నెలలు తరబడి దర్శనమిస్తున్న లీజు బోర్డులు

గతంలో గుంటూరుకు క్యూ కట్టిన కార్పొరేట్‌ వ్యాపార సంస్థలు


పోటీలు పడి ప్రారంభించిన షాపింగ్‌ మాల్స్‌


నేడు వ్యాపారాలు లేక అద్దెలు కట్టలేని పరిస్థితి


నాడు పెద్దనోట్ల రద్దు.. జీఎస్టీ.. ఆ తర్వాత ఆన్‌లైన్‌ షాపింగ్‌ ప్రభావం


నెలలు తరబడి దర్శనమిస్తున్న లీజు బోర్డులు


దిగి వస్తున్న భవన యజమానులు


30 శాతం అద్దె తగ్గింపు... ఖాళీ చేయవద్దని వినతులు


గుంటూరు నగరానికి గతంలో క్యూ కట్టిన కార్పొరేట్‌ సంస్థలు నేడు వెనుకంజ వేస్తున్నాయి. పోటీపడి ప్రారంభించిన షాపింగ్‌ మాల్స్‌లో వ్యాపారాలు లేక అద్దె కట్టలేని పరిస్థితులు నెలకొన్నాయి. మూడేళ్ల కిందటి నోట్ల రద్దు.. జీఎస్టీ ప్రభావంతో క్రమేణా వ్యాపారాలు క్షీణించగా.. ఆన్‌లైన్‌ షాపింగ్‌ ప్రభావం కూడా ఉండడంతో దుకాణాలు మూతపడుతున్నాయి. షాపులు ఖాళీ అవుతుండడంతో యజమానులు కూడా 30 శాతం అద్దె తామే తగ్గిస్తామంటూ ముందుకు వస్తున్నారంటే పరిస్థితి అర్థం చేసుకోవచ్చు.


 


బూజుపట్టిన లీజు బోర్డులు


బ్రాడీపేట 4వ లైనులో కమర్షియల్‌ స్పేస్‌ లీజు బోర్డులు నెలలు తరబడి ఉంటుం డటంతో బూజు పడుతున్నాయే కాని అద్దెలకు రావడం లేదని పలువురు యజమానులు ఆందోళన చెందుతున్నారు. రూ.కోట్లు వెచ్చించి వ్యాపార సముదాయాలు నిర్మిస్తే అద్దె తీసుకునేందుకు ఆయా కంపెనీలు, వ్యాపారులు వెనుకాడుతున్నారు. అలాగని తక్కువకు ఇవ్వలేక రెండు - మూడేళ్లుగా లీజు బోర్డులు పెట్టుకొని ఎదురు చూస్తున్నారు.


 


గుంటూరు: రాజధాని ప్రక టన నేపథ్యంలో గుంటూరు నగరం జెట్‌ స్పీడ్‌తో అభివృద్ధి చెందుతుందని అంతా ఊ హించారు. వెనుకా ముందు ఆలోచించ కుండా కార్పొరేట్‌ వ్యాపార సంస్థల నుంచి చిన్న వ్యాపారుల వరకు కోట్లు వెచ్చించి వ్యాపార సంస్థలు ప్రారంభించారు. ముఖ్యం గా లక్ష్మీపురం మెయిన్‌ రోడ్డు గడిచిన రెండేళ్లలో ఊహించని విధంగా మారి పోయింది. బ్రాడీపేట మెయిన్‌ రోడ్డు, నాలుగో లైనులో కూడా ఇదే తరహాలో ప్రముఖ వ్యాపార సంస్థలు వచ్చాయి. వస్త్ర దుకాణాలు, బంగారం, సెల్‌ఫోన్‌ ఎలక్ర్టానిక్‌ షోరూంలు, బ్యాంక్‌లు, ఫుడ్‌ కోర్ట్‌లు.. ఇలా అనేక వ్యాపార సంస్థలు వెలిశాయి. దీంతో ఆయా ప్రాంతాల్లో కమర్షియల్‌ స్పేస్‌కు విపరీతమైన గిరాకీ వచ్చింది. ఖాళీ స్థలం కనిపిస్తే చాలు కార్పొరేట్‌ వ్యాపార సంస్థలు వాలిపోయాయి. తామే నిర్మాణం పూర్తిచేసు కొని అద్దె చెల్లిస్తామని ముందుగా అడ్వాన్స్‌లు కూడా ఇస్తామంటూ పోటీ పడ్డారు. అప్పటివరకు ఆయా రోడ్లలో కనిపిం చిన రెసిడెన్షియల్‌ భవనాలు మాయమై.. వ్యాపార సంస్థలు, మాల్స్‌ దర్శనమిచ్చాయి. ఆయా రోడ్లలో కమర్షియల్‌ స్పేస్‌ చదరపు అడుగు రూ.80 నుంచి రూ.130 వరకు అద్దె పలికింది. గ్రౌండ్‌ ఫ్లోర్‌లో మాత్రం చదరపు అడుగుకు రూ.120కు తగ్గకుండా అద్దె తీసు కున్నారు. రాజధాని నేపథ్యంలో వివిధ జిల్లా లు, ప్రాంతాల నుంచి రాకపోకలు సాగించే వారి సంఖ్య కూడా పెరిగింది. ఉద్యోగులు, ఆ యా వ్యాపార సంస్థల వల్ల ఇతర ప్రాంతాల నుంచి వచ్చే జనాభా కూడా ఎక్కువైంది. దీంతో మొదటిలో ఆయా వ్యాపారాలు బాగానే సాగాయి. రానున్న రోజుల్లో పరిస్థితి మరింత బాగుంటుందని ఆయా సంస్థల నిర్వాహకులు ఆశపడ్డారు.


నోట్ల రద్దు.. జీఎస్టీ ప్రభావంతో..


పెద్ద నోట్ల రద్దు.. జీఎస్టీ ఏర్పాటుతో ఒక్క సారిగా వ్యాపారాలు దెబ్బతిన్నాయి. దీంతో పాటు రియల్‌ఎస్టేట్‌ రంగం కుదేలు కావ డంతో ఆ ప్రభావం అన్ని వ్యాపార సంస్థలపై పడింది. గడిచిన మూడేళ్లుగా వ్యాపార రం గంలో ఒడిదుడుకులు ప్రారంభమయ్యాయి. దీంతో రూ.లక్షలు అద్దెలు చెల్లించి వ్యాపార దుకాణాలు, మాల్స్‌ నిర్వహించడం భారంగా మారింది. దీనికితోడు ఆన్‌లైన్‌ షాపింగ్‌ ప్రభావం కొంతవరకు మాల్స్‌, కార్పొరేట్‌ వ్యాపార సంస్థలపై కూడా పడింది. సిబ్బం ది కి జీతాలు ఇవ్వలేక, అద్దెలు చెల్లించలేక నిర్వాహకులు సతమతమయ్యారు. దీంతో ఆయా రోడ్లలోని పలు సంస్థలు మూసివేసే పరిస్థితికి వచ్చాయి.


 


దిగివచ్చిన యజమానులు


తాము దుకాణాలను నిర్వహించలేమని కొందరు చేతులెత్తేయడంతో భవన యజ మానులు దిగి వచ్చారు. ప్రస్తుతం చెల్లిస్తున్న అద్దెలో 30శాతం తగ్గించేందుకు అంగీ కరించారు. దీంతో కొందరు తాత్కాలికంగా మూసివేత ఆలోచన విరమించుకున్నారు. అయితే మరికొందరు మాత్రం దుకాణాలను వేరే వారికి అమ్ముకోవడమో, మూసివే సు కోవడమో తప్ప మరో మార్గంలేదనే నిర్ణయానికి వచ్చారు. లక్ష్మీపురం రోడ్డులో రెండు ప్రముఖ దుకాణాలకు అద్దె 40 శాతం వరకు తగ్గించినట్లు తెలుస్తుంది. మరో దుకాణం మూసివేత దిశగా ఉన్నట్లు సమాచారం. దానిని మరో సంస్థ లీజుకు తీసుకునే ఆలోచనలో ఉంది. లక్ష్మీపురం రోడ్డుతోపాటు, బ్రాడీపేట నాలుగో లైను లోనూ పలు దుకాణాలు మూతపడే అవ కాశం ఉన్నట్లు వ్యాపారవర్గాల్లో చర్చ నడు స్తోంది. ఫుడ్‌కోర్ట్స్‌ పరిస్థితి కొంత ఆశా జనకంగా ఉంది. కార్పొరేట్‌ వ్యాపార సంస్థలే కాక చిన్నచిన్న దుకా ణాలు, బ్రాండెడ్‌ షాపులు సైతం వ్యాపా రాలు చేయలేని పరిస్థితికి వచ్చాయి. కొందరు స్థాయికి మించిన అద్దెలకు తీసు కోకపోవడంతో ప్రస్తుత పరిస్థితుల్లో మనుగడ సాగించగలుగుతున్నారు. రానున్న రోజుల్లో మరింత గడ్డు పరిస్థితులు ఎదురయ్యే అవ కాశం ఉందని వారు అంటున్నారు. రాష్ట్రంలో ప్రభుత్వం మారడం, రాజఽధాని పనులు నిలిపివేయడంతో ఆ ప్రభావంపై నగరంలోని వ్యాపారాలపై మరింత ఉంటుందన్న ఆందోళన వ్యక్తమవుతోంది.


Popular posts
చంద్రబాబూ రాజకీయాలనుంచి తప్పుకో.నీ మైండ్‌ కరప్ట్‌ అయింది.
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
మిత్ర ఫౌండేషన్ చారిటబుల్ ట్రస్ట్ ఆధ్వర్యంలో బియ్యం పంపిణీ..