రాష్ట్రంలో సీపెట్‌–సీఎస్‌టీఎస్‌ ఏర్పాటు ఎంతో సంతోషకరం

అక్టోబరు 24, 2019
సూరంపల్లి, కృష్ణా జిల్లా 


రాష్ట్రంలో సీపెట్‌–సీఎస్‌టీఎస్‌ ఏర్పాటు ఎంతో సంతోషకరం
ఇందుకు సీఎం అందించిన సహకారం చాలా అభినందనీయం
సీఎం శ్రీ వైయస్‌ జగన్‌తో ఈ వేదిక పంచుకోవడం ఆనందకరం
కేంద్ర ఎరువులు, రసాయన శాఖ మంత్రి శ్రీ డీవీ సదానందగౌడ
కృష్ణా జిల్లా సూరంపల్లిలో సీపెట్‌ ప్రారంభించిన కేంద్ర మంత్రి
నిరుద్యోగ యువతకు ఉపాధి కల్పనకు అత్యధిక ప్రాధాన్యం
అందుకే పరిశ్రమల్లో స్థానికులకు 75 శాతం ఉద్యోగాల కోసం చట్టం
దేశంలోనే తొలిసారిగా రాష్ట్ర ప్రభుత్వం ఈ ప్రక్రియకు శ్రీకారం
ముఖ్యమంత్రి శ్రీ వైయస్‌ జగన్‌మోహన్‌రెడ్డి వెల్లడి
ప్రతి పార్లమెంటు నియోజకవర్గంలో ఒక స్కిల్‌ డెవలప్‌మెంట్‌ సెంటర్‌
ఆ విధంగా పరిశ్రమల అవసరాలూ తీరుస్తాం. వారికీ పూర్తి సహకారం
సూరంపల్లి సీపెట్‌–సీఎస్‌టీఎస్‌ ప్రారంభంలో సీఎం శ్రీ వైయస్‌ జగన్‌


 రాష్ట్రంలో 'సెంట్రల్‌ ఇన్‌స్టిట్యూట్‌ ఆఫ్‌ ప్లాస్టిక్స్‌ ఇంజనీరింగ్‌ అండ్‌ టెక్నాలజీ', 'సెంటర్‌ స్కిల్లింగ్‌ అండ్‌ టెక్నికల్‌ సపోర్ట్‌' (సీపెట్‌–సీఎస్‌టీఎస్‌) ను ప్రారంభించడం ఎంతో సంతోషకరంగా ఉందని కేంద్ర ఎరువులు, రసాయనాల శాఖ మంత్రి శ్రీ డీవీ సదానందగౌడ అన్నారు. ఇందుకు సీఎం శ్రీ వైయస్‌ జగన్‌ అందించిన సహకారం చాలా అభినందనీయమని ఆయన పేర్కొన్నారు. ఏపీ సీఎంతో ఈ వేదిక పంచుకోవడం చాలా ఆనందంగా ఉందని చెప్పారు. 
 నిరుద్యోగ యువతకు ఉపాధి కల్పనకు రాష్ట్ర ప్రభుత్వం అత్యధిక ప్రాధాన్యం ఇస్తోందని, ఆ దిశలోనే పరిశ్రమల్లో స్థానికులకు 75 శాతం ఉద్యోగాలు ఇచ్చేలా ఒక చట్టం చేశామని ముఖ్యమంత్రి శ్రీ వైయస్‌ జగన్‌మోహన్‌రెడ్డి వెల్లడించారు. దేశంలోనే తొలిసారిగా ఈ ప్రక్రియకు శ్రీకారం చుట్టామని ఆయన తెలిపారు. ప్రతి పార్లమెంటు నియోజకవర్గంలో ఒక స్కిల్‌ డెవలప్‌మెంట్‌ సెంటర్‌ ఏర్పాటు చేసి యువతకు శిక్షణనిస్తామని, ఆ విధంగా పరిశ్రమల అవసరాలూ తీరుస్తామని, వారికీ పూర్తిగా సహకారం అందిస్తామని సీఎం చెప్పారు.  
 కృష్ణా జిల్లా గన్నవరం నియోజకవర్గం, సూరంపల్లిలో 'సెంట్రల్‌ ఇన్‌స్టిట్యూట్‌ ఆఫ్‌ ప్లాస్టిక్స్‌ ఇంజనీరింగ్‌ అండ్‌ టెక్నాలజీ', 'సెంటర్‌ స్కిల్లింగ్‌ అండ్‌ టెక్నికల్‌ సపోర్ట్‌' (సీపెట్‌–సీఎస్‌టీఎస్‌) నూతన భవన సముదాయాన్ని గౌరవ ముఖ్యమంత్రి శ్రీ వైయస్‌ జగన్‌మోహన్‌రెడ్డితో కలిసి కేంద్ర ఎరువులు, రసాయనాల శాఖ మంత్రి శ్రీ డీవీ సదానందగౌడ గురువారం ప్రారంభించారు.
 రూ.50 కోట్ల వ్యయంతో, 12 ఎకరాల్లో సంస్థను ఏర్పాటు చేయగా, అందులో కేంద్ర, రాష్ట్ర ప్రభుత్వాలు చెరి రూ.25 కోట్లు చొప్పున భరించాయి. సంస్థను ప్రారంభించిన అనంతరం అక్కడ ఒక మొక్క నాటిన కేంద్ర మంత్రి శ్రీ డీవీ సదానందగౌడ, ముఖ్యమంత్రి శ్రీ వైయస్‌ జగన్‌ ఆ తర్వాత ప్రాంగణంలో ఏర్పాటు చేసిన ప్రదర్శనను తిలకించారు.
సీఎం శ్రీ వైయస్‌ జగన్‌ సహకారం అభినందనీయం
 'అందరికీ నమస్కారం' అంటూ తెలుగులో ప్రసంగం ప్రారంభించిన కేంద్ర ఎరువులు, రసాయనాల శాఖ మంత్రి శ్రీ డీవీ సదానందగౌడ అందరినీ ఆకట్టుకున్నారు. రాష్ట్రంలో సీపెట్‌–సీఎస్‌టీఎస్‌ ఏర్పాటు చేసినందుకు ఎంతో సంతోషిస్తున్నానని, సంస్థ ఏర్పాటులో సీఎం శ్రీ వైయస్‌ జగన్‌ సహకారం ఎంతో అభినందనీయమని ఆయన పేర్కొన్నారు. ఏపీ సీఎంతో కలిసి ఈ వేదిక పంచుకోవడం ఎంతో ఆనందంగా ఉందని చెప్పారు.
యువత మన బలం
 ప్రపంచ వ్యాప్తంగా మన దేశంలోనే యువత ఎక్కువ అని కేంద్ర మంత్రి తెలిపారు. దేశంలో 65 శాతం మంది యువత 35 ఏళ్ల లోపు వారేనని ఆయన చెప్పారు. 2025 నాటికి వారి సంఖ్య 173 మిలియన్లకు చేరుకోనుందన్న ఆయన, ఈ నేపథ్యంలో దేశంలో యువత ప్రాధాన్యం ఏ స్థాయిలో ఉందో అర్ధం అవుతోందని అన్నారు. వారికి ఉపాధి కల్పన ద్వారా దేశం ఎంతో అభివృద్ధి చెందుతుందని, ప్రపంచంలోనే నెంబర్‌ వన్‌గా నిలుస్తుందని ధీమా వ్యక్తం చేశారు.
కెమికల్‌ ఇండస్ట్రీకి ఉజ్వల భవిష్యతు
 దేశంలో ప్రస్తుతం కెమికల్‌ ఇండస్ట్రీ విలువ 163 యూఎస్‌ బిలియన్‌ డాలర్లు అని కేంద్ర మంత్రి శ్రీ డీవీ సదానందగౌడ తెలిపారు. ఇది నానాటికీ పురోగమిస్తోందని, 9.3 శాతం అభివృద్ధితో 2025 నాటికి ఈ రంగం 304 బిలియన్‌ డాలర్లకు చేరుకోనుందని వెల్లడించారు. కెమికల్‌ ఇండస్ట్రీకి దేశంలో ఎంతో ఉజ్వల భవిష్యత్తు ఉందని చెప్పారు.
'సీపెట్‌'లకు ప్రాధాన్యం 
 ఈ నేపథ్యంలో దేశంలో ప్రతి చోటా సీపెట్‌లు ఏర్పాటుకు ప్రాధాన్యం ఇస్తున్నామని కేంద్ర మంత్రి వెల్లడించారు. ఇప్పటికే దేశంలో 37 'సీపెట్‌' లు ఉండగా, త్వరలో మరో 5 ఏర్పాటు చేస్తున్నామని తెలిపారు. ఈనెల 31న కేరళలోని కొచ్చిన్‌లో ఆ సంస్థను జాతికి అంకితం ఇవ్వబోతున్నామని చెప్పారు.
 ప్లాస్టిక్‌ టెక్నాలజీలో డిగ్రీ, డిప్లొమా కోర్సులతో పాటు, స్కిల్‌ డెవలప్‌మెంట్‌లో కూడా శిక్షణ ఇస్తున్నామని, ఏపీలో ఏర్పాటు చేసిన సంస్థలో కూడా 1500 మంది శిక్షణ పొందనున్నారని శ్రీ డీవీ సదానందగౌడ పేర్కొన్నారు. 
 జీవితంలో ప్లాస్టిక్‌ ఒక భాగంలా మారిపోయిందని, దీంతో కాలుష్య సమస్య కూడా తీవ్రమైందని, దీన్ని నివారించాల్సి ఉందని చెప్పారు. అందుకు పరిశోధనలు కొనసాగాలని, ప్లాస్టిక్‌ రీసైక్లింగ్‌ జరగాలని అన్నారు. 
నాయుడుపేటలో మరో సీపెట్‌
 ముఖ్యమంత్రి శ్రీ వైయస్‌ జగన్‌ అభ్యర్ధన మేరకు రాష్ట్రానికి మరో సీపెట్‌ కేటాయిస్తున్నామని, నెల్లూరు జిల్లా నాయుడుపేటలో సంస్థను ఏర్పాటు చేస్తామని కేంద్ర మంత్రి శ్రీ డీవీ సదానందగౌడ ప్రకటించారు. 
యువత ఉపాధి కల్పనకు అధిక ప్రాధాన్యం 
 సీపెట్‌–సీఎస్‌టీఎస్‌లో శిక్షణ పొందిన వారికి మరింత త్వరగా ఉద్యోగాలు లభిస్తాయని ఆశిస్తూ సూరంపల్లిలో సంస్థను ఏర్పాటు చేశామని ముఖ్యమంత్రి శ్రీ వైయస్‌ జగన్‌ తెలిపారు. రాష్ట్ర వ్యాప్తంగా 25 పార్లమెంటు నియోజకవర్గాలలో స్కిల్‌ డెవలప్‌మెంట్‌ సెంటర్లు ప్రారంభించబోతున్నామని ఆయన వెల్లడించారు. దేశంలో ఎక్కడా జరగని విధంగా మన రాష్ట్రంలో పరిశ్రమల్లో 75 శాతం ఉద్యోగాలు స్థానికులకు ఇవ్వాలని చట్టం చేశామని, యువతకు ఉద్యోగ అవకాశాలు మెరుగుపర్చేందుకే ఆ చట్టం చేశామని చెప్పారు.
పరిశ్రమలకూ సహకారం
 దీంతో తమ బాధ్యత కూడా పెరిగిందని, అందుకే పారిశ్రామిక వర్గాల అవసరాలు తీర్చే విధంగా స్కిల్‌నెస్‌ పెంచి, యువతను సిద్ధం చేస్తున్నామని సీఎం శ్రీ వైయస్‌ జగన్‌ తెలిపారు. మరోవైపు పరిశ్రమలకూ పూర్తి సహకారం అందిస్తున్నామన్న ఆయన, ఆ దిశలోనే 25 పార్లమెంటు నియోజకవర్గాలలో స్కిల్‌ డెవలప్‌మెంట్‌ సెంటర్లు ఏర్పాటు చేస్తున్నామని మరోసారి చెప్పారు. ఈ ప్రక్రియలో అవసరమైన సహకారం అందించాలని కేంద్రాన్ని కోరారు. 
 మంత్రులు శ్రీ పెద్దిరెడ్డి రామచంద్రారెడ్డి, శ్రీ మేకపాటి గౌతమ్‌రెడ్డి, శ్రీ వెల్లంపల్లి శ్రీనివాస్, మచిలీపట్నం ఎంపీ వల్లభనేని బాలశౌరి, ప్రభుత్వ విప్‌ శ్రీ సామినేని ఉదయభాను, ఎమ్మెల్యేలు శ్రీ కె.పార్థసారథి, శ్రీ మల్లాది విష్ణు, శ్రీ రక్షణనిధి, శ్రీ ఎం.జగన్మోహన్‌రావు, శ్రీ కైలా అనిల్‌కుమార్, ప్రభుత్వ ప్రధాన కార్యదర్శి ఎల్వీ సుబ్రమణ్యంతో పాటు, పలువురు అధికారులు, అనధికారులు ఈ కార్యక్రమంలో పాల్గొన్నారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image