బెంజిస‌ర్కిల్ పైవంతెనపై ట్రయల్ రన్ విజయవంతం...

బెంజిస‌ర్కిల్ పైవంతెనపై ట్రయల్ రన్ విజయవంతం...
* రూ.80 కోట్లతో ఒక వరుస పనులు పూర్తి  
* 1470 మీటర్ల పొడవుతో నిర్మించిన ఫ్లై ఓవర్ అనుసంధానరగా 880 మీటర్ల అప్రోచ్ రోడ్డు
* ట్రయల్ రన్‌లో భాగంగా తొలిసారిగా ఫ్లైఓవర్‌పై పయనించిన ఏపి 36ఐహెచ్ 9786 నూతన వాహనం
* ఏలూరు వైపు నుంచి గుంటూరు వైపున‌కు జాతీయరహదారిపై వెళ్లే వాహనాలకు వెసులుబాటు 
* త్వరలోనే కేంద్రమంత్రి చేతులు మీదుగా జాతికి అంకితం
* జిల్లా కలెక్టర్‌ ఏ.యండి.ఇంతియాజ్ వెల్ల‌డి
విజ‌య‌వాడ‌,  (బెంజిసర్కిల్): పైవంతెన విజయవాడ నగర ట్రాఫిక్ సమస్య నియంత్రణకు ముఖ్యంగా బెంజిసర్కిల్ వద్ద ట్రాఫిక్ నియంత్రణకు ఎంతో ఉపకరిస్తుందని జిల్లా కలెక్టర్‌ ఏ.యండి. ఇంతియాజ్ తెలిపారు. సోమవారం సాయంత్రం ఏలూరు వైపు నుంచి వచ్చే వాహనాలను ట్రయల్ రన్‌లో భాగంగా అనుమతించడం జరిగిందన్నారు. సోమవారం సాయంత్రం నగర పోలీస్ కమిషనరు ద్వారకా తిరుమలరావు, జాతీయ రహదారుల ప్రాజెక్టు డైరెక్టర్‌ ఏ.విద్యాసాగర్‌లతో పాటు విలేఖరుల సమక్షంలో ఫ్లైఓవర్ ట్రయల్ రన్ కార్యక్రమంలో కలెక్టర్‌ పాల్గొన్నారు. ఈ సందర్భంగా కలెక్టర్ ఇంతియాజ్ మాట్లాడుతూ రూ.80 కోట్లతో రూపుదిద్దుకున్న ప్రతిష్టాత్మకమైన బెంజిసర్కిల్ ఫ్లై ఓవర్ త్వరలోనే పూర్తి స్థాయిలో ప్రజలకు అందుబాటులోనికి రానున్నదని, వచ్చే నెలలో కేంద్ర మంత్రివర్యులు చేతులు మీదుగా జాతికి అంకితం చేయడం జరుగుతుందన్నారు. దశాబ్దాల విజయవాడ ట్రాఫిక్ సమస్యకు ఒక పరిష్కారం చూపిస్తున్నామని తద్వారా ట్రాఫిక్ సమస్యకు పరిష్కారం లభించినట్లు అవుతుంద‌న్నారు. బెంజిసర్కిల్ పైవంతెన మొదటివరుస పనులను దిలీప్ బిల్ కాన్ సంస్థకు 2016 నవంబరులో జాతీయ రహదారులు సంస్థ ద్వారా పనులను అప్పగించడం జరిగిందన్నారు. బెంజిసర్కిల్ పైవంతెన పనులలో సాంకేతిక మైన కారణాలు, డి జైన్ల మార్పు వలన కొద్దిగా ఆలశ్యం అయినా ప్రజలకు పూర్తి స్థాయిలో త్వరలో అందుబాటులోనికి తెస్తున్నామన్నారు. మొత్తం 1470 మీటర్ల పైవంతెన, 880 మీటర్ల అప్రోచ్ రోడ్డుతో వంతెన నిర్మాణంతో 2.35 కిలోమీటర్ల నిర్మాణం పూర్తి చేయడం జరిగిందన్నారు. రెండవ వరుస ఫ్లెఓవర్ నిర్మాణానికి డిపిఆర్ పూర్తైంద‌ని ఆ పనులు కూడా ప్రారంభం అయితే రాబోయే ఏడాది నుంచి రెండేళ్ల సమయంలో రెండవ ఫ్లై ఓవర్ కూడా పూర్తి అవుతుందన్నారు. బెంజిసర్కిల్ పైవంతెన పై విద్యుత్తు దీపాలను త్వరితగతిన అందుబాటులోనికి తీసుకురావాలని ట్రాన్స్‌కో అధికారులను కలెక్టర్‌ ఆదేశించారు. గత 7, 8 నెలలుగా త‌న‌తో పాటు నగర పోలీస్ కమిషనర్  జాతీయ రహదారుల అధికారులతో పలుమార్లు సమావేశాలు నిర్వహించి పనులు వేగవంత‌మ‌య్యేలా చూడ‌డంతో ట్రయల్ రన్ నిర్వహించుకోగలిగామన్నారు. 
                              నగర పోలీస్ కమిషనర్ సీహెచ్ ద్వారకా తిరుమలరావు మాట్లాడుతూ నగరంలోంచి జాతీయ రహదారి మార్గం వెళుతున్నందున విజయవాడ నగరంలో ట్రాఫిక్ సమస్య ఎక్కువుగా ఉందన్నారు. ట్రయల్ రన్ సందర్భంగా చిన్న చిన్న లోపాలను గుర్తించామని వాటి విషయమై సంబంధిత అధికారులకు సూచనలు చేసామన్నారు. పైవంతెన నుండి దిగే సమయంలో వాలు అధికంగా ఉన్నందున స్పీడు బ్రేకర్లను ఏర్పాటు చేయడం ద్వారా వాహనాల వేగాన్ని నియంత్రించవచ్చని అందుకు తగిన చర్యలు చేపట్టాలని జాతీయ రహదారుల నిర్మాణాల అధికారులకు సూచించామన్నారు. రిఫ్లక్టర్లతో కూడిన సూచిక బోర్డులను అందుబాటులోనికి తీసుకురావాలని ఆదేశాలు జారీ చేశామన్నారు. పైవంతెనతో కొంతమేర నగర ట్రాఫిక్ సమస్యను అధిగమించగల‌మ‌ని ఆశాభావం వ్య‌క్తం చేశారు. ట్రయల్ రన్ కార్య‌క్ర‌మంలో డిసిపిలు టి.నాగేంద్రకుమార్, వి.హర్షవర్ధనరాజు, ట్రాన్స్‌కో అధికారులు డిఇబివి సుధాకర్, ఏడిఇ ప్రవీణ్‌కుమార్, ఏఇ మురళీకృష్ణ, తదితరులు పాల్గొన్నారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image
ప్రజలకు ఇబ్బందులు కలగకుండా ప్రభుత్వం తీసుకుంటున్న చర్యలు
ఎస్కేప్ చానల్ నుండి రెండో పంటకు నీళ్ళు విడుదల చేసిన ఎమ్మెల్యే రామిరెడ్డి ప్రతాప్ కుమార్ రెడ్డి
Image
నెల్లూరు నగరములో చోరీ::వృద్దురాలిపై దాడిచేసి బంగారు నగలు అపహరణ.
Image