నెల్లూరు, 11-04-2020
నెల్లూరు: జిల్లాలో పర్సనల్ ప్రొటెక్టివ్ ఎక్విప్ మెంట్, ఎన్-95 మాస్కులు, శానిటేషన్ లిక్విడ్, వెంటిలేటర్లకు ఎలాంటి కొరత లేదని.., రీజినల్ కోవిడ్ సెంటర్ జి.జి.హెచ్ తో పాటు.. అన్ని ప్రైవేటు ఆస్పత్రుల్లోనూ కోవిడ్ -19 బాధితులకు చికిత్స అందించడానికి వైద్యులు, నర్సులు, పారా మెడికల్ సిబ్బంది అందుబాటులో ఉన్నారని కలెక్టర్ .శేషగిరి బాబు తెలిపారు. నెల్లూరు నగరంలోని నూతన జిల్లా పరిషత్ సమావేశ ప్రాంగణంలోని డి.ఈ.ఓ.సి నందు మీడియాతో మాట్లాడిన కలెక్టర్.., కరోనా వైరస్ అనుమానిత లక్షణాలు ఉన్న వారికి వేగవంతంగా చికిత్స అందిచే ట్రూనాట్ మెషిన్స్ అందుబాటులోకి వచ్చాయని తెలిపారు. వీటి ద్వారా ర్యాపిడ్ టెస్టులను 50 నిమిషాల్లో చేయవచ్చని.., దీనివల్ల కోవిడ్-19 పాజిటివ్ కేసులను త్వరగా గుర్తించి.., నివారణ చర్యలను వేగంగా తీసుకోవచ్చన్నారు. జిల్లాలో 718 మంది త్రోట్ నుంచి సేకరించిన నమూనాలను.., స్వాబ్ టెస్టుకు పంపించామని 618 ఫలితాలు వచ్చాయని.., 100 పరీక్షల ఫలితాలు రావాలన్నారు. హాట్ స్పాట్స్ పై ప్రత్యేక దృష్టి
కోవిడ్ -19 పాజిటివ్ లక్షణాలతో చెన్నైలో చికిత్స పొందుతున్న డాక్టర్ ఆరోగ్య పరిస్థితి నిలకడగా ఉందని కలెక్టర్ శ్రీ యం.వి.శేషగిరి బాబు తెలిపారు. నెల్లూరు జిల్లాలో కురిసిన అకాల వర్షాల ప్రభావంతో వరి, ఉద్యాన వన పంటలకు కొంతమేర నష్టం వాటిల్లిందని.., వ్యవసాయ శాఖ అధికారులు, శాస్త్రవేత్తలు జిల్లాలో పర్యటించి మండలాల వారీగా ఎంతపంట నష్టం కలిగిందనే నివేదికను ఇవ్వాలని ఆదేశించామన్నారు. లాక్ డౌన్ నిబంధనలు ప్రతి ఒక్కరూ విధిగా పాటించాలని.., సోషల్ డిస్టెన్స్ పాటించాలన్నారు.
