విజయనగరం జిల్లాలో రాష్ట్ర గ‌వ‌ర్నర్ బిశ్వభూష‌ణ్ హ‌రిచంద‌న్ ప‌ర్యట‌న‌

23.10.2019 


విజయనగరం జిల్లాలో రాష్ట్ర గ‌వ‌ర్నర్  బిశ్వభూష‌ణ్ హ‌రిచంద‌న్ ప‌ర్యట‌న‌


31న సాలూరుకు రాక : జిల్లా క‌లెక్టర్ వెల్లడి


విజ‌య‌న‌గ‌రం, అక్టోబ‌రు 23: రాష్ట్ర గ‌వ‌ర్నర్ శ్రీ బిశ్వభూష‌ణ్ హ‌రిచంద‌న్ అక్టోబ‌రు 31న సాలూరులో ప‌ర్యటించ‌నున్నట్టు  విజయనగరం జిల్లా క‌లెక్టర్ డా.ఎం.హ‌రిజ‌వ‌హ‌ర్ లాల్ తెలిపారు. గ‌వ‌ర్నర్ ఆరోజు ఉద‌యం 10.30 గంట‌ల‌కు సాలూరు హెలికాప్టర్‌లో చేరుకొని సాలూరు ప‌ట్టణంలోను, స‌మీపంలోని ఏజెన్సీ గ్రామాల్లోనూ ఏర్పాటు చేసిన ప‌లు కార్యక్రమాల్లో పాల్గొంటార‌ని పేర్కొన్నారు. జిల్లా క‌లెక్టర్ వెల్లడించిన ప్రకారం రాష్ట్ర గ‌వ‌ర్నర్ సాలూరు ప‌ర్యట‌న షెడ్యూల్ ఈ విధంగా వుంది.


ఉద‌యం 10.30 గంట‌ల‌కు గ‌వ‌ర్నర్ సాలూరు డిగ్రీ కళాశాల మైదానంలో ఏర్పాటు చేసిన హెలిపాడ్‌కు హెలికాప్టర్‌లో చేరుకుంటారు. 10.35 గంట‌ల‌కు సాలూరులోని యూత్ ట్రైనింగ్ సెంట‌ర్‌కు చేరుకొని మొక్కలు నాటే కార్యక్రమంలో పాల్గొంటారు. అనంత‌రం గిరిజ‌న ప్రాంతాల్లో రాష్ట్ర ప్రభుత్వం చేప‌డుతున్న సంక్షేమ‌, అభివృద్ధి కార్యక్రమాల‌పై రాష్ట్ర ఉప‌ముఖ్యమంత్రి శ్రీ‌మ‌తి పాముల పుష్పశ్రీ‌వాణి, గిరిజ‌న సంక్షేమ‌శాఖ ముఖ్య కార్యద‌ర్శి ఆర్‌.పి.సిసోడియా లు గ‌వ‌ర్నర్‌కు వివ‌రిస్తారు. 10.55 గంట‌ల‌కు గిరిజ‌న గ‌ర్భిణీల కోసం సాలూరులో నిర్వహిస్తున్న వ‌స‌తిగృహాన్ని సంద‌ర్శిస్తారు. 11.05 గంట‌ల‌కు బ‌య‌లుదేరి అన్నంరాజువ‌ల‌స వ‌ద్ద ఉద్యాన పంట‌లు పండిస్తున్న ప్రాంతానికి 11.25 కి చేరుకుంటారు. అక్కడ గిరిజ‌నులు పండిస్తున్న ఉద్యాన పంట‌ల‌ను ప‌రిశీలించి గిరిజ‌నుల‌తో ముచ్చటిస్తారు. 11.50 గంట‌ల‌కు అన్నంరాజువ‌ల‌స గ్రామానికి చేరుకొని గ్రామ స‌చివాల‌యం వ‌ద్ద ఏర్పాటు చేసిన గ్రామ‌స‌భ‌లో పాల్గొంటారు. అక్కడి ఆదివాసీల‌తో గ‌వ‌ర్నర్ ముఖాముఖిలో పాల్గొంటారు. అనంత‌రం గ్రామంలో గిరిజ‌నుల‌కు ఆస్తుల‌ను పంపిణీ చేస్తారు. 12.50 గంట‌ల‌కు పి.కోన‌వ‌ల‌స‌లోని గిరిజ‌న సంక్షేమ బాలిక‌ల‌ గురుకుల పాఠ‌శాల‌ను సంద‌ర్శిస్తారు. అక్కడి బాలిక‌ల‌తో సంభాషిస్తారు. బాలిక‌ల‌తో క‌ల‌సి స‌హ‌పంక్తి భోజ‌నంలో పాల్గొంటారు. 1.45 గంట‌ల‌కు సాలూరులో హెలిపాడ్ చేరుకొని హెలికాప్టర్‌లో బ‌య‌లుదేరి వెళ‌తారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image