మద్యం షాపులు తగ్గినా... పెరిగిన అమ్మకాలు

మద్యం షాపులు తగ్గినా... పెరిగిన అమ్మకాలు
గత ఏడాదితో పోల్చుకుంటే అమ్మకాల్లో వృద్ధి
ఎక్సైజ్‌ శాఖకు పెరుగుతున్న ఆదాయం
అక్టోబరు 1 నుంచి జిల్లాలో అన్నీ ప్రభుత్వ మద్యం షాపులే
ఎక్సైజ్‌ అధికారులు సన్నద్ధం
గుంటూరు : జిల్లాలో మద్యం అమ్మకాలు అనుకున్నంతగా తగ్గలేదు. జిల్లా వ్యాప్తంగా అనేక మద్యం దుకాణాలు మూతపడినప్పటికీ వాటి ప్రభావం మద్యం అమ్మకాలపై ఏమాత్రం పడలేదు. దీంతో గత ఏడాదికి, ప్రస్తుత సంవత్సరానికి పోల్చుకుంటే మద్యం అమ్మకాలు ఏ మాత్రం తగ్గలేదు సరికదా పెరుగుతున్నాయి. జిల్లా వ్యాప్తంగా 353 మద్యం షాపులు ఉండగా గత మూడు నెలల నుంచి వాటిలో 66 మద్యం దుకాణాలు నిలిచిపోయాయి. మిగిలిన మద్యం దుకాణాలకు పాత లైసెన్సుదారులే ఈనెలాఖరు వరకు కొనసాగుతున్నారు. మూతపడిన 66 మద్యం దుకాణాలలో 38 షాపులను ప్రభుత్వం సెప్టెంబరు 1 నుంచి ఆధీనంలోకి తీసుకుని నిర్వహిస్తోంది. జిల్లా వ్యాప్తంగా 20 శాతం మద్యం షాపుల్లో కోత పడగా 353 షాపులకు గాను 71 షాపులను తొలగించాల్సి వచ్చింది. జిల్లాలో ఇప్పటి వరకు ప్రైవేటు వ్యక్తుల చేతుల్లో 287, ప్రభుత్వ ఆధీనంలో 38 చొప్పున 325 మద్యం షాపులు నడుస్తున్నాయి. 28 షాపులు ఖాళీగా ఉన్నాయి. దుకాణాల సంఖ్య తగ్గినా మద్యం అమ్మకాలు పెరుగుతూనే ఉన్నాయి. అక్టోబరు 1 నుంచి జిల్లాలో 282 మద్యం షాపులను పూర్తిగా ప్రభుత్వ ఆధీనంలోనే నిర్వహించనున్నారు. దీనికి సంబంధించి సేల్స్‌ సూపర్‌వైజర్లు, సేల్స్‌మన్‌లను కూడా ఎక్సైజ్‌ అధికారులు రిక్రూట్‌ చేసుకున్నారు. ప్రతి షాపునకు ముగ్గురు చొప్పున సిబ్బందిని ఎక్సైజ్‌ అధికారులు ఔట్‌సోర్సింగ్‌ విధానంలో నియమించారు.
తాగి తూగుతున్న యువత : బర్త్‌డే పార్టీలు, వీకెండ్‌ పార్టీలు... ఇలా రకరకాలుగా యువత మద్యంలో మునిగి తేలుతోంది. బర్త్‌డే పార్టీలను నడిరోడ్డుపైన అర్ధరాత్రి వేళల్లో నిర్వహించడం పరిపాటిగా మారింది. మద్యం కంటే బీర్ల అమ్మకాలు జోరుగా సాగుతున్నాయి. ప్రతి విషయానికి సంబంధించి సరదాగా రెండు పెగ్గులేద్దామంటూ చిన్న, పెద్ద తారతమ్యం లేకుండా మద్యం మత్తులో తూలుతున్నారు. షాపుల సంఖ్య తగ్గినప్పటికీ అమ్మకాలు తగ్గక పోవడంతో ఎక్సైజ్‌ శాఖ అధికారులు ఖుషీగా ఉన్నారు.
1 నుంచి 282 ప్రభుత్వ మద్యం షాపులు : నూతన మద్య విధానంలో భాగంగా అక్టోబరు 1 నుంచి మద్యం షాపులను ప్రభుత్వ ఆధీనంలో నిర్వహించనున్నారు. జిల్లాలో 353 మద్యం షాపులకు గాను 20 శాతం కోత విధించగా 71 షాపులను తొలగిస్తున్నారు. దీంతో 282 మద్యం షాపులు అక్టోబరు 1 నుంచి ప్రభుత్వ ఆధీనంలో నడవనున్నాయి. ఎక్సైజ్‌ శాఖ అధికారులు ఇప్పటికే క్షేత్రస్థాయిలో సన్నద్ధమయ్యారు. 
జిల్లాలో మద్యం అమ్మకాల జోరు
2018                             2019
జూన్‌ రూ.150 కోట్లు        రూ.150 కోట్లు
జూలై రూ.164 కోట్లు        రూ.187 కోట్లు
ఆగస్టు రూ.165 కోట్లు      రూ.190 కోట్లు


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం
కరోనా నియంత్రణకు దక్కన్ టూబాకో కంపెనీ  గ్రూప్
Image