మనసున్న రాజు ఉంటే ఆ భగవంతుడు సైతం కరుగుతాడు,

*15.10.2019*
*కాకుటూరు, శ్రీ పొట్టిశ్రీరాములు నెల్లూరు జిల్లా*


*అనిల్‌కుమార్‌ యాదవ్‌, జలవనరుల శాఖా మంత్రి*


ఈ రోజు ప్రతిష్టాత్మకమైన రైతు భరోసా కార్యక్రమానికి మన జిల్లాలో ప్రారంభిస్తూ ఈ కార్యక్రమానికి విచ్చేసిన పెద్దలు, రాష్ట్ర ముఖ్యమంత్రి వర్యులు శ్రీ వైఎస్‌ జగన్‌మోహన్‌రెడ్డి గారికి, అలాగే పెద్దలందరికీ, అధికార యంత్రాగానికి, రైతు సోదరులకూ పేరుపేరునా ధన్యవాదాలు తెలియజేసుకుంటున్నా.


రాష్ట్రంలోనే ఈ రోజు రైతాంగానికి సంబంధించి ఒక ప్రతిష్టాత్మకమైన కార్యక్రమం రైతు భరోసా కార్యక్రమం. ఏదైతే పాదయాత్రలో రైతాంగానికి సంబంధించి ఏటా 12500 చొప్పున యాభైవేల రూపాయలు పెట్టుబడి సాయంగా ఇస్తాను అని చెప్పిన మన ముఖ్యమంత్రి నాలుగేళ్ళు కాదు ఐదేళ్ళు ఇస్తానన్నారు. కానీ ఇప్పుడు ఇంకొక వెయ్యి రూపాయలు పెంచి 13500 రూపాయలు చేసిన గొప్ప మనసున్న నాయకుడు, ముఖ్యమంత్రి శ్రీ వైఎస్‌ జగన్‌. తండ్రికి తగ్గ తనయుడిగా దివంగత నేత వైఎస్‌ రాజశేఖర్‌రెడ్డి గారి బిడ్డగా ఈ రోజు మరోసారి నిరూపించుకున్నారు. ఈ రోజు రాష్ట్రంలో మనమంతా చూస్తున్నాం, మనసున్న రాజు ఉంటే ఆ భగవంతుడు సైతం కరుగుతాడు, ఈ రోజు రాష్ట్రమంతా ఏ డ్యామ్‌ చూసినా నీళ్ళతో కళకళలాడుతూ ఉన్నాయి. ప్రతీ జిల్లాలో ప్రతీ రైతు ముఖంలో చిరునవ్వు చూస్తూ ఉన్నాం. రికార్డులు బ్రేక్‌ చేయాలన్నా, రికార్డులు స్ధాపించాలన్నా ఆ కుటుంబానికే చెల్లుతుంది. దివంగత నేత వైఎస్‌ రాజశేఖర్‌రెడ్డి గారు ఏదైతే రైతాంగం కోసం చేశారో ఈ సారి పులిచింతల మొట్టమొదటిసారిగా 45 టిఎంసిల పూర్తిసామర్ధ్యంతో నీటితో నింపడం ఈ ముఖ్యమంత్రి పాదం మోపిన తర్వాతే అని తెలియజేస్తున్నా. అదే కాకుండా మన జిల్లాలో సోమశిల వచ్చిన తర్వాత 78 టిఎంసీ అయితే 2008లో 73 టిఎంసీ నిల్వచేసుకోగలిగాం. కానీ మొట్టమొదటిసారిగా 75 టిఎంసి నిల్వచేసిన సంవత్సరం...ఈ సంవత్సరమే. 


చంద్రబాబునాయుడు ఇదే జిల్లాలో నిన్న ఒక మాట మాట్లాడారు. నా వల్లే జలాశయాలు నిండాయి అంటున్నారు. చాలా సంవత్సరాల తర్వాత చంద్రబాబునాయుడు ఒక నిజం మాట్లాడారు. ఐదు సంవత్సరాల దరిద్రమైన పాదం రాష్ట్రంలో మోపితే ఒక్క డ్యామ్‌ నిండలేదు. వర్షం లేదు. ప్రజలంతా ఆయన్ను సాగనంపి ఒక మనసున్న మారాజును ముఖ్యమంత్రిని చేసుకుంటే ఈ రాష్ట్రంలో డ్యామ్‌లు ఎలా కళకళలాడుతాయి, రైతాంగం ముఖంలో చిరునవ్వు ఎలా ఉంటుంది అని చెప్పి రాష్ట్ర ప్రజలు ఆ మాజీ ముఖ్యమంత్రికి చూపించడం జరిగింది. రైతు భరోసా కార్యక్రమాన్ని నెల్లూరు జిల్లాలో ప్రతిష్టాత్మకంగా ప్రారంభిస్తుంటే హెలికాఫ్టర్‌ ల్యాండ్‌ అయి పాదం ఈ జిల్లాలో మోపారో లేదో కుంభవర్షం కురిసింది. అదీ ఒక నాయకుడు, మనసున్న రాజు ముఖ్యమంత్రి అయితే ఎలా ఉంటుందో చెప్పడానికి. ఏ జన్మలో నేను పుణ్యం చేసుకున్నానో కానీ, నా తల్లిదండ్రులు ఏం పుణ్యం చేసుకున్నారో తెలీదు కానీ ఒక మనసున్న రాజు ముఖ్యమంత్రిగా ఇన్ని డ్యామ్‌లు నిండుతూ కోట్లాది రైతులు సంతోషంగా ఉంటే దాంట్లో ఇరిగేషన్‌ శాఖామంత్రిగా నాకు ఒక చిన్న అవకాశం ఇచ్చిన నా దైవం చల్లగా ఉండాలని తెలియజేస్తున్నా. చివరిగా ఈ రోజు ఈ జిల్లాలో జగనన్న ముఖ్యమంత్రి అయిన తర్వాత మొదటిసారి జిల్లాకు వచ్చారు. ఇన్ని వేల మంది జనం ముందు నాకు ఒక్క అవకాశం వచ్చింది. స్వాతంత్రం వచ్చిన తర్వాత ఈ జిల్లాలో ఏ బీసికి ముఖ్యమంత్రి ఇవ్వలేదు. చరిత్రలో ఇంకో యాభై సంవత్సరాలు అయిన తర్వాత కూడా జిల్లాలో బీసికి మంత్రి పదవి ఎవరిచ్చారు అంటే అది జగన్‌మోహన్‌రెడ్డి ఇచ్చారని గర్వంగా చెప్పచ్చు. యాభై సంవత్సరాల తర్వాత ఆ మంత్రి ఎవరు అంటే...ఈ జిల్లాలో ఒక చిన్న పేజి అనిల్‌కుమార్‌ యాదవ్‌కు ఉందంటే నా జన్మకు ఇంతకన్నా ఏం కావాలి. నన్ను కన్న నా తండ్రి పైనున్నారు...నా తల్లి ఇక్కడున్నారు, నా తల్లిదండ్రుల సాక్షిగా చెబుతున్నా...నా కంఠంలో ఊపిరి ఉన్నంతవరకూ జగనన్నకు ఒక సైనికుడిగానే ఉంటానని తెలియజేస్తున్నా. ఆ భగవంతుడు ఇంకో జన్మంటూ నాకు ఇస్తే నా దైవానికి ఒక అనుచరుడిగా ఉంటానని చెప్పి , ఈ అవకాశం ఇవ్వమని ఆ దైవాన్ని కోరుకుంటాను. నా జన్మలో ఇంతకన్నా ఇంకేం కావాలని కూడా లేదు. చాలు ఎమ్మెల్యేని చేశారు, ఈ జిల్లాలో బీసిని మంత్రిగా చేశారు, నాకు తెలుసు ఎంత ఇబ్బంది ఉంటుందో, ఇంతకన్నా కోరుకునేదేమీ లేదు. చాలు సంతోషం. ఇంతకన్నా నాకు జగనన్న అనుచరుడంటేనే గర్వంగా ఉంటుంది, ఎమ్మెల్యే, మంత్రి కన్నా. ఈ రోజు ఈ జిల్లాలో ప్రతీ ఎకరాకు నీరందించబోతున్నాం. ఇంకా 25, 30 సంవత్సరాల పాటు జగనన్నే ముఖ్యమంత్రిగా ఉండాలి, రాష్ట్రంలో ఇంకెవరికీ అవకాశం లేదు. ఎవరెన్ని గింజుకున్నా ఇంక లేదు. అయిపోయింది. 


ఈ అవకాశం నాకు ఇచ్చిన పెద్దలందరికీ పేరుపేరునా ధన్యవాదాలు తెలియజేసుకుంటూ ఆజన్మాంతం ఏం చేసినా ఆయన రుణం తీర్చుకోలేను, ఆజన్మాంతం ఆయనకు సేవకుడిగానే ఉంటానని తెలియజేసుకుంటున్నా


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image