గవర్నర్ ఆశీస్సులు తీసుకున్న చిన్నారులు

 


 


 


విజయవాడలో;


స్నేహ పూర్వక వాతావరణంలో రాజ్ భవన్ లో నూతన సంవత్సర వేడుకలు


గవర్నర్ ఆశీస్సులు తీసుకున్న చిన్నారులు


బిశ్వ భూషణ్ హరిచందన్ కు శుభాకాంక్షలు తెలిపిన అమాత్యులు, అధికారులు, సాధారణ ప్రజలు


 నూతన సంవత్సర ఆగమన శుభవేళ రాష్ట్రం అభివృద్ధి పధంలో ముందడుగు వేయాలని ఆంధ్రప్రదేశ్ గవర్నర్ మాననీయ బిశ్వ భూషణ్ హరి చందన్ ఆకాంక్షించారు. అభివృద్ధిలో అగ్రగామి రాష్ట్రంగా వెలుగొందాలని,  ప్రతి ఇంటా శుఖశాంతులు వెల్లి విరయాలని అభిలషించారు. విజయవాడ రాజ్ భవన్‌లో నూతన సంవత్సర వేడుకలు బుధవారం ఘనంగా జరిగాయి.  స్నేహపూర్వక వాతావరణంలో ఉన్నతాధికారులు, ప్రముఖులు, పెద్దలు, చిన్నారులు రాష్ట్ర ప్రధమ పౌరునికి తమ శుభాకాంక్షలను అందించారు. గవర్నర్ కార్యదర్శి ముఖేష్ కుమార్ మీనా ఈ కార్యక్రమాన్ని సమన్వయపరస్తూ రాగా, రోజంతా విభిన్న కార్యక్రమాల సమాహారంగా నడిచింది.  తొలుత శ్రీ దుర్గా మల్లేశ్వర దేవస్ధానం పండితులు వేద మంత్రోచ్చారణ నడుమ గవర్నర్ దంపతులను ఆశీర్వదించారు. ఆలయ పురోహితులతో పాటు  దేవాదాయ శాఖ మంత్రి వెలంపల్లి శ్రీనివాస్, ఆలయ కార్యనిర్వహణ అధికారి కార్యక్రమంలో పాల్గొని గవర్నర్ వారికి అమ్మవారి తీర్ధ ప్రసాదాలు అందచేసారు. అనంతరం గవర్నర్ దంపతులను  రాజ్ భవన్ అధికారులు, సిబ్బంది కలిసి, శుభాకాంక్షలు తెలిపారు.  నూతన సంవత్సర ఆగమన శుభవేళ గవర్నర్ దంపతులు ప్రత్యేకంగా రాజ్ భవన్ అధికారులు, కుటుంబ సభ్యులతో కలిసి అల్పాహారం తీసుకున్నారు.
 తరువాత జరిగిన 'ఓపెన్ హౌస్' కార్యక్రమంలో గవర్నర్ హరిచందన్ ను అమాత్యులు, సామాన్య ప్రజలు, పౌర సమాజ ప్రతినిధులు, సీనియర్ అధికారులు కలుసుకుని వారితో ఆహ్లాదకరమైన సమయాన్ని పంచుకున్నారు. ప్రత్యేక అవసరాల పిల్లల కేంద్రం నుండి చిన్నారులు, అనాధ గృహాల పిల్లలు గవర్నర్‌ను కలుసుకుని ఆయన ఆశీర్వాదం తీసుకున్నారు. తిరుమల తిరుపతి దేవస్ధానం నుండి వచ్చిన వేద పండితులు గవర్నర్ దంపతులను ఆశీర్వదించగా, టిటిడి ఛైర్మన్ సుబ్బారెడ్డి స్వామి వారి ప్రసాదంను అందించారు. సాయంత్రం జరిగిన కార్యక్రమంలో రవాణా, సమాచార శాఖ మంత్రి పేర్ని నాని గవర్నర్ ను కలిసి శుభాకాంక్షలు అందించి, ఆశీర్వచనం తీసుకున్నారు. గవర్నర్ కు నూతన సంవత్సర శుభాకాంక్షలు అందించే వారితో రాజ్ భవన్ రోజంతా సందడిని సంతరించుకోగా, సాయంత్రం రెడ్ క్రాస్ సొసైటీ నేతృత్వంలో నిర్వహించిన సాంస్కృతిక కార్యక్రమాలు విశేషంగా ఆకట్టు కున్నాయి. 
 విభిన్న సమయాలలో జరిగిన కార్యక్రమాలలో స్ధానిక శాసన సభ్యుడు మల్లాది విష్ణు,  డిజిపి గౌతమ్ సావాంగ్, పోలీసు కమిషనర్ ద్వారకా తిరుమల రావు, నీరబ్ కుమార్ ప్రసాద్,  స్పెషల్ చీఫ్ సెక్రటరీ  కారికల్ వలవన్, స్టాంపులు, రిజిస్ట్రేషన్స్ శాఖ కమీషనర్ సిద్ధార్థ్ జైన్, గృహ నిర్మాణ శాఖ ముఖ్య కార్యదర్శి అజయ్ జైన్, జిఎడి కార్యదర్శి శశి భూషణ్ కుమార్, ప్రోటోకాల్ డైరెక్టర్ కిషోర్ కుమార్, చేనేత జౌళి శాఖ సంచాలకులు హిమాన్షు శుక్లా, సమాచార కమీషనర్లు బివి రమణ కుమార్, ఐలాపురం రాజా, రవి కుమార్  గవర్నర్‌ను కలిశారు.  జిల్లా కలెక్టర్ ఇంతియాజ్ అహ్మద్, సంయిక్త కలెక్టర్ మాధవి లత, విజయవాడ నగర పాలక సంస్ధ కమీషనర్  ప్రసన్న వెంకటేష్ , రాష్ట్ర రెడ్ క్రాస్ ఛైర్మన్ శ్రీధర్ రెడ్డి, కృష్ణా జిల్లా ఛైర్మన్ డాక్టర్ సమరం, గవర్నర్ వారి సంయిక్త కార్యదర్శులు అర్జున రావు, నాగమణి తదితరులు గవర్నర్ కలిసి శుభాకాంక్షలు అందించారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image
ప్రజలకు ఇబ్బందులు కలగకుండా ప్రభుత్వం తీసుకుంటున్న చర్యలు
ఎస్కేప్ చానల్ నుండి రెండో పంటకు నీళ్ళు విడుదల చేసిన ఎమ్మెల్యే రామిరెడ్డి ప్రతాప్ కుమార్ రెడ్డి
Image
నెల్లూరు నగరములో చోరీ::వృద్దురాలిపై దాడిచేసి బంగారు నగలు అపహరణ.
Image