మే 3 వరకు ఈ పాస్ గడుపు పెంపు: రాష్ట్ర కరోనా కంట్రోల్ సెంటర్ ప్రత్యేక అధికారి హిమాన్హు శుక్లా

మే 3 వరకు ఈ పాస్ గడుపు పెంపు:
రాష్ట్ర కరోనా కంట్రోల్ సెంటర్ ప్రత్యేక అధికారి హిమాన్హు శుక్లా


       విజయవాడ,ఏప్రిల్,14 (అంతిమ తీర్పు):                  ప్రైవేట్ సంస్థలలో పనిచేస్తూ అత్యవసర సేవలలో పాలు పంచుకుంటున్న ఉద్యోగులకు జారీ చేసిన ఈ పాస్ ల గడువు మే 3వ తేదీ వరకు పొడిగిస్తున్నట్లు కరోనా కంట్రోల్ సెంటర్ ప్రత్యేక అధికారి, చేనేత జౌళి శాఖ కమీషనర్ హిహాన్హు శుక్లా తెలిపారు. ప్రస్తుత విపత్కర పరిస్దితిలో  ప్రైవేట్ ఉద్యోగుల సేవలను సద్వినియోగం చేసుకునే క్రమంలో ప్రభుత్వం జారీ చేస్తున్న ఈ పాస్ గడువు ఏప్రిల్ 14 తేదీతో ముగిసినప్పటికీ అవి యధాతధంగా మే 3వ తేదీ వరకు చెల్లుబాటు కానున్నాయి. ఇప్పటి వరకు దాదాపు 13000 ఈ పాస్‌లను ఆంధ్రప్రదేశ్ ప్రభుత్వం జారీ చేయగా, పాస్ పొందిన వారు ఎటువంటి ఇబ్బంది పడకూడదన్న ఆలోచనతో వాటిని పొడిగించామన్నారు.  ఇప్పటికే పాస్ పొందిన వారు మళ్లీ దరఖాస్తు చేయనవసరం లేదని, అవి స్వయం చాలితంగా అమలులోకి వస్తాయని హిమాన్హు శుక్లా స్పష్టం చేసారు.  ప్రధాని లాక్ డౌన్ కాలాన్ని మరో 19 రోజులు పొడిగించిన నేపధ్యంలో ఈ నిర్ణయం తీసుకున్నామని, నూతనంగా పాస్ జారీ కూడా యధాతధంగా కొనసాగుతుందని శుక్లా పేర్కొన్నారు.  కరోనా వైరస్ వ్యాప్తి నేపధ్యంలో లాక్ డౌన్ మరికొంత కాలం కొనసాగనుండగా అత్యవసర సేవలలో నిమగ్నమై ఉన్న ప్రవేటు వ్యక్తులతో సహా, వ్యవసాయ ఉత్పత్తుల సరఫరా కోసం ప్రభుత్వం కోవిడ్ 19 అత్యవసర పాస్ ను మంజూరు చేస్తోంది.


 రాష్ట్ర ముఖ్యమంత్రి వైఎస్ జగన్ మోహన్ రెడ్డి అదేశాలు మేరకు అధికారులు ప్రైవేట్ రంగ కర్మాగారాలు, కార్యాలయాలు, సంస్థలలో పనిచేసే ఉద్యోగుల కోసం జారీ చేస్తున్నారు.  వ్యవసాయ, సహకార (MKTG II) విభాగం 26.03.2020 తేదీన జారీ చేసిన జిఓ ఆర్ టి నెంబర్ 289 లో జాబితా చేర్చబడిన వస్తు సేవల ఉత్పత్తి,  సరఫరాలో నిమగ్నమై ఉన్న వారందరికీ ఈ పాస్ మంజూరు చేసారు. సంస్థ యజమాని తనతో సహా ఇరవై శాతం ఉద్యోగులకు కనిష్టంగా 5, గరిష్టంగా ఇ-పాస్ జారీ నిబంధనలు,  షరతులకు లోబడి మంజూరు చేస్తున్నామని హిమాన్హు శుక్లా తెలిపారు. పాస్ పొందేందుకు  ఎవ్వరూ కార్యాలయాలకు రానవసరం లేదని  https://gramawardsachivalayam.ap.gov.in/CVPASSAPP/CV/CVOrganizationRegistration పై క్లిక్ చేయడం ద్వారా కొత్తగా పాస్ కావలసిన వారు దరఖాస్తు చేసుకోవచ్చన్నారు.  స్పందన పోర్టల్ వెబ్‌లింక్ (www.spandana.ap.gov.in/) ద్వారా  కూడా పాస్ పొందగలుగుతారని వివరించారు.


 నిబంధనలను అనుసరించి ఆమోదం పొందిన పాస్ ను ప్రత్యేక  QR కోడ్‌తో SMS ద్వారా ఉద్యోగి మొబైల్ నంబర్ కు పంపుతున్నామని,  వెబ్-లింక్ క్లిక్ చేసినప్పుడు QR కోడ్‌తో సహా పాస్ కనిపిస్తుందని లాక్ డౌన్ పెరిగిన నేపధ్యంలో కాలపరిమతి సైతం ఆటోమెటిక్ గా మారుతుందన్నారు. చెక్ పోస్టుల వద్ద ఉన్న పోలీసు సిబ్బందికి క్యూఆర్ కోడ్ రీడర్ అందించగా,  తద్వారా పోలీసు అనుమతి మేరకు పాస్ వినియోగించుకుంటున్నారన్నారు.  భధ్రతా ప్రమాణాల పరంగానూ ఎన్నో జాగ్రత్తలు తీసుకున్నామన్న హిమాన్హు శుక్లా ఈ పాస్ కు ప్రత్యేక క్యూఆర్ కోడ్ ఉందని,  చెక్ పోస్టులలోని పోలీసు సిబ్బందికి క్యూఆర్ కోడ్‌ను స్కాన్ చేయటమే కాక,  అత్యవసర పాస్ యొక్క నిజాయితీని ధృవీకరించడానికి మొబైల్ అనువర్తనానికి అనుగుణమైన మెకానిజం ఉందని  శుక్లా వివరించారు.  ఎలాంటి ఫోర్జరీ, దుర్వినియోగంకు అవకాశం లేదన్నారు. పాస్ కోసం దరఖాస్తు చేసిన వారు  తమ ఇబ్బందులను నమోదు చేసుకోవడానికి 1902కు పిర్యాధు చేస్తే అవి అయా జిల్లాల జాయింట్ కలెక్టర్‌ల దృష్టికి వెళతాయన్నారు.


 


Popular posts
90 సంవత్సరాలు పూర్తి చేసుకున్న నెల్లూరు జిల్లాలో రెండవసారి మహాత్ముని పర్యటన
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
21వ శతాబ్దం మనదే...మోదీ
Image
బాలల దినోత్సవ సందర్భంగా    వాసవి క్లబ్    ఆధ్వర్యంలో.నోట్ బుక్స్ పంపిణీ..
Image
దీప దానం ఎలా చేయాలి* *****, *ఎప్పుడు చేయాలి*