సేవా కార్యక్రమాలకు కార్యదర్శుల

*సేవా కార్యక్రమాలకు కార్యదర్శుల ప్రోత్సాహం*వింజమూరు, ఏప్రిల్ 9 (అంతిమతీర్పు-దయాకర్ రెడ్డి)  ;ప్రపంచ వ్యాప్తంగా కరోనా వైరస్ విజృంభుస్తున్న ప్రస్తుత తరుణంలో ఎటు చూసినా లాక్ డౌన్ నిబంధనలు అమలులో ఉన్నాయి. ప్రజల సం క్షేమం దృష్ట్యా ప్రభుత్వాలు విధించిన నిబంధనలకు కొంతమంది మినహా మిగతా ప్రజలందరూ కూడా ప్రభుత్వ ఆదేశాలకు అనుగుణంగా స్వీయ నిర్భంధం పాటిస్తున్నారు. అయితే రెక్కాడితే గానీ డొక్కాడని కొన్ని కుటుంబాలకు కూలి పనులు లేక పస్తులుండాల్సిన పరిస్థితులు ఏర్పడ్డాయి. వీటిని గమనించిన పలువురు దాతలు ముందుకు వచ్చి విరివిగా సేవా కార్యక్రమాలకు శ్రీకారం చుడుతున్నారు. మండలంలోని వివిద పంచాయితీలలో విధులు నిర్వర్తిస్తున్న కార్యదర్శులు పేదలకు సేవలందించేందుకు దాతలు ముందుకు రావాలని చేస్తున్న విన్నపాలు సత్ఫలితాలను ఇస్తున్నాయి. మండల స్థాయి అధికారులు సైతం కరోనా నియంత్రణ కోసం అహర్నిశలూ శ్రమిస్తూ నిరుపేదలను ఈ సమయంలో ఆదుకునే దాతలను మరింతగా ప్రోత్సహిస్తుండటం విశేషం. దాతలు చేపట్టే సేవా కార్యక్రమాలకు హాజరవుతూ వారి వారి దాతృత్వాలను ప్రశంసిస్తూ మిగతావారికి కూడా స్ఫూర్తి ప్రధాతలుగా నిలుస్తున్నారు. వింజమూరు మండలంలో కనీవినీ ఎరుగని రీతిలో పలువురు స్వచ్చందంగా ముందుకు వచ్చి పేదలకు ఆపన్నహస్తం అందిస్తున్నారు. ఇందులో భాగంగా తహసిల్ధారు సుధాకర్ రావు, ఎస్.ఐ బాజిరెడ్డి, యం.పి.డి.ఓ కనకదుర్గా భవానీలను ముఖ్య అతిధులుగా ఆహ్వానిస్తున్నారు. అధికారులు కూడా దాతలను మరింతగా ప్రోత్సహిస్తూ ఆయా కార్యక్రమాలలో అలుపెరగకుండా పాల్గొంటున్నారు. ఏది ఏమైనప్పటికీ అటు దాతలు, ఇటు అధికారులు ఆకలితో అలమటిస్తున్న అభాగ్యులకు దేవుడిచ్చిన వరంగా మారారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image
ప్రజలకు ఇబ్బందులు కలగకుండా ప్రభుత్వం తీసుకుంటున్న చర్యలు
ఎస్కేప్ చానల్ నుండి రెండో పంటకు నీళ్ళు విడుదల చేసిన ఎమ్మెల్యే రామిరెడ్డి ప్రతాప్ కుమార్ రెడ్డి
Image
నెల్లూరు నగరములో చోరీ::వృద్దురాలిపై దాడిచేసి బంగారు నగలు అపహరణ.
Image