ఆంధ్రప్రదేశ్ లో జాతీయ పోర్టుపై  త్వరలో స్పష్టత

*ఆంధ్రప్రదేశ్ లో జాతీయ పోర్టుపై  త్వరలో స్పష్టత : పరిశ్రమలు,వాణిజ్య, ఐ.టీ శాఖ మంత్రి మేకపాటి గౌతమ్ రెడ్డి*
ఉక్కు కర్మాగారం అభివృద్ధికి కేంద్రం సాయం కోసం వినతి పత్రమిచ్చాం  : మంత్రి మేకపాటి
విశాఖ తీర ప్రాంతం కేంద్రంగా  ఓడలకు సంబంధించిన భవన నిర్మాణం చేపట్టమని అడిగాం
వైజ్ఞానిక సంబంధమైన నైపుణ్య శిక్షణ కేంద్రం ఏపీలో ఏర్పాటు చేయాలని వినతి 
అమరావతి, సెప్టెంబర్ 25 : ఆంధ్రప్రదేశ్‌ రాష్ట్రానికి రావాల్సిన నిధులు, కేంద్రం నుంచి అందాల్సిన సహకారం కోరుతూ రాష్ట్ర పరిశ్రమలు, వాణిజ్య, ఐ.టీ శాఖ మంత్రి మేకపాటి గౌతమ్ రెడ్డి ఢిల్లీ పర్యటన సాగుతోంది. రాష్ట్రంలో పరిశ్రమల స్థాపన, పోర్టుల అభివృద్ధి, జాతీయ స్థాయి గుర్తింపు, ఉక్కు కర్మాగారం ఏర్పాటుకు సంబంధించి ఎప్పటినుంచో పెండింగ్ లో ఉన్న అంశాలను ఒక కొలిక్కి తీసుకువచ్చే దిశగా కేంద్ర మంత్రులు ఒక్కొక్కరితో మంత్రి మేకపాటి భేటీ అయ్యారు. ముందుగా,  ఓడరేవుల శాఖ మంత్రి మాన్‌సుఖ్ మాండవియాను బుధవారం ఏపీ పరిశ్రమలు, ఐటీ శాఖ మంత్రి మేకపాటి గౌతమ్‌రెడ్డి కలిశారు. ఈ సందర్భంగా ఆయన రాష్ట్రానికి సంబంధించిన పలు ప్రతిపాదనలతో కూడిన వినతి పత్రాన్ని మంత్రి మేకపాటి.. కేంద్రమంత్రి మాండవియాకి అందజేశారు.  విభజన హామీలను ఆయనకు వివరించారు. దుగరాజపట్నం పోర్టును జాతీయ పోర్టుగా గుర్తించి ఏర్పాటు చేయాల్సి ఉన్నప్పటికీ కొన్ని సాంకేతిక కారణాల దృష్ట్యా ముందుకు సాగలేదని కేంద్రమంత్రికి మేకపాటి వెల్లడించారు. అయితే, ప్రత్యామ్నాయంగా వేరే ప్రాంతాలను చూపించాలని కేంద్రం కోరిందన్నారు.  అందుకు వీలుగా రామాయపట్నం, మచిలీపట్నం వంటి ప్రాంతాల్లో ఏర్పాటు చేయాలని విజ్ఞప్తి చేశామన్నారు మంత్రి మేకపాటి. బకింగ్‌ హామ్‌ కెనాల్‌లో జల రవాణా విషయాన్ని మంత్రి దృష్టికి తీసుకెళ్లినట్టు గౌతమ్‌ రెడ్డి తెలిపారు. బకింగ్ హామ్స్ కాలువను జాతీయ ప్రాజెక్టుగా గుర్తించి జలరవాణాకు సహకరించాలని కోరినట్లు స్పష్టం చేశారు. తీర ప్రాంతంలో సరకు రవాణాకు అనువుగా మౌలిక సదుపాయాలతో కూడిన కార్యాలయాల ఏర్పాటుపై కేంద్రం ప్రత్యేకంగా దృష్టి పెట్టాలని కోరారు. 947 కిలో మీటర్ల తీర ప్రాంతంలో ఓడలకు సంబంధించిన భవన నిర్మాణానికి చేయూతనివ్వాలన్నారు. ఆ తర్వాత ఉక్కు శాఖ మంత్రి ఫగ్గన్ సింగ్ కులస్తేతో మంత్రి మేకపాటి గౌతమ్ రెడ్డి సమావేశమయ్యారు, కడప జిల్లాలో ఉక్కు కర్మాగారం అభివృద్ధికి సహకరించాలని కేంద్రమంత్రికి విన్నవించారు. ఉక్కు ఫ్యాక్టరీ ద్వారా మరిన్ని పెట్టుబడులు వచ్చేలా చూడాలన్నారు. ఎక్కువ ప్రోత్సాహకాలు అందించడమే కాకుండా, ఉక్కు కర్మాగారానికి మొదటి 7 సంవత్సరాలు జీఎస్టీని మినహాయించాలని మంత్రికి తెలిపారు. ఆంధ్రప్రదేశ్ లో స్టీల్ క్లస్టర్ ఏర్పాటు చేయాలని విన్నవించారు. ఉక్కుకు సంబంధించిన సూక్ష్మ, చిన్న, మధ్యతరహా పరిశ్రమల ఏర్పాటుపైనా ప్రతిపాదనలను కేంద్రమంత్రి కులస్తేకు వినతి పత్రంగా అందించారు మంత్రి మేకపాటి.  ఉక్కు శాఖ మంత్రితో సమావేశం అనంతరం కేంద్ర కెమికల్స్ మరియు ఫర్టిలైజర్స్ శాఖ ముఖ్యకార్యదర్శితో మంత్రి మేకపాటి భేటీ అయ్యారు. కాకినాడ సమీపంలో పెట్రోలియమ్ , కెమికల్స్ మరియు పెట్రో కెమికల్స్ ఇన్వెస్ట్ మెంట్ రీజియన్ (PCPIR) అభివృద్ధికి సహకరించాలని ఆయనను కోరారు. కేజీ బేసిన్ లో పుష్కలంగా ఉన్న సహజవాయువు ద్వారా ఏపీ అభివృద్ధికి కృషి చేయాలని విజ్ఞప్తి చేశారు. వైజ్ఞానిక,పారిశ్రామిక పరిశోధన మండలి డైరెక్టర్ జనరల్ , బృందంతో మంత్రి సమావేశమయ్యారు. ఏపీ కేంద్రంగా వైజ్ఞానిక సంబంధించిన వ్యాపారాలకు సహకరించాలని మంత్రి కోరారు. వైజ్ఞానిక రంగంలో యువత నైపుణ్య శిక్షణ పొందేలా నైపుణ్య కేంద్రం ఏర్పాటుకు చొరవచూపాలని కోరారు. తొలి రోజు పర్యటనలో చివరిగా డీఆర్డీవో ఛైర్మన్ సతీష్ రెడ్డిని మంత్రి మేకపాటి గౌతమ్ రెడ్డి కలిశారు. ఆంధ్రప్రదేశ్ లో డీఆర్ డీవో కేంద్రం ఏర్పాటుకు ఉన్న సాధ్యాసాధ్యాలను పరిశీలించాలని, మంత్రి ఛైర్మన్ ను విజ్ఞప్తి చేశారు.


Popular posts
ఇప్పటి వరకు నమోదైన పాజిటివ్‌ కేసులు:
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image