తొలి సంక్షేమ పథకం అమలు

👆04.10.2019
ఏలూరు


*తొలి సంక్షేమ పథకం అమలు*
*ఏలూరులో వాహనమిత్ర పథకాన్ని ప్రారంభించిన సీఎం*
*హామీ ఇచ్చిన చోటే పథకం అమలు*
*ఖాకీ చొక్కా తొడిగిన ఆటోడ్రైవర్లు*
*ముఖ్యమంత్రి శ్రీ వైయస్‌.జగన్‌కు రుణపడి ఉంటామన్న ఆటో డ్రైవర్లు*
*అంతకుముందు ప్రభుత్వ వైద్యకళాశాలకూ సీఎం శంకుస్థాపన*


*ప్రభుత్వం ఏర్పడ్డ నాలుగు నెలల్లోనే మాట నిలబెట్టుకున్నామన్న సీఎం*
*ఆటో, మ్యాక్సీ, ట్యాక్సీ డ్రైవర్ల కష్టాలు, సమస్యలు పాదయాత్రలో స్వయంగా చూశాను*
*నాడు మాట ఇచ్చాను... ఇప్పుడు నెరవేరుస్తున్నాను*
*అవినీతికి తావులేకుండా అత్యంత పారదర్శకంగా పథకాన్ని అమలుచేశాం*
*ఎవరికైనా పథకం దక్కకపోయినా అక్టోబరు నెలాఖరు వరకూ దరఖాస్తుకు అవకాశం*
*కొత్తగా లబ్ధిదారులు ఉంటే నవంబర్‌లో వారికి పథకం అమలు*
*1,75,352 దరఖాస్తు చేస్తే, వారిలో 1,73,102 మందికి ఇప్పుడు లబ్ధి* 
*బీసీలు 79 వేలు, ఎస్సీలు దాదాపు 40 వేలు, ఎస్టీలు 6 వేలకు పైగా ఉన్నారని, ఇంకా మైనారిటీలు 17,500, కాపులు 20 వేలు, బ్రాహ్మణులు 397, ఈబీసీలు దాదాపు 9,995 మంది*
*పథకాన్ని పారదర్శకంగా అమలు చేయడంలో వాలంటీర్ల పాత్ర భేష్‌*
*ముఖ్యమంత్రి వైయస్‌.జగన్మోహన్‌ రెడ్డి*


ముఖ్యమంత్రిగారి ప్రసంగం:


సుదీర్ఘ పాదయాత్రలో ఆటో, ట్యాక్సీ, మాక్సీ డ్రైవర్ల కష్టాలు స్వయంగా చూశానని, వారి బాధలు విన్నానని, అందుకే 'నేను ఉన్నాను' అంటూ నాడు 
పాదయాత్రలో భరోసా ఇచ్చిన ముఖ్యమంత్రి శ్రీ వైయస్‌ జగన్‌మోహన్‌రెడ్డి అధికారంలోకి వచ్చిన నాలుగు నెలల్లోపే ఇచ్చిన మాటను నిలబెట్టుకుంటూ వైయస్సార్‌ వాహనమిత్ర పథకం ద్వారా సొంతంగా ఆటోలు, క్యాబ్‌లు, మాక్సీక్యాబ్‌లు నడుపుకుంటున్న వారికి రూ.10వేలు అందించారు. హామీ ఇచ్చిన ఏలూరులోనే ఇవాళ ఈ పథకాన్ని సీఎం ప్రారంభించారు. ఇంకా ఎవరైనా మిగిలిపోతే.., వారు ఆందోళన చెందాల్సిన పనిలేదని, 'వైయస్సార్‌ వాహనమిత్ర' పథకంలో దరఖాస్తు చేసుకోవడానికి ఈనెలాఖరు వరకు అవకాశం ఇస్తున్నట్లు సీఎం ప్రకటించారు. కొత్తగా ఎంపిక చేసిన వారికి నవంబర్‌లో పథకాన్ని వర్తింపచేస్తామని ముఖ్యమంత్రి వెల్లడించారు. 


శుక్రవారం ఉదయం నేరుగా ఏలూరు చేరుకున్న ముఖ్యమంత్రి శ్రీ వైయస్‌ జగన్‌మోహన్‌రెడ్డి తొలుత ప్రభుత్వ వైద్య కళాశాల పనులకు శంకుస్థాపన చేశారు. ఆ తర్వాత స్థానిక ఇండోర్‌ స్టేడియమ్‌లో ఏర్పాటు చేసిన ఒక కార్యక్రమంలో ఆటో, ట్యాక్సీ, మ్యాక్సీల డ్రైవర్లకు రూ.10 వేల ఆర్థిక సహాయం పథకం 'వైయస్సార్‌ వాహనమిత్ర' ను ప్రారంభించారు.  ఏలూరు ఇండోర్‌ స్టేడియమ్‌ వేదికగా ఒక మీట నొక్కడం ద్వారా ఆ మొత్తం సొంతంగా ఆటోలు, మ్యాక్సీలు, ట్యాక్సీలు నడుపుకునే 1.73 లక్షల డ్రైవర్ల ఖాతాల్లోకి రూ.10వేల చొప్పున చేరింది. 
ఆటో డ్రైవర్లు అభిమానంతో సీఎంకు ఖాకీచొక్కా తొడిగారు. 


మాట నిలబెట్టుకున్నాను
 '2018, మే 14న ఏలూరులో పాదయాత్ర సందర్భంగా ఒక మాట ఇచ్చాను. ఆ మేరకు అధికారం చేపట్టిన కేవలం నాలుగు నెలల్లోనే అమలు చేస్తున్నాను. అది మీ అందరి చల్లని దీవెనల వల్లనే సాధ్యమైంది. అందుకు మీకు కతజ్ఞతలు' అంటూ సీఎం శ్రీ వైయస్‌ జగన్‌ తన ప్రసంగం మొదలు పెట్టారు. 


గోడు విన్నాను. చూశాను


పాదయాత్రలో తనను కలిసిన ఆటో డ్రైవర్లు తమ గోడు వెళ్లబోసుకున్నారని, ఫిట్‌నెస్‌ సర్టిఫికెట్‌ లేకపోతే రోజుకు రూ.50 ఫైన్‌ వేస్తున్నారని ఆవేదన చెందాదని తెలిపారు. దాన్ని తాను ఎప్పటికీ మర్చిపోలేనన్నారు.
 'ఎఫ్‌సీ రావాలంటే ఇన్సూరెన్స్‌ చేయించాలి. దానికి దాదాపు రూ.7 వేలు ఖర్చవుతాయి. ఫిట్‌నెస్‌కు అవసరమైన రిపేర్ల కోసం ఖర్చు చేయాలి. రోడ్‌ ట్యాక్స్‌ కోసం కూడా మొత్తం చెల్లించాలి. వారు ఇన్ని కష్టాల్లో ఉన్న విషయాన్ని ఎప్పటికీ మర్చిపోలేను'.
 'అందుకే ఈరోజు మీ తమ్ముడిలా, మీ అన్నలా, మీ కుటుంబ సభ్యుడిగా.. నేను ఒక్కటే చెబుతున్నాను. నేను చూశాను. నేను విన్నాను. నేను ఉన్నాను.. అని చెప్పాను. అందుకే నాలుగు నెలలు కూడా తిరక్కముందే హామీని అమలు చేస్తున్నాను. ఇక్కడ బటన్‌ నొక్కగానే కేవలం రెండు గంటల్లో మీ ఖాతాల్లో రూ.10 వేలు జమ అవుతాయి. ఈ కార్యక్రమం ఏటా అమలు చేస్తాము. ఆ విధంగా 5 ఏళ్లలో మొత్తం రూ.50 వేలు మీ ఖాతాల్లో జమ చేస్తాము' అని సీఎం శ్రీ వైయస్‌ జగన్‌ వివరించారు.


గతంలో ఎవరూ ఆలోచించలేదు
 ఆటో డ్రైవర్ల గురించి ఇప్పటి వరకు దేశంలో ఆలోచించలేదన్న సీఎం, అది ఇక్కడే జరిగిందని సగర్వంగా చెబుతున్నానన్నారు. ప్రతి పథకం అర్హుడైన ప్రతి ఒక్కరికి అందాలని ఆదేశిస్తున్నామని, ఇందులో ఎక్కడా వివక్ష చూపవద్దని స్పష్టం చేశామని చెప్పారు. 
ఎవరెవరు.. ఎంత మంది?


 వైయస్సార్‌ వాహనమిత్ర పథకంలో 1,75,352 దరఖాస్తు చేస్తే, వారిలో 1,73,102 మందికి ఇప్పుడు లబ్ధి చేకూరుస్తున్నామని ముఖ్యమంత్రి చెప్పారు. వారిలో బీసీలు 79 వేలు, ఎస్సీలు దాదాపు 40 వేలు, ఎస్టీలు 6 వేలకు పైగా ఉన్నారని, ఇంకా మైనారిటీలు 17,500, కాపులు 20 వేలు, బ్రాహ్మణులు 397, ఈబీసీలు దాదాపు 9,995 మంది ఉన్నారని తెలిపారు. 


 ఎక్కడా అవినీతి లేకుండా, పూర్తి పారదర్శకంగా వైయస్సార్‌ వాహనమిత్ర పథకం అమలు చేశామని, ప్రతి ఒక్కటి ఆన్‌లైన్‌లో పెట్టామని వెల్లడించారు. ఈ పథకం ద్వారా ఇంత మందికి  మేలు జరుగుతోందని, అందుకే ఈ రాష్ట్రానికి సీఎంగా ఉన్నందుకు గర్వపడుతున్నానని చెప్పారు. 


మరో అవకాశం
 'ఎవరైనా మిగిలిపోయి ఉంటే.. దరఖాస్తులో పొరపాటు చేసి ఉంటే లేదా దరఖాస్తు చేయకపోయినా.. ఈ పథకం ఈనెల 30 వరకు కొనసాగించమని అధికారులను ఆదేశించాను. కాబట్టి గతంలో దరఖాస్తు చేయకపోతే, వెంటనే చేయండి. మీకు గ్రామ సచివాలయాలు సహాయం చేస్తాయి. వారికి నవంబరులో ఈ పథకంలో సహాయం చేస్తాము' అని ముఖ్యమంత్రి ప్రకటించారు.


 ఈ కార్యక్రమాన్ని పూర్తి పారదర్శకంగా అమలు చేయడంలో సహకరించిన గ్రామ వలంటీర్లను అభినందిస్తున్నానని చెప్పారు. ఇప్పుడు గ్రామ, వార్డు  సచివాలయాలు కూడా వచ్చాయని, దీంతో మరిన్ని సేవలు పూర్తి పారదర్శకంగా అందుతాయని సీఎం శ్రీ వైయస్‌ జగన్‌ అన్నారు.


పూర్తి పారదర్శకత


 వైయస్సార్‌ వాహనమిత్ర పథకం లబ్ధిదారుల పేర్లు, బ్యాంక్‌ ఖాతా వివరాలను వేదికపై పవర్‌ పాయింట్‌ ప్రజెంటేషన్‌ ద్వారా చూపి, పథకం అమలులోని పారదర్శకతను సభకు చాటారు. 


 ఇంకా 5 కోట్ల మంది ప్రజలకు వెలుగు నిచ్చిన డాక్టర్‌ వైయస్సార్‌ కంటి వెలుగు పథకం ప్రచార కరపత్రాలతో పాటు, బ్యానర్‌ను ముఖ్యమంత్రి కార్యక్రమం చివరలో ఆవిష్కరించారు. ఈనెల 10 నుంచి ఆ పథకం తొలిదశ అమలు చేస్తున్నారు.


వేదికపై ఆటోడ్రైవర్లు స్పందన


 కాగా కార్యక్రమ ప్రారంభానికి ముందు మాట్లాడిన ఇద్దరు ఆటో డ్రైవర్లు తమ స్పందన తెలిపారు.
–సీహెచ్‌.విజయకుమార్, తాడేపల్లిగూడెం
 '10 వరకు చదివాను. బతకడం కోసం ఆటో డ్రైవర్‌గా పని చేస్తున్నాను. 20 ఏళ్లుగా ఈ పని చేస్తున్నాను. తొలుత నాకు సొంతంగా ఆటో లేదు. అద్దెకు తీసుకుని నడిపేవాణ్ణి. అయితే నాడు మహానేత వైయస్సార్‌ 2004లో స్వయం ఉపాధి పథకంలో ఈ ఆటో ఇప్పించారు. ఆయన చేతుల మీదుగా తాడేపల్లిగూడెం మాదవరంలో ఆటో అందుకుని అప్పటి నుంచి సొంత ఆటో నడుపుతూ బతుకుతున్నాను. అందుకు ఆయనకు ఎంతో రుణపడి ఉంటాను'. 
 'ఇప్పుడు మాకు ఆ మహానేత తనయుడు సీఎం శ్రీ వైయస్‌ జగన్, ఈ సహాయం చేయడమే కాకుండా ఆటోలకు రహదారి పన్ను నుంచి కూడా మినహాయింపు ఇచ్చారు. అందుకు ఆయనను ఎప్పటికీ మరువలేము'.
–సూరిబాబు. ఆటో డ్రైవర్‌.
 'ఇచ్చిన మాటకు కట్టుబడిన సీఎం శ్రీ వైయస్‌ జగన్‌కు ఎప్పుడూ అండగా నిలుస్తాము. ఆయనకు ఎప్పుడూ రుణపడి ఉంటాము.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image