కే.జి.ఆర్.వి.యస్ ట్రస్ట్ చే బ్రాహ్మణులకు నిత్యావసరాలు పంపిణీ

కే.జి.ఆర్.వి.యస్ ట్రస్ట్ చే బ్రాహ్మణులకు నిత్యావసరాలు పంపిణీ


వింజమూరు, మే 7 (అంతిమ తీర్పు - దయాకర్ రెడ్డి): వింజమూరులోని పలు దేవస్థానాలలో పనిచేస్తున్న భ్రాహ్మణులకు గురువారం నాడు కే.జి.ఆర్.వి.యస్ (కొండా.గరుడయ్య, రా.అచంద్రయ్య, వెంకటసుబ్బయ్య) చారిటబుల్ ట్రస్ట్ అధ్వర్యంలో బియ్యం, కూరగాయలు, వంటనూనెలు పంపిణి చేశారు. స్థానిక శివాలయంలో జరిగిన ఈ కార్యక్రమానికి ముఖ్య అతిధిగా హాజరైన తహసిల్ధారు సుధాకర్ రావు మాట్లాడుతూ కరోనా వైరస్ నియంత్రణా చర్యలలో భాగంగా దేశ వ్యాప్తంగా లాక్ డౌన్ విధించిన విషయం అందరికీ తెలిసిందేనన్నారు. దేవస్థానాలకు సైతం లాక్ డౌన్ నిబంధనలు వర్తించడంతో ఆలయాలకు భక్తుల తాకిడి తగ్గిందన్నారు. ఈ నేపధ్యంలో అర్చకులు చాలీచాలని జీతాలతోనే కుటుంబ పోషణ సాగించాల్సిన పరిస్థితులు ఏర్పడ్డాయన్నారు. ఈ తరుణంలో వింజమూరు మాజీ ఉప సర్పంచ్ కొండా.వెంకటేశ్వర్లు దంపతులు బ్రాహ్మణులకు నిత్యావసరాలను ట్రస్ట్ అధ్వర్యంలో అందించడం అభినందనీయమన్నారు. ఈ సందర్భంగా మండల తహసిల్ధారును ఆర్యవైశ్యులు శాలువాతో సత్కరించారు. ఇదిలా ఉండగా కొంతమంది ఆర్యవైశ్యులు బ్రాహ్మణులకు నగదును అందజేశారు. ఈ కార్యక్రమంలో మాజీ మండలాధ్యక్షులు గణపం.బాలక్రిష్ణారెడ్డి, మండల వై.సి.పి కన్వీనర్ తిప్పిరెడ్డి.నారపరెడ్డి, కే.జి.ఆర్.వి.యస్ ట్రస్ట్ ప్రతినిధులు కొండా.బాలసుబ్రహ్మణ్యం, కొండా.వెంకటసుబ్బారావు, కొండా.సుబ్బరాయుడు, కొండా.సుమన్, ఆర్యవైశ్య సంఘం నేతలు చవల.వెంకట సత్యనారాయణ, కొండా.జయబాబు, పొన్నూరు.ప్రకాశం, సుమంగళి శారీస్ లక్ష్మీనారాయణ, కటకం.ప్రసన్నకుమార్ తదితరులు పాల్గొన్నారు.


Popular posts
పాత్రికేయులు చెన్నక్రిష్ణారెడ్డి  నిన్న రాత్రి స్వర్గస్తులైనారు.
19 న నెల్లూరు పోలేరమ్మ జాతర కు దేవదాయ శాఖ మంత్రి రాక
రామన్న పేటలొ విశ్వకర్మ జయంతి ఉత్సవాలు
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image