ప్రజలతో మమేకంమైన మంత్రి మేకపాటి గౌతమ్ రెడ్డి

అంతిమతీర్పు.23.8.2019


*నియోజకవర్గ ప్రజలతో మమేకమైన మంత్రి మేకపాటి గౌతమ్ రెడ్డి*


* సొంత నియోజకవర్గం ఆత్మకూరులో ప్రజల కష్టాలు తీర్చేందుకు తీరిక లేకుండా గడిపిన మంత్రి  


* శ్రీ కృష్ణాష్టమి రోజున కృష్ణుడివలె ఆపదలు తీర్చేందుకు మంత్రి తమ ఇంటికి వచ్చినట్లుందని ఆనందబాష్పాలు


* రెండు రోజులు  వాడవాడలా కలియతిరిగి..గడపగడపను పలకరించి, అప్పటికప్పుడే సమస్యలకు పరిష్కారం 


* 'ఎంజీఆర్ హెల్ప్ లైన్'కు ప్రజల నుంచి వచ్చిన ప్రతి ఫిర్యాదు.. పరిష్కరించడమే లక్ష్యంగా ముందుకు



 నెల్లూరు, ఆగస్ట్,23 ; సొంత నియోజకవర్గం ఆత్మకూరులో మంత్రి మేకపాటి గౌతమ్ రెడ్డి రెండు రోజులపాటు ఊరూర కలియతిరిగారు. వాడవాడలా పర్యటించి ఇంటింటికి వెళ్లి ప్రజలను పలకరించారు. ముఖ్యమంత్రి నవరత్నాల అమలుతో అందరి సమస్యలు త్వరలోనే నతీరుతాయని మంత్రి మేకపాటి గౌతమ్ రెడ్డి ప్రజలకు భరోసానిచ్చారు.  సంక్షేమం, అభివృద్ధి రెండింటిలో  ఆత్మకూరు నియోకవర్గాన్ని ముందుకు నడిపిస్తానని మంత్రి స్పష్టం చేశారు. మాటల్లో కాకుండా చేతలతోనే మీకు  చూపించేందుకే ఎంజీఆర్ హెల్ప్ లైన్ కి శ్రీకారం చుట్టామని మంత్రి అన్నారు. నియోజకవర్గంలో ఎవరు ఎలాంటి  ఇబ్బందులను చెప్పినా , ఫిర్యాదులు చేసినా ఆ సమస్యలను తెలుసుకుని వాటిని సత్వరమే పరిష్కరించేందుకు కృషి చేయాలని అధికారులకు మంత్రి సూచించారు. రెండు రోజుల్లో రెండు మండలాల్లోని ప్రజలను కలుసుకుని ఫిర్యాదులపై చర్యలకు ఉపక్రమించారు.


 నియోజకవర్గంలోని ఏ. యస్. పేట మండలం పొనుగోడు, రాజవోలు, దూబగుంట ఎస్.సి , ఎస్టీ కాలనీలలోని అంగన్ వాడీ భవనాలను పరిశీలించారు. అక్కడే ఆడుకుంటున్న చిన్నారులను పలకరించి చేయి పట్టుకుని నడుస్తూ పౌష్టికాహారం, సౌకర్యాలు అడిగి తెలుసుకున్నారు. అర్హత ఉన్నా వృద్ధాప్య పింఛన్ అందడం లేదని వాపోయిన వారికి వచ్చే నెల నుంచే పెన్షన్లు అందేలా చర్యలు చేపట్టాలని వారి వివరాలను వెంటనే నమోదు చేసే ప్రక్రియను స్థానిక వాలంటీర్ ద్వారా మంత్రి పూర్తిచేయించారు.   


ఏ.ఎస్ పేట మండలంలోని పొనుగోడు గ్రామంలో ఎస్టీ కాలనీ రచ్చ బండపై కూర్చొని గ్రామ సమస్యలు తెలుసుకున్నారు. వీధి దీపాలు లేవని, ఉన్న చోట కూడా కొన్ని వెలగడం లేదని గ్రామ ప్రజలు తమ సమస్యను మంత్రి దృష్టికి తీసుకువెళ్లారు. వీధి దీపాల సమస్య పరిష్కారానికి అధికారులకు కావలసిన గడువు ఇచ్చి  ఇచ్చిన ఆ గడువులోగా సమస్యను పరిష్కరించాలని వారికి ఆదేశాలిచ్చారు. గురువారం ఆత్మకూరు మండలంలోని వెన్నవాడ, వాసిలి, నెల్లూరు పాలెం తదితర గ్రామాల్లో మంత్రి సుడిగాలి పర్యటన చేశారు. కనపడిన ప్రతి మనిషిని పలకరించి ..సమస్యలను అడిగి తెలుసుకున్నారు. శుక్రవారం కూడా అదే పంథాలో పర్యటన కొనసాగించారు. ఏ.యస్ పేట మండలం పొనుగోడు, రాజవోలు, దూబగుంట ప్రాంతాలలో పర్యటించి జనంతో కలిశారు. దూబగుంటలో కృష్ణాష్టమి వేడుకల్లో పాల్గొన్నారు. కృష్ణుని వేషధారణలో ఉన్న చిన్నారిని ఎత్తుకుని ముద్దు చేస్తూ హత్తుకున్నారు. కాలనీలోని రచ్చబండ వద్ద కూర్చుని ఓపికగా వారి సమస్యలు విన్నారు. త్వరలోనే వాటికి పరిష్కారం చూపుతానని భరోసా ఇచ్చారు.


'ఎంజీఆర్ హెల్ప్ లైన్' ద్వారా ప్రజల ఫిర్యాదులను తీసుకుని వాటిని ఆయనే నేరుగా పరిష్కరించేందుకు  స్వయంగా రావడంతో జనం మనసారా స్వాగతం పలికారు. అధికారులు, వాలంటీర్లు, నియోజకవర్గ ప్రజాప్రతినిధులను వెంట పెట్టుకుని మంత్రి రావడమే కాక‌, కొన్ని సమస్యలు అప్పటికప్పుడే పరిష్కరించడం పట్ల  వారు హర్షం వ్యక్తం చేశారు.


Popular posts
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image
ప్రఖ్యాత చిత్రకారుడు రాజా రవివర్మ నేడు 172 వ జయంతి.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image