63ని హైకోర్టు కొట్టేసింది.
 టిడిపి ప్రభుత్వం 5ఏళ్ల పాలనలో ఏ జీవోను కోర్టులు కొట్టేయలేదు, అలాంటిది ఇప్పుడు 4నెలల్లోనే వైసిపి ప్రభుత్వ జీవోను కోర్టు కొట్టేయడం వైసిపి ప్రజా వ్యతిరేక చర్యలకు నిదర్శనం. 
ఆరోజు పిపిఏలపై మీరేం మాట్లాడారు..? అజయ్ కల్లం, పివి రమేష్, శ్రీకాంత్ తదితరులు ప్రెస్ మీట్ లో ఏం చెప్పారు..?  ఇప్పుడు హైకోర్టు తీర్పుకు ఏ ముఖం పెట్టుకుంటారు..? 
మీరిచ్చిన జీవో చెల్లదని కొట్టేయడం కన్నా చెంపదెబ్బ ఏం కావాలి..? చట్టాన్ని మీ చేతుల్లోకి తీసుకున్నా, చట్ట ఉల్లంఘనలకు పాల్పడినా న్యాయవ్యవస్థ చూస్తూ ఊరుకోదు.
హైకోర్టు ఇచ్చిన తీర్పులో ఏం ఉంది..? పిపిఏలను క్యాన్సిల్ చేసే అధికారం ప్రభుత్వానికి లేదు, అది ఈఆర్ సి పరిధిలోని అంశమని చెప్పింది. ఇన్నాళ్లూ వైసిపి చేసిన ఆరోపణలు అవాస్తవాలు అనేది ఈ తీర్పుతో మరోసారి బైటపడింది.