అంబేద్కర్ విదేశీ విద్యానిధి పథకానికి 22 మంది ఎంపిక

విజయవాడ
అంబేద్కర్ విదేశీ విద్యానిధి పథకానికి 22 మంది ఎంపిక
షెడ్యూల్డ్ కులాలు/ షెడ్యూల్డ్ తెగలు చెందిన విద్యార్థులకు విదేశీ విద్యను అందించాలనే లక్ష్యంతో ప్రభుత్వం అమలు చేస్తోన్న అంబేద్కర్ విదేశీ విద్యా నిధి పథకం కింద లబ్ధిపొందేందుకు 22 మంది గిరిజన విద్యార్థులను ఎంపిక చేసినట్లు గిరిజన సంక్షేమ శాఖ ముఖ్య కార్యదర్శి శ్రీ.R.P సిసోడియా, IAS తెలిపారు. సోమవారం విజయవాడలోని గిరిజన సంక్షేమ శాఖ కార్యాలయంలో జరిగిన రాష్ట్ర స్థాయి సెలక్షన్ కమిటీ సమావేశానికి చైర్మన్, గిరిజన సంక్షేమ శాఖ ముఖ్య కార్యదర్శి శ్రీ.R.P సిసోడియా, IAS, కమిటీ కన్వీనర్, గిరిజన సంక్షేమ శాఖ డైరెక్టర్ శ్రీ.P. రంజిత్ బాషా, IAS, ఇతర సభ్యులు హాజరయ్యారు. ఈ పథకం కింద లబ్ధిపొందేందుకు మొత్తం 26 మంది దరఖాస్తు చేసుకోగా వీరిలో 22 మందిని అర్హులుగా ఎంపిక చేయడం జరిగింది. ఎంపికైన విద్యార్థుల్లో 12 మంది ఫిలిప్పీన్స్, ఇద్దరు చైనా దేశాల్లో వైద్యవిద్యను అభ్యసించేందుకు వెళ్తుండగా, ఆరుగురు యూ.కే, ఇద్దరు జర్మనీ దేశాల్లో పీజీ కోసం వెళ్తున్నట్లు గిరిజన సంక్షేమ శాఖ డైరెక్టర్ శ్రీ.P.రంజిత్ బాషా, IAS పేర్కొన్నారు. వీరికి రెండు దశల్లో రూ.15 లక్షల ఆర్థిక సాయం అందచేయడం జరుగుతుందని ఆయన తెలిపారు. ఇందులో తొలుత 50శాతం, మిగిలిన మొత్తం సగం కోర్సు పూర్తి అయిన విడుదల చేయడం జరుగుతుందన్నారు. అలాగే విద్యార్థులకు వీసా ఫీజు రీయింబర్స్ మెంట్ చేయడంతో పాటు ఒక వైపు ప్రయాణానికి అయ్యే ఖర్చును కూడా ప్రభుత్వమే భరిస్తుందని తెలిపారు. విద్యార్థుల ఎంపిక పూర్తిగా పారదర్శకంగా జరిగినట్లు శ్రీ. రంజిత్ భాషా స్పష్టం చేశారు.


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం