శ్రీసిటీలో ఆర్ట్ ఆఫ్ లివింగ్ ధ్యాన కేంద్రం ప్రారంభం





 

శ్రీసిటీలో "ఆర్ట్ ఆఫ్ లివింగ్" ధ్యాన కేంద్రం ప్రారంభం 

 

 

  శ్రీసిటీ అక్టోబర్ 11,(అంతిమ తీర్పు):         ధ్యాన గురువు శ్రీ శ్రీ రవిశంకర్ నేతృత్వంలోని "ఆర్ట్ ఆఫ్ లివింగ్" ధ్యాన కేంద్రం శాఖను శుక్రవారం శ్రీసిటీలో ప్రారంభించారు. శ్రీరామ్ లైఫ్ మేనేజింగ్ డైరెక్టర్, ఆర్ట్ ఆఫ్ లివింగ్ ఫౌండేషన్ తమిళనాడు స్టేట్ మాజీ ప్రెసిడెంట్ అఖిలా శ్రీనివాసన్ లాంఛనంగా దీనిని ప్రారంభించారు. 

 

ఈ సందర్భంగా అఖిలా శ్రీనివాసన్ మాట్లాడుతూ, ఆర్ట్ ఆఫ్ లివింగ్ ధ్యాన సూత్రాల ద్వారా ప్రతి ఒక్కరు మానసిక, శారీరక, భావోద్యేగ పటుత్వం, లబ్ది పొందవచ్చన్నారు. ఒత్తిడితో కూడిన ప్రస్తుత జీవన విధానంలో ధ్యానం, యోగా ఆవశ్యకత గురించి ఆమె వివరించారు. రోజు గంట సేపు ఆర్ట్ ఆఫ్ లివింగ్ ద్వారా నేర్చుకునే ప్రాణాయామా, క్రియా, బ్రీతింగ్ టెక్నిక్స్ అమలు చేయడం ద్వారా ఒత్తిడికి దూరం కావచ్చన్నారు. కోపం, విసుగు, ప్రతికూల ఆలోచనలను విడనాడి ప్రశాంతతను పొందవచ్చన్నారు. శ్రీసిటీ పరిసర ప్రజలు, పరిశ్రమ వర్గాలు, విద్యార్థులు ఈ అవకాశాన్ని వినియోగించుకోవాలని కోరారు. కేంద్రం ఏర్పాటుకు సహకరించిన శ్రీసిటీ యాజమాన్యానికి కృతఙ్ఞతలు తెలిపారు. 


 

శ్రీసిటీ మేనేజింగ్ డైరెక్టర్ రవీంద్ర సన్నారెడ్డి మాట్లాడుతూ, ఆర్ట్ ఆఫ్ లివింగ్ ధ్యాన కేంద్రం ఇక్కడ ఏర్పాటు కావడం పట్ల సంతోషం వ్యక్తం చేశారు. కేంద్రం ఏర్పాటుకు శ్రీసిటీని ఎంపిక చేసుకున్నందుకు కృతఙ్ఞతలు తెలిపారు. శ్రీసిటీ ఇప్పటి వరకు గ్రీన్ సిటీ, స్త్రీ సిటీ గా పిలువబడుతోందని, ధ్యాన కేంద్రం ద్వారా హ్యాపీ సిటీగా మారుతుందన్న ఆశాభావం వ్యక్తం చేశారు.  

 

ఆర్ట్ ఆఫ్ లివింగ్ కార్పొరేట్ ఎగ్జిక్యూటివ్స్ నిపుణులు స్మిత, యోగా, ధ్యానం యొక్క ప్రాముఖ్యతను వివరించడంతో పాటు కొన్ని శ్వాస పద్ధతులను (బ్రీతింగ్ టెక్నిక్స్) నేర్పించారు. 

 

ఈ ధ్యాన కేంద్రం శ్రీసిటీ క్రీక్ సైడ్ అపార్ట్మెంట్స్ బ్లాక్ "ఏ" లో ఏర్పాటు కాగా, బోధకుడుగా నరేంద్ర వ్యవహరించనున్నారు. 

 

కాగా, 1981 లో స్థాపించబడిన ఆర్ట్ ఆఫ్ లివింగ్ ఫౌండేషన్, శ్రీ శ్రీ రవిశంకర్  మార్గదర్శకత్వంలో ప్రపంచవ్యాప్తంగా 156 దేశాలలో పనిచేస్తోంది. ఇది లాభాపేక్షలేని, తత్వశాస్త్రం మార్గనిర్దేశంలోని విద్యా మరియు మానవతా సంస్థ. ఒత్తిడి లేని మనస్సు, హింస లేని సమాజం ప్రపంచ శాంతిని సాధించగలవు అనే సూత్రంపై పనిచేసే ఆర్ట్ ఆఫ్ లివింగ్ కమ్యూనిటీ  అన్ని వర్గాల ప్రజలను ఆకర్షిస్తుంది. ఇది ఒత్తిడిని తొలగించడానికి అనేక  అత్యంత ప్రభావవంతమైన విద్యా, స్వీయ-అభివృద్ధి కార్యక్రమాలు మరియు సాధనాలను అందిస్తుంది. దీని శ్వాస పద్ధతులు, ధ్యానం, యోగా వంటి కార్యక్రమాలు ప్రపంచవ్యాప్తంగా ఉన్న లక్షలాది మంది జీవితాలను మార్చడానికి సహాయపడ్డాయి.





 


 

Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
పేదల పక్షపాతి, విశ్రాంత ఐఏఎస్‌ యుగంధర్‌ ఇక లేరు
గుంటూరు కేంద్రంగా కమిషనరేట్‌
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image