కేంద్రం వెనక్కు తగ్గే వరకూ పోరాటం...

కేంద్రం వెనక్కు తగ్గే వరకూ పోరాటం...
గూడూరు జేఏసీ ఆధ్వర్యంలో ప్రారంభమైన రిలే నిరాహార దీక్షలు...
ఎమ్మెల్యే, వైసీపీ, టీడీపీ, సీపీఐ, సీపీఎం, ప్రజా సంఘాల మద్దతు..
ఫోటో రైటప్ : 1. మాట్లాడుతున్న ఎమ్మెల్యే డాక్టర్ వెలగపల్లి వరప్రసాద్ రావు...
2. దీక్షలో కూర్చున్న ముస్లిం సోదరులు
గూడూరు : ఎన్ఆర్సీ, సీఏఏ, ఎన్ పీఆర్ బిల్లులను కేంద్ర ప్రభుత్వం వెనక్కు తీసుకునేంత వరకూ పోరాటం ఆగదని గూడూరు జేఏసీ నాయకులు స్పష్టం చేశారు. శనివారం స్థానిక పెద్ద మశీదు వద్ద జేఏసీ ఆధ్వర్యంలో రిలే నిరాహార దీక్షలు ప్రారంభించారు. ఈ దీక్షలకు ఎమ్మెల్యే వెలగపల్లి వరప్రసాద్ రావు, మాజీ ఛైర్ పర్సన్ పొణకా దేవసేనమ్మలు మద్దతు తెలిపారు. ఈ సందర్భంగా ఎమ్మెల్యే మాట్లాడుతూ అసెంబ్లీ సమావేశాల్లో ఎన్ఆర్సీ, సీఏఎలకు   వ్యతిరేకంగా అసెంబ్లీలో చర్చించేందుకు కృషి చేస్తామన్నారు. జేఏసీ నాయకులు జీలానీ బాష మాట్లాడుతూ దేశ వ్యాప్తంగా నల్ల చట్టానికి వ్యతిరేకంగా కోట్లాది మంది ప్రజలు కుల, మతాలకు అతీతంగా రోడ్లపైకి వచ్చి నిరసనలు తెలుపుతున్నా ఈ పాలకులకు కనీస జ్ఞానం లేకుండా పోయిందని ఆగ్రహం వ్యక్తంచేశారు. జేఏసీ అడ్వైజరీ కమిటీ నాయకులు ఎండి. అబ్దుల్ రహీం మాట్లాడుతూ కేంద్ర ప్రభుత్వం రాజ్యాంగ వ్యతిరేకంగా పార్లమెంటులో మంద బలంతో ఆమోదించుకున్న ఎన్ఆర్సీ, సీఏఏ‌, ఎన్ పీఆర్ లను వెనక్కు తీసుకునేంత వరకూ పోరాటం ఆపేది లేదన్నారు. సమాజంలో ని అన్ని వర్గాలను కలుపుకుని పోరాటం ఉధృతం చేస్తామని పిలుపునిచ్చారు.  సీనియర్ మైనారిటీ నాయకులు ఎండీ. అన్వర్ మాట్లాడుతూ   ప్రజా శ్రేయస్సును కోరే ప్రభుత్వమే అయితే వెంటనే నల్ల చట్టాలను రద్దు చేయాలన్నారు. సీపీఎం రాష్ట్ర కార్యవర్గ సభ్యులు నెల్లూరు యాదగిరి మాట్లాడుతూ ముస్లిమేతరులు కేంద్ర ప్రభుత్వం రాజ్యాంగ వ్యతిరేకంగా ఆమోదించుకున్న నల్ల బిల్లులు కేవలం ముస్లిం లకే అనుకుంటే అంతకంటే పొరపాటు మరొకటి లేదన్నారు. దేశంలోని 130 కోట్ల మంది కూడా ఈ బిల్లుతో అవస్థలు పడాల్సి ఉందన్నారు.    ఇండియన్ యూనియన్ ముస్లిం లీగ్ పార్టీ రాష్ట్ర కార్యదర్శి షేక్ అన్వర్ మాట్లాడుతూ రాష్ట్ర ప్రభుత్వం వెంటనే ఎన్ఆర్సీ, సీఏఏలకు వ్యతిరేకంగా అసెంబ్లీలో తీర్మానం చేయాలని డిమాండ్ చేశారు. ఏపీఎండబ్ల్యూఓ జిల్లా అధ్యక్షులు మగ్దూమ్ మొహిద్దీన్ మాట్లాడుతూ ఢిల్లీలోని షహీన్ బాగ్ ను స్పూర్తిగా తీసుకుని యువత నల్ల చట్టాలకు వ్యతిరేకంగా ఉద్యమాలను ఉధృతం చేయాలని పిలుపునిచ్చారు. తొలి రోజు దీక్షలలో షేక్ అన్వర్ బాను, మహమ్మద్ ఇస్లాం,  సయ్యద్ నయీమ్, షేక్ ఉమర్, సయ్యద్ అస్లం, చిల్లకూరు మండలం ఉడతావారి పాలెంకు చెందిన ఖాదర్ బాష, విందూరుకు చెందిన ఇంతియాజ్, దర్బార్ రఫీలు దీక్షలో కుర్చున్నారు. ఈ కార్యక్రమంలో ఎంఆర్ పీఎస్ రాష్ట్ర ప్రచార కార్యదర్శి మంద కృష్ణయ్య, ప్రజా సంఘాల ఐక్య కార్యాచరణ పోరాట సమితి రాష్ట్ర అధ్యక్షుడు కేఆర్. దాసరి, సీపీఎం  నాయకులు పామంజి మణి, ఎన్. రాబర్ట్, ఎస్. ముత్యాలయ్య, వైసీపీ పట్టణాధ్యక్షులు బొమ్మిడి శ్రీనివాసులు, జిల్లా అధికార ప్రతినిధి నాశిన నాగులు, మాజీ కౌన్సలర్లు చోళవరం గిరిబాబు, రమేష్, శ్రీధర్, అల్తాఫ్,  అలీ ముర్తుజ, ఫయాజ్, కబీర్, రహెమాన్, దర్గా కమిటీ రియాజ్ భాయ్, షాను, దాయిన్, చిట్టేడు రఫీ, ఎస్ఎన్ఎం హైరర్స్ నజీమ్ భాయ్, జబ్బార్ మౌలానా, ఉస్మాన్, మశీదు కమిటీ సభ్యులు అజీజ్ ఖాన్,  తదితరులు పాల్గొన్నారు.


Popular posts
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
వింజమూరు బంగ్లాసెంటెర్ లో గుట్కాలు పట్టివేత* ఒకరి అరెస్ట్... వింజమూరు, అక్టోబర్, 18 (అంతిమ తీర్పు-దయాకర్ రెడ్డి): నెల్లూరు జిల్లా, వింజమూరు మండల కేంద్రం లోని బంగ్లా సెంటర్ వద్ద ఆదిలక్ష్మి ప్రావిశన్ షాప్ లో ఆదివారం ఉదయం కలిగిరి సీఐ శ్రీనివాసరావు, వింజమూరు యస్ ఐ బాజిరెడ్డి లు ఆకస్మిక తనికీలు నిర్వహించారు, ఇందులో భాగంగా 9762 నిషేదిత గుట్కా ప్యాకెట్లను స్వాధీనం చేసుకొని షాప్ యజమాని మూలి హజరత్ రెడ్డి ని అరెస్ట్ చేసారు. ఈ సందర్బంగా వింజమూరు ఐ బాజిరెడ్డి మాట్లాడుతూ... నిషేదిత గుట్కా ఉత్పత్తుల అమ్మకాలపై తమ శాఖకు ముందస్తుగా అందిన సమాచారం మేరకు జిల్లా sp భాస్కర్ భూషణ్ కావలి DSP ప్రసాద్ ఆదేశాలమేరకు తమ సర్కిక్ ఇన్సోఏక్టర్ శ్రీనివాసరావు సూచనలమేరకు సంయుక్తంగా దాడులు నిర్వహించడం జరిగిందని అన్నారు. సత్వరమే సదరు నిందితుడిపై కేసు నమోదు చేయటంతోపాటు కోర్టు కు హాజరు పరచనున్నామన్నారు. అంతేగాక వింజమూరు మండలం లో ఎక్కడైనా సరే అక్రమ మద్యం విక్రయాలు, నిషేదిత గుట్కాల అమ్మకాలు, కిడిపంద్యాలు, పేకాట, తదితర చట్ట వ్యతిరేఖ కార్యకలాపాలపై ప్రజలు ఎప్పటికప్పుడు తమకు సమాచారం అందించాలని యస్ ఐ బాజిరెడ్డి మండల ప్రజలకు సూచించారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image