ఎస్టీ కాలనీ ప్రజలతో మాజీ జడ్.పి.టి.సి దీపావళి సంబరాలు

*ఎస్టీ కాలనీ ప్రజలతో మాజీ జడ్.పి.టి.సి దీపావళి సంబరాలు* వింజమూరు: వింజమూరులోని జీ.బి.కే.ఆర్ ఎస్టీ కాలనీ ప్రజలతో మాజీ జడ్.పి.టి.సి సభ్యులు, జిల్లా తెలుగుదేశం పార్టీ ఉపాధ్యక్షులు తిప్పిరెడ్డి. నారపరెడ్డి దీపావళి సంబరాలు నిర్వహించారు. ముందుగా ఆయన బాణాసంచాను కొనుగోలు చేసి కాలనీవాసులకు అందజేసి వారిలో అనంద భరిత వాతావరణమును సృష్టించారు. కాలనీ వాసులతో పాటు చిన్నపిల్లలకు స్వీట్లు పంచి పెట్టారు. ఈ సందర్భంగా వింజమూరులో పేదరికాన్ని జయించి వైద్య వృత్తిని చేపట్టిన చంద్రను ఆయన కాలనీ వాసులకు పరిచయం చేశారు. చిన్నారులకు పాటల పోటీలు నిర్వహించి ఉత్తమ ప్రతిభ కనబరిచిన వారికి నగదు బహుమతులు అందజేశారు. అనంతరం ఆయన మాట్లాడుతూ చిన్నారులు ముఖ్యంగా చదువు పట్ల ఆసక్తిని కలిగి ఉండాలన్నారు. కృషి, పట్టుదల, సంకల్ప దీక్ష ఉంటే భవిష్యత్ లో ఉన్నత శిఖరాలను సులభంగా అధిరోహించవచ్చని వైద్యుడు చంద్ర పరిస్థితిని ఉదాహరణగా చెబుతూ విద్యపై అందరూ ఆసక్తిని పెంపొందించుకోవాలని హితభోధ చేయడం జరిగింది. ఎస్టీ కాలనీ అభివృద్ధికి గతంలో విశేషంగా కృషి చేశామన్నారు. ఈ దీపావళి పండుగను ఎస్టీ కాలనీ ప్రజల మధ్య జరుపుకోవడం చాలా ఆనందంగా ఉందని చెప్పారు. కాలనీలో ప్రతి ఒక్కరూ వారి వారి పిల్లల ఉజ్వల భవిత కోసం ఖచ్చితంగా పాఠశాలలకు పంపించాలని కోరారు. స్థానిక దేవాలయం వద్ద జరిగిన ఈ కార్యక్రమం కోలాహలంగా సాగింది


Popular posts
విజయవాడలో కొత్త ట్రాపిక్ సిగ్నల్ వ్యవస్థ
*శాంతి భద్రతల పరిరక్షణ కోసం అందరం కృషి చేద్దాం..* నూతన సి.ఐ శ్రీనివాసరావు... ఉదయగిరి, జూలై 31 (అంతిమ తీర్పు-ఇంచార్జ్ దయాకర్ రెడ్డి): ప్రజలందరూ కూడా ప్రశాంత వాతావరణములో జీవన ప్రమాణాలు కలిగి ఉండే విధంగా అందరం శాంతి భద్రతల పరిరక్షణ దిశగా ముందుకు సాగుదామని ఉదయగిరి నియోజకవర్గంలోని కలిగిరి నూతన సి.ఐగా భాద్యతలు చేపట్టిన జి.ఎల్.శ్రీనివాసరావు పిలుపునిచ్చారు. గత సి.ఐ రవికిరణ్ స్థానంలో శ్రీనివాసరావు నియామకం జరిగింది. ఈ సందర్భంగా ఆయన మాట్లాడుతూ కలిగిరి, వింజమూరు, కొండాపురం మండలాలలో శాంతి భద్రతల పరిరక్షణకు ప్రజల భాగస్వామ్యంతో నిర్విరామంగా కృషి చేయనున్నామన్నారు. అసాంఘిక కార్యకలాపాలను ఉపేక్షించేది లేదన్నారు. అక్రమ మద్యం విక్రయాలు, బెల్టు షాపులు, పేకాట, కోడి పందేలు, నిషేదిత గుట్కా విక్రయాలపై ఉక్కుపాదం మోపనున్నామని సి.ఐ శ్రీనివాసరావు స్పష్టం చేశారు. ప్రస్తుతం ఎటు చూసినా కరోనా వైరస్ విస్తరిస్తున్నందున ప్రజలందరూ కూడా కోవిడ్-19 నిబంధనలకు అనుగుణంగా నడుచుకోవాలన్నారు. ప్రభుత్వాలు ప్రజల సం రక్షణ కోసమే పనిచేస్తాయనే విషయమును ప్రతి ఒక్కరూ గుర్తించుకోవాలన్నారు. కంటైన్మెంట్ జోన్లులో అధికారుల సూచనలు, సలహాలు పాటిస్తూ కరోనా వైరస్ నియంత్రణ దిశగా తగు జాగ్రత్తలు వహించాలని ఈ సందర్భంగా సి.ఐ శ్రీనివాసరావు ప్రజలకు విజ్ఞప్తి చేశారు.
Image
ఆర్టీసీలో 1000 ఎలక్ట్రిక్‌ బస్సులు
శ్రీశైలం ప్రాజెక్ట్ నీటి ఉదృతి
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం