క్రీడాకారిణి ఆశయానికి లోకేష్ ఆసరా

క్రీడాకారిణి ఆశయానికి లోకేష్ ఆసరా 
- గతంలో ఎన్ఆర్ఐ టిడిపి, యూకే టిడిపి ద్వారా రూ.2.5 లక్షలు
-తాజాగా మరో రూ.2.5 లక్షలు అందజేసిన టీడీపీ జాతీయ ప్రధాన కార్యదర్శి నారా లోకేశ్ 
- పవర్ లిఫ్టింగ్ క్రీడాకారిణి చంద్రికకి మొత్తం రూ. 5లక్షలు అందజేసిన టీడీపీ
-ప్రస్తుతం కెనడాలో పవర్ లిఫ్టింగ్ ఛాంపియన్ షిప్ లో పాల్గొంటున్న చంద్రిక 


క్రీడాకారిణి ఆశయానికి తెలుగుదేశం ఆసరాగా నిలిచింది. ఆమె లక్ష్యానికి చేరుకునేందుకు టీడీపీ చేయూతనందించింది. పవర్ లిఫ్టర్ బొల్లినేని స్వర్ణచంద్రిక అంతర్జాతీయ పోటీలలో రాణించి మన దేశం సత్తా చాటేందుకు తెలుగుదేశం పార్టీ రూ.5 లక్షలు సాయం అందించింది. మాట ఇవ్వడం..నెరవేర్చుకోవడం అంటే ఇదే. కొద్దిరోజుల క్రితం జరిగిన ఓ కార్యక్రమంలో తెలుగుదేశం పార్టీ జాతీయ ప్రధాన కార్యదర్శి నారా లోకేశ్ మాట్లాడుతూ దేశం గర్వించేలా అద్భుత ప్రదర్శన చేయండి..మీకు అండగా తెలుగుదేశం పార్టీ ఉంటుందని క్రీడాకారిణికి  హామీ ఇచ్చారు. హామీ ఇచ్చిన కొన్ని రోజులలోనే దానిని నెరవేర్చారు. గుంటూరు జిల్లా మంగళగిరికి చెందిన పవర్ లిఫ్టింగ్ క్రీడాకారిణి చంద్రికకు తాజాగా రూ.2.5 లక్షలు సహాయంగా నారా లోకేశ్ అందజేశారు. చంద్రిక  పేదరికంలో ఎన్నో కష్టాలు పడింది. తల్లిదండ్రులు లేరు. అయినా ఓ వైపు విద్య కొనసాగిస్తూనే మరో వైపు పవర్ లిఫ్టింగ్ పోటీలలో తన సత్తా చాటుతూనే ఉంది. పాఠశాల స్థాయి నుంచి యూనివర్సిటీ, జాతీయ, అంతర్జాతీయ పోటీలలో పాల్గొని 50కి పైగా పతకాలు సాధించింది. ప్రస్తుతం కెనడాలో జరుగుతున్న పవర్ లిఫ్టింగ్ ఛాంపియన్ షిప్ పోటీలలో పాల్గొంటోంది. పవర్ లిఫ్టింగ్ లో సత్తా చాటుతున్న క్రీడాకారిణికి సాయంచేసేందుకు  టీడీపీ ముందుకొచ్చింది. ఇటీవలే ఎన్ఆర్ఐ టిడిపి,యూకే టిడిపి బృందం సేకరించిన 2.5 లక్షల చెక్ టిడిపి జాతీయ ప్రధాన కార్యదర్శి నారా లోకేష్ ఓ కార్యక్రమంలో అందజేశారు. ఈ సందర్భంగా దేశం గర్వించే క్రీడాకారిణిగా ఎదగాలని నారా లోకేశ్ ఆకాంక్షించారు. ఆత్మవిశ్వాసంతో అంతర్జాతీయ పోటీలలో సత్తా చాటి మనదేశం, మన రాష్ర్టం, మన మంగళగిరి సత్తా చాటాలని కోరారు. ఇదే సందర్భంలో చంద్రికకు అవసరమైన శిక్షణ, ఆర్థిక అవసరాలకు తెలుగుదేశం పార్టీ అండగా ఉంటుందని హామీ ఇచ్చారు. ఇచ్చిన హామీ మేరకు చంద్రికకి రూ.2.5 లక్షల సాయాన్ని అందజేశారు. దీంతో ఇప్పటివరకూ టీడీపీ నుంచి క్రీడాకారిణికి మొత్తంగా 5 లక్షలు సాయంగా అందింది. క్రీడాకారిణికి అండగా నిలిచిన తెలుగుదేశం పార్టీకి, సాయం అందించిన నారా లోకేశ్ కి చంద్రిక కుటుంబసభ్యులు కృతజ్ఞతలు తెలియజేశారు.


Popular posts
87-88 పదవ తరగతి బ్యాచ్ విద్యార్థుల కలయిక
Image
*పేదలకు వరప్రసాదినిలా 108, 104 సేవలు* తిప్పిరెడ్డి.నారపరెడ్డి..... వింజమూరు, జూలై 1 (అంతిమ తీర్పు-దయాకర్ రెడ్డి): ముఖ్యమంత్రి వై.యస్.జగన్ మోహన్ రెడ్డి బుధవారం ఉదయం లాంచనంగా ప్రారంభించిన 108, 104 అంబులెన్సు వాహనాలు పేద వర్గాల ప్రజలకు వరప్రసాదినిగా మారనున్నాయని మండల వై.సి.పి కన్వీనర్ తిప్పిరెడ్డి.నారపరెడ్డి అన్నారు. ఈ మేరకు ఆయన విలేకరులతో మాట్లాడుతూ ఎన్నికలకు ముందు వై.యస్.జగన్ మోహన్ రెడ్డి తన పాదయాత్రలో భాగంగా రాష్ట్రంలో వై.సి.పి ప్రభుత్వం అధికారంలోకి వచ్చాక పేద, మధ్య తరగతి వర్గాల ప్రజలకు అందుబాటులో ఉండే విధంగా 108, 104 సేవలను విస్తరించనున్నామని హామీ ఇచ్చిన విషయం అందరికీ తెలిసిందేనన్నారు. ఈ నేపధ్యంలో దాదాపుగా 201 కోట్ల రూపాయల నిధులను వెచ్చించి 1088 అంబులెన్సు వాహనాలను విజయవాడలోని బెంజి సర్కిల్ కూడలి వద్ద ప్రారంభించడం అభినందనీయమని నారపరెడ్డి కొనియాడారు. దివంగత మహానేత డాక్టర్ వై.యస్.రాజశేఖర్ రెడ్డి పేద ప్రజలకు మెరుగైన వైద్య సేవలు అందించేందుకు నాడు ఆరోగ్యశ్రీతో పాటు 108 వాహనాలను అందుబాటులోకి తేవడం జరిగిందన్నారు. కాలక్రమేణా 108 వాహనాల వ్యవస్థ మరుగున పడి వాటి మనగడే ప్రశ్నార్ధకంగా మారిందన్నారు. ఈ పరిస్థితులను దృష్టిలో ఉంచుకుని ముఖ్యమంత్రి జగన్ తండ్రి బాటలో పయనిస్తూ ఒకేసారి 1088 అంబులెన్సు వాహనాలను ప్రజలకు సేవ చేసేందుకు ప్రారంభించి అటు తండ్రి ఆశయాలను నెరవేరుస్తూ ఇటు ఆపదలలో ఉన్నవారికి ఆపద్భాంధవునిలా నిలిచారన్నారు. ఉదయగిరి శాసనసభ్యులు మేకపాటి.చంద్రశేఖర్ రెడ్డి సహకారంతో ఈ అంబులెన్సు వాహనాలు త్వరలోనే ఉదయగిరి నియోజకవర్గంలోని అన్ని మండలాలకు కేటాయించనున్నారని నారపరెడ్డి తెలియజేశారు. ప్రజల సం క్షేమమే ధ్యేయంగా పనిచేస్తున్న యువ ముఖ్యమంత్రి వై.యస్.జగన్ మోహన్ రెడ్డి తన ఎన్నికల మేనిఫెస్టోలో ప్రకటించిన పధకాలతో పాటు అదనంగా కొత్త పధకాలకు శ్రీకారం చుడుతుండటం గొప్ప విషయమన్నారు. రాష్ట్రం లోటు బడ్జెట్ లో ఉన్నప్పటికీ ప్రజల సం క్షేమమే లక్ష్యంగా సుపరిపాలన అందిస్తున్న సి.యం జగన్ ఇతర రాష్ట్రాల ముఖ్యమంత్రులకు ఆదర్శంగా నిలుస్తున్నారని తిప్పిరెడ్డి.నారపరెడ్డి హర్షం వ్యక్తం చేశారు.
Image
హర్జిత్ సింగ్ పోరాట పటిమ పోలీసు శాఖ కు ఆదర్శం : డి‌జి‌పి గౌతమ్ సవాంగ్ IPS
Image
చనిపోయాక కూడా ఆవ్యక్తికి మనశ్శాంతి లేకుండా దుష్ప్రచారమా?
గుండెపోటుతో మరణించిన వాలంటీర్ కుటుంబానికి రూ. 5 లక్షల పరిహారం: సీఎం  వైయస్.జగన్
Image