ప్రభుత్వ పాఠశాలకు రూ. 2 లక్షలు ఫర్నిచర్ వితరణ

 





అంతిమతీర్పు - శ్రీసిటీ -నెల్లూరు జిల్లా




 


శ్రీసిటీ జపాన్ పరిశ్రమలచే  ప్రభుత్వ పాఠశాలలకు 


రూ.2 లక్షల విలువైన ఫర్నిచర్ వితరణ


 

కార్పొరేట్ సామాజిక బాధ్యత (సీఎస్ఆర్)లో భాగంగా శ్రీసిటీ జపనీస్ కంపెనీస్ గ్రూప్ (ఎస్ జె సీ జీ) శ్రీసిటీ పరిధిలోని మత్తేఱిమిట్ట, చెరివి, ఇరుగుళం ప్రభుత్వ ప్రాథమిక పాఠశాలలకు సుమారు 2 లక్షల రూపాయల విలువచేసే డెస్కులు, బెంచీలు వితరణగా ఇచ్చారు. 

 

గురువారం మత్తేఱిమిట్ట స్కూల్ ఆవరణలో ఏర్పాటు చేసిన ప్రత్యేక కార్యక్రమంలో ఎస్ జె సీ జీ చైర్మన్ ఒటానబే ఆయా పాఠశాలల ప్రధానోపాధ్యాయులకు డెస్కులు అందచేశారు. ఈ సందర్భంగా  ఒటానబే మాట్లాడుతూ, ఇది వరుసగా మూడవ ఏడాది తాము చేపడుతున్నసీఎస్ఆర్ కార్యక్రమం అన్నారు. గత ఏడాది ఇరుగుళం స్కూల్ కు డెస్కులు పంపిణీ, అంతకు క్రితం ఏడాది విద్యార్థులకు స్కూల్ బ్యాగులు, లైబ్రరీ పుస్తకాలు పంపిణీ చేశామన్నారు. విద్యార్థులు వసతి కోసం ప్రస్తుతం డెస్కులు వితరణగా ఇవ్వడం చాలా సంతోషంగా ఉందన్నారు. 
 

సీఎస్ఆర్ కార్యకలాపాలపై శ్రీసిటీ మేనేజింగ్ డైరెక్టర్ రవీంద్ర సన్నారెడ్డి స్పందిస్తూ, శ్రీసిటీ పరిధిలోని ప్రభుత్వ పాఠశాలలో మౌళిక వసతులు పెంపొందించే దిశగా తాము ప్రత్యేక శ్రద్ద చూపుతున్నామన్నారు. ఫలితంగా ఈ పాఠశాలలలో విద్యార్థుల సంఖ్య, ఉతీర్ణత శాతం పెరగడంతో పాటు క్రీడల్లోను బాగా రాణిస్తున్నారని పేర్కొన్నారు. 

 

ఈ కార్యక్రమంలో వరదయ్యపాలెం మండల విద్యాశాఖాధికారి సరస్వతి, శ్రీసిటీ ఫౌండేషన్ సీనియర్ మేనేజర్ సురేంద్రకుమార్, మత్తేఱిమిట్ట ఎంపియుపి స్కూల్ ప్రధానోపాధ్యాయులు ఈశ్వరయ్య, చెరివి ఎంపియుపి స్కూల్ ప్రధానోపాధ్యాయులు రామసుబ్బయ్య, ఇరుగుళం  ఎంపియుపి స్కూల్ ప్రధానోపాధ్యాయులు  చంద్రశేఖర్ తదితరులు పాల్గొన్నారు.   

 

కాగా, శ్రీసిటీ ఫౌండేషన్ ద్వారా గత పదేండ్లుగా పలు కార్యక్రమాలతో శ్రీసిటీ పరిధిలోని ప్రభుత్వ పాఠశాలల విద్యార్థుల అభివృద్ధికి సహాయ సహకారాలు అందిస్తున్నారు. అదనపు స్కూల్ భవనాల నిర్మాణం, డెస్కులు, బెంచీలు పంపిణీ, ఏటా నోటు పుస్తకాల పంపిణీ, ఇతర విద్య పరికరాలు, క్రీడా పరికరాలు పంపిణీ చేస్తున్నారు. ఇంకా ఇచిత రవాణా సదుపాయం, హెల్త్ చెకప్, స్కూల్ యూనిఫామ్ ల పంపిణీ, విద్యా వాలంటీర్ల నియామకం వంటివి చేపడుతున్నారు. విద్యాయేతర కార్యక్రమాలను ప్రోత్సహిస్తూ తరచూ వివిధ పోటీలు నిర్వహిస్తూ బహుమతులు అందచేస్తున్నారు. స్వచ్ఛ భారత్, మొక్కలు నాటడం వంటి చర్యల ద్వారా స్కూల్ పరిసరాలు పరిశుభ్రంగా, పచ్చదనంతో వుంచేందుకు విద్యార్థులలో ప్రేరణ కలిగిస్తున్నారు. 

 











 


 

Popular posts
చంద్రబాబూ రాజకీయాలనుంచి తప్పుకో.నీ మైండ్‌ కరప్ట్‌ అయింది.
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
మిత్ర ఫౌండేషన్ చారిటబుల్ ట్రస్ట్ ఆధ్వర్యంలో బియ్యం పంపిణీ..