బోటు ప్రమాదానికి అసలు కారకులెవరు?

బోటు ప్రమాదానికి అసలు కారకులెవరు?
రంపచోడవరం : కచ్చులూరు మందంలో పర్యాటక బోటు ప్రమాదానికి అసలు కారకులెవరు? గోదావరి పరివాహక ప్రాంతంలో నదీ రవాణాను పర్యవేక్షించే ధవళేశ్వరం ఇరిగేషన్‌ అధికారులు, కాకినాడ పోర్టు అధికారుల నిర్లక్ష్యమే ఈ ఘోర ప్రమాదానికి కారణం కావడంతో దోషమంతా వారిదేనని విమర్శలు వ్యక్తమవుతున్నాయి. గోదావరి వరదలో ఏ స్థాయిలో లాంచీలు, బోట్లు నడపవచ్చో నిర్దేశిస్తూ వరద సంరక్షణ ప్రణాళికలో ఇరిగేషన్‌ అధికారులు పేర్కొ న్నారు. దీని ఆధారంగా కాకినాడ పోర్టు అధికారులు నిర్దేశించిన నిబంధనలు వాస్తవ పరిస్థితులకు భిన్నంగా వున్నాయి. మార్గదర్శకాల్లో లోపాలే బోటు మునకకు కారణమై చాలా కుటుంబాల్లో తీవ్ర విషాదం మిగిల్చింది. ధవళేశ్వరం బ్యారేజీ వద్ద మొదటి ప్రమాద హెచ్చరిక స్థాయిలో మాత్రమే గోదావరిలో బోట్లు, లాంచీల ప్రయా ణానికి నిషేధాజ్ఞలు అమలు చేస్తున్నారు. గోదావరి వరదల సమయంలో ఉభయ గోదావరి జిల్లాల్లో అనుసరించాల్సిన వ్యూహాలకు సంబంధించి ఇరిగేషన్‌ అధికారులు 2019 వరద సంరక్షణ ప్రణాళికలో రూపొందించారు. దీనికి అనుబంధంగా ఆగస్టు చివర్లో కాకినాడ పోర్టు అధికారులు ఉత్తర్వులు విడుదల చేశారు. ధవళేశ్వరం వద్ద గోదావరి వరద మొదటి ప్రమాద హెచ్చరిక (11.75 అడుగుల) స్థాయిలో ఆనకట్టకు దిగువున, ఎగువున కూడా బోట్లు, లాంచీలను నిషేధించారు. తుపాను, ఇతర ప్రతికూల పరిస్థితుల్లో ఇదే విధంగా చేయాలి. అఖండ గోదావరిలో అయితే మొదటి ప్రమాద హెచ్చరిక జారీ అనంతరం, వశిష్ఠ, గౌతమి పాయల్లో అయితే 13.75 అడుగుల స్థాయిల్లో వరద ప్రవాహం ఉంటే ఎటువంటి పడవలూ నడపరాదు. ఈ స్థాయిలో 80 హెచ్‌పీ లేదా 18 టన్నుల సామర్థ్యం గల లాంచీలకు మినహాయింపు ఉంటుంది. అయితే ధవళేశ్వరం వద్ద వరద 11 అడుగుల స్థాయికి వస్తే గోదావరిలో లాంచీల సంచారానికి ఎటువంటి నిషేధాలూ ఉండవు. కానీ వాతావరణ ప్రతికూలతతో పాటు ప్రత్యేక పరిస్థితుల్లో కూడా గోదావరిలో ప్రయాణాన్ని నిరోధించవచ్చన్న క్లాజు కూడా పెట్టారు. కాగా కచ్చులూరు మందం వద్ద ప్రమాదం జరిగిన రోజున ధవళేశ్వరం వద్ద వరద ప్రమాద స్థాయికి దిగువున... అంటే సుమారు 7-8 అడుగుల మధ్యనే నమోదైంది. దీంతో వరద సంరక్షణా ప్రణాళిక ప్రకారం లాంచీలు, బోట్లు గోదావరిలో సంచరించడానికి ఆటంకం లేదు. కానీ ఎగువ ప్రాంత పరిస్థితులు పాపికొండలుకు వెళ్లడానికి బోట్లకు అనువుగా లేవని నిర్దేశించడంలో అధికారులు విఫలమయ్యారు. ప్రతికూల పరిస్థితులను ఉటంకిస్తూ హెచ్చరికలు చేయాల్సిన బాధ్యతను ఇరిగేషను, పోర్టు అధికారులు పూర్తిగా విస్మరించారు. పాపికొండలు మార్గంలో ప్రమాదపరిస్థితిని ముందుగానే గుర్తించి బోట్లను నిషేధించి ఉంటే ఈ ప్రమాదం జరిగేది కాదు. గోదా వరిపై పూర్తి పట్టు ఉండాల్సిన ఇరిగేషన్‌ అధికారులు గోదావరి వడిని అంచనావేసి ప్రణాళిక రూపొందించకపోవడమే ఈ ప్రమాదానికి కారణమైంది. పోర్టు అధికారులు కూడా తమ వంతుగా గోదావరిలో పరిస్థితులను అంచనా వేయకుండా కేవలం ఇరిగేషన్‌ అధికారులు ఇచ్చే నివేదికల ఆధారంగా మార్గదర్శకాలను ఇవ్వడమూ ఇందులో లోపమే అయింది. ఈ ప్రమాదం నేపథ్యంలోనైనా వరద సంరక్షణా ప్రణాళికలో గోదావరిలో లాంచీలు, బోట్ల సంచారానికి ఉన్న నిబంధనలను సవరించి భవిష్యత్తులో ఇటువంటివి పునరావృతం కాకుండా చూడాలి.


Popular posts
87-88 పదవ తరగతి బ్యాచ్ విద్యార్థుల కలయిక
Image
*పేదలకు వరప్రసాదినిలా 108, 104 సేవలు* తిప్పిరెడ్డి.నారపరెడ్డి..... వింజమూరు, జూలై 1 (అంతిమ తీర్పు-దయాకర్ రెడ్డి): ముఖ్యమంత్రి వై.యస్.జగన్ మోహన్ రెడ్డి బుధవారం ఉదయం లాంచనంగా ప్రారంభించిన 108, 104 అంబులెన్సు వాహనాలు పేద వర్గాల ప్రజలకు వరప్రసాదినిగా మారనున్నాయని మండల వై.సి.పి కన్వీనర్ తిప్పిరెడ్డి.నారపరెడ్డి అన్నారు. ఈ మేరకు ఆయన విలేకరులతో మాట్లాడుతూ ఎన్నికలకు ముందు వై.యస్.జగన్ మోహన్ రెడ్డి తన పాదయాత్రలో భాగంగా రాష్ట్రంలో వై.సి.పి ప్రభుత్వం అధికారంలోకి వచ్చాక పేద, మధ్య తరగతి వర్గాల ప్రజలకు అందుబాటులో ఉండే విధంగా 108, 104 సేవలను విస్తరించనున్నామని హామీ ఇచ్చిన విషయం అందరికీ తెలిసిందేనన్నారు. ఈ నేపధ్యంలో దాదాపుగా 201 కోట్ల రూపాయల నిధులను వెచ్చించి 1088 అంబులెన్సు వాహనాలను విజయవాడలోని బెంజి సర్కిల్ కూడలి వద్ద ప్రారంభించడం అభినందనీయమని నారపరెడ్డి కొనియాడారు. దివంగత మహానేత డాక్టర్ వై.యస్.రాజశేఖర్ రెడ్డి పేద ప్రజలకు మెరుగైన వైద్య సేవలు అందించేందుకు నాడు ఆరోగ్యశ్రీతో పాటు 108 వాహనాలను అందుబాటులోకి తేవడం జరిగిందన్నారు. కాలక్రమేణా 108 వాహనాల వ్యవస్థ మరుగున పడి వాటి మనగడే ప్రశ్నార్ధకంగా మారిందన్నారు. ఈ పరిస్థితులను దృష్టిలో ఉంచుకుని ముఖ్యమంత్రి జగన్ తండ్రి బాటలో పయనిస్తూ ఒకేసారి 1088 అంబులెన్సు వాహనాలను ప్రజలకు సేవ చేసేందుకు ప్రారంభించి అటు తండ్రి ఆశయాలను నెరవేరుస్తూ ఇటు ఆపదలలో ఉన్నవారికి ఆపద్భాంధవునిలా నిలిచారన్నారు. ఉదయగిరి శాసనసభ్యులు మేకపాటి.చంద్రశేఖర్ రెడ్డి సహకారంతో ఈ అంబులెన్సు వాహనాలు త్వరలోనే ఉదయగిరి నియోజకవర్గంలోని అన్ని మండలాలకు కేటాయించనున్నారని నారపరెడ్డి తెలియజేశారు. ప్రజల సం క్షేమమే ధ్యేయంగా పనిచేస్తున్న యువ ముఖ్యమంత్రి వై.యస్.జగన్ మోహన్ రెడ్డి తన ఎన్నికల మేనిఫెస్టోలో ప్రకటించిన పధకాలతో పాటు అదనంగా కొత్త పధకాలకు శ్రీకారం చుడుతుండటం గొప్ప విషయమన్నారు. రాష్ట్రం లోటు బడ్జెట్ లో ఉన్నప్పటికీ ప్రజల సం క్షేమమే లక్ష్యంగా సుపరిపాలన అందిస్తున్న సి.యం జగన్ ఇతర రాష్ట్రాల ముఖ్యమంత్రులకు ఆదర్శంగా నిలుస్తున్నారని తిప్పిరెడ్డి.నారపరెడ్డి హర్షం వ్యక్తం చేశారు.
Image
హర్జిత్ సింగ్ పోరాట పటిమ పోలీసు శాఖ కు ఆదర్శం : డి‌జి‌పి గౌతమ్ సవాంగ్ IPS
Image
చనిపోయాక కూడా ఆవ్యక్తికి మనశ్శాంతి లేకుండా దుష్ప్రచారమా?
గుండెపోటుతో మరణించిన వాలంటీర్ కుటుంబానికి రూ. 5 లక్షల పరిహారం: సీఎం  వైయస్.జగన్
Image