జ్యుడిషియల్‌ ప్రివ్యూ ప్రక్రియ కోసం హైకోర్టు రిటైర్డ్‌ జడ్జి జస్టిస్‌ బి.శివశంకరరావు నియామకం

11.09.2019
అమరావతి


జ్యుడిషియల్‌ ప్రివ్యూ ప్రక్రియ కోసం హైకోర్టు రిటైర్డ్‌ జడ్జి జస్టిస్‌ బి.శివశంకరరావు నియామకం
హైకోర్టు తాత్కాలిక చీఫ్‌ జస్టిస్‌ సి.ప్రవీణ్‌కుమార్‌తో సంప్రదింపులు, సిఫార్సు తర్వాత ప్రభుత్వం ఉత్తర్వులు
రూ.100 కోట్లు, ఆ పైబడ్డ ప్రతి టెండర్‌ జ్యుడిషియల్‌ ప్రివ్యూ పరిధిలోకి 
ఆ తర్వాత అసెంబ్లీ బడ్జెట్‌ సమావేశాల్లో చట్టం
ఇవాళ జడ్జిని నియమిస్తూ ఉత్తర్వులు జారీ చేసిన పరిశ్రమలు, మౌలిక సదుపాయాలు, పెట్టుబడులు, వాణిజ్య శాఖ
దేశంలోనే అత్యుత్తమ పారదర్శక విధానాన్ని తీసుకు వచ్చిన ముఖ్యమంత్రి శ్రీ వైయస్‌.జగన్‌ 


అమరావతి: అత్యుత్తమ పారదర్శక విధానం దిశగా కీలక అడుగుç పడింది. ముఖ్యమంత్రి శ్రీ వైయస్‌ జగన్‌ నిర్ణయం మేరకు తీసుకు వచ్చిన ముందస్తు న్యాయ సమీక్ష చట్టం అమలుకు సర్వం సిద్ధమవుతోంది. హైకోర్టు రిటైర్డ్‌ జడ్జి జస్టిస్‌ బి. శివశంకరరావును నియమిస్తూ రాష్ట్ర ప్రభుత్వం ఉత్తర్వులు జారీ చేసింది. జస్టిస్‌ శివశంకరరావు పదవీ బాధ్యతలు స్వీకరించిన నాటి నుంచి మూడేళ్ల పాటు ఈ పదవిలో కొనసాగుతారని పరిశ్రమలు, మౌలిక సదుపాయాలు, పెట్టుబడులు, వాణిజ్య శాఖ తన ఉత్తర్వుల్లో పేర్కొంది. 


ప్రభుత్వ టెండర్లలో దేశంలో ఎక్కడా లేని విధంగా అత్యుత్తమ పారదర్శక విధానానికి రాష్ట్ర ప్రభుత్వం శ్రీకారం చుట్టింది. ముఖ్యమంత్రి శ్రీ వైయస్‌.జగన్‌ ప్రమాణ స్వీకారం రోజునే దీనిపై ప్రకటన చేశారు. తన పాలనలో సుపరిపాలన పారదర్శకత కోసం చట్టాన్ని తీసుకురానున్నట్టు వెల్లడించారు. ముందస్తు న్యాయ పరిశీలన ద్వారా పారదర్శకత ప్రక్రియ కోసం జడ్జిని కూడా సూచించాలంటూ హైకోర్టు చీఫ్‌ జస్టిస్‌కు నివేదించారు. దీంట్లో భాగంగా గడచిన అసెంబ్లీ సమావేశాల్లో జులై 26, 2019న బిల్లును రాష్ట్ర శాసనసభ ఆమోదించింది. మౌలిక సదుపాయాలకు సంబంధించిన 25 రకాల పనులు ముందస్తు న్యాయ పరిశీలన  ద్వారా పారదర్శకత చట్టం పరిధిలోకి వస్తాయి. చరిత్రాత్మకమైన చట్టాన్ని తీసుకు వచ్చామని, చరిత్రలో ఎప్పుడూ కూడా ఇలాంటిది జరగలేదని, ఆంధ్రప్రదేశ్‌ నుంచే ఇది మొదలవుతుందని ఆరోజు శాసనసభలో ముఖ్యమంత్రి శ్రీ జగన్‌ అన్నారు. పారదర్శకత అనే పదానికి ఇక్కడ నుంచే అర్థం మొదలైతే, దేశం మొత్తం దీన్ని అనుకరిస్తుందని సీఎం ఆరోజు తన ప్రసంగంలో పేర్కొన్నారు. అవినీతికి దూరంగా ఉండే రాష్ట్రమనే సందేశం మన దేశానికే కాదు, అంతర్జాతీయ సమాజానికి కూడా వెళ్లాలన్నదే తన ఉద్దేశమని చట్టం తీసుకు వచ్చిన సందర్భంగా ముఖ్యమంత్రి అన్నారు. 


జ్యుడిషియల్‌ ప్రివ్యూ ఇలా...:
ఏ టెండర్‌ లేదా పని విలువ రూ.100 కోట్లు, ఆపై దాటితే టెండర్‌ పత్రాలు న్యాయమూర్తి పరిశీలనకు
ఏడు రోజులపాటు ప్రజా బాహుళ్యంలోకి టెండర్‌ పత్రాలు, సలహాలు, సూచనలు స్వీకరణ
తోడుగా ఉండే టెక్నికల్‌ టీం నుంచి జడ్జి సలహాలు, సూచనలు, వివరాలు పొందవచ్చు. 8 రోజుల పాటు ఈ పరిశీలన జరుగుతుంది. సంబంధిత శాఖాధికారులను పిలిపించి టెండర్లలో మార్పులు, చేర్పులు సూచించవచ్చు.
మొత్తం 15 రోజులు ఈ ప్రక్రియ ఉంటుంది. 
న్యాయమూర్తి సూచనలను తప్పనిసరిగా అమలు చేస్తూ ఆ తర్వాత టెండర్‌ నోటిఫికేషన్‌ జారీ చేస్తారు.


ప్రజాధనం దుర్వినియోగం కాకుండా, పూర్తి పారదర్శకంగా, నిష్పక్షపాతంగా టెండర్‌ విధానం ఉంటుంది.


Popular posts
87-88 పదవ తరగతి బ్యాచ్ విద్యార్థుల కలయిక
Image
*పేదలకు వరప్రసాదినిలా 108, 104 సేవలు* తిప్పిరెడ్డి.నారపరెడ్డి..... వింజమూరు, జూలై 1 (అంతిమ తీర్పు-దయాకర్ రెడ్డి): ముఖ్యమంత్రి వై.యస్.జగన్ మోహన్ రెడ్డి బుధవారం ఉదయం లాంచనంగా ప్రారంభించిన 108, 104 అంబులెన్సు వాహనాలు పేద వర్గాల ప్రజలకు వరప్రసాదినిగా మారనున్నాయని మండల వై.సి.పి కన్వీనర్ తిప్పిరెడ్డి.నారపరెడ్డి అన్నారు. ఈ మేరకు ఆయన విలేకరులతో మాట్లాడుతూ ఎన్నికలకు ముందు వై.యస్.జగన్ మోహన్ రెడ్డి తన పాదయాత్రలో భాగంగా రాష్ట్రంలో వై.సి.పి ప్రభుత్వం అధికారంలోకి వచ్చాక పేద, మధ్య తరగతి వర్గాల ప్రజలకు అందుబాటులో ఉండే విధంగా 108, 104 సేవలను విస్తరించనున్నామని హామీ ఇచ్చిన విషయం అందరికీ తెలిసిందేనన్నారు. ఈ నేపధ్యంలో దాదాపుగా 201 కోట్ల రూపాయల నిధులను వెచ్చించి 1088 అంబులెన్సు వాహనాలను విజయవాడలోని బెంజి సర్కిల్ కూడలి వద్ద ప్రారంభించడం అభినందనీయమని నారపరెడ్డి కొనియాడారు. దివంగత మహానేత డాక్టర్ వై.యస్.రాజశేఖర్ రెడ్డి పేద ప్రజలకు మెరుగైన వైద్య సేవలు అందించేందుకు నాడు ఆరోగ్యశ్రీతో పాటు 108 వాహనాలను అందుబాటులోకి తేవడం జరిగిందన్నారు. కాలక్రమేణా 108 వాహనాల వ్యవస్థ మరుగున పడి వాటి మనగడే ప్రశ్నార్ధకంగా మారిందన్నారు. ఈ పరిస్థితులను దృష్టిలో ఉంచుకుని ముఖ్యమంత్రి జగన్ తండ్రి బాటలో పయనిస్తూ ఒకేసారి 1088 అంబులెన్సు వాహనాలను ప్రజలకు సేవ చేసేందుకు ప్రారంభించి అటు తండ్రి ఆశయాలను నెరవేరుస్తూ ఇటు ఆపదలలో ఉన్నవారికి ఆపద్భాంధవునిలా నిలిచారన్నారు. ఉదయగిరి శాసనసభ్యులు మేకపాటి.చంద్రశేఖర్ రెడ్డి సహకారంతో ఈ అంబులెన్సు వాహనాలు త్వరలోనే ఉదయగిరి నియోజకవర్గంలోని అన్ని మండలాలకు కేటాయించనున్నారని నారపరెడ్డి తెలియజేశారు. ప్రజల సం క్షేమమే ధ్యేయంగా పనిచేస్తున్న యువ ముఖ్యమంత్రి వై.యస్.జగన్ మోహన్ రెడ్డి తన ఎన్నికల మేనిఫెస్టోలో ప్రకటించిన పధకాలతో పాటు అదనంగా కొత్త పధకాలకు శ్రీకారం చుడుతుండటం గొప్ప విషయమన్నారు. రాష్ట్రం లోటు బడ్జెట్ లో ఉన్నప్పటికీ ప్రజల సం క్షేమమే లక్ష్యంగా సుపరిపాలన అందిస్తున్న సి.యం జగన్ ఇతర రాష్ట్రాల ముఖ్యమంత్రులకు ఆదర్శంగా నిలుస్తున్నారని తిప్పిరెడ్డి.నారపరెడ్డి హర్షం వ్యక్తం చేశారు.
Image
హర్జిత్ సింగ్ పోరాట పటిమ పోలీసు శాఖ కు ఆదర్శం : డి‌జి‌పి గౌతమ్ సవాంగ్ IPS
Image
చనిపోయాక కూడా ఆవ్యక్తికి మనశ్శాంతి లేకుండా దుష్ప్రచారమా?
గుండెపోటుతో మరణించిన వాలంటీర్ కుటుంబానికి రూ. 5 లక్షల పరిహారం: సీఎం  వైయస్.జగన్
Image