*ఉపాధిహామీలో అక్రమార్కులను సస్పెండ్ చేయాలి* ఉపాధిహామీ కూలీల ఆవేదన.... వింజమూరు, జూలై 9 (అంతిమ తీర్పు- దయాకర్ రెడ్డి): వింజమూరు మేజర్ పంచాయితీ పరిధిలో ఉపాధిహామీ కూలీల కడుపు కొట్టి పబ్బం గడుపుకొంటున్న జాతీయ గ్రామీణ ఉపాధిహామీ పధకం షాడో ఫీల్డ్ అసిస్టెంట్ పై విచారణ జరిపి కఠిన చర్యలు తీసుకోవాలని పాతూరు ఉపాధి కూలీలు గురువారం నాడు యం.పి.డి.ఓ కనకదుర్గా భవానీకి వినతిపత్రం అందజేశారు. వివరాలలోకి వెళితే జాతీయ గ్రామీణ ఉపాధిహామీ పధకంలో గతంలో ఫీల్డ్ అసిస్టెంటుగా విధులు నిర్వహించి సస్పెండుకు గురై తిరిగి సీనియర్ మేట్ అవతారమెత్తి మేట్ గా కూడా తొలగింపబడి వేరొక సీనియర్ మేట్ ఇంచార్జ్ అవతారమెత్తి యధేచ్చగా ఉపాధి కూలీల శ్రమను దోచుకుంటూ కాయకష్టం చేసిన కూలీలకు తగిన ఫ్రతిఫలం ఇవ్వకుండా నిర్లక్ష్యంగా సమాధానాలు చెప్పడంతో పాటు మీకు దిక్కున్న చోట చెప్పుకోండంటూ బెదిరింపులకు దిగుతున్నాడని ఉపాధిహామీ కూలీలు బోరున విలపించారు. పాతూరుకు చెందిన మాలకొండస్వామి, పద్మనాభ గ్రూపుల కూలీలు తమకు వారం రోజులు పనిచేసినా 206 రూపాయలు కూలీ పడుతుందని, తమతో పాటు పనిచేసిన మరొక గ్రూపులకు అదనంగా బిల్లులు వేయడంలో ఆంతర్యమేమిటని ప్రశ్నిస్తున్నారు. ఈ విషయంపై షాడో సీనియర్ మేట్ ను కూలీ విషయం గురించి అడగ్గా మీరు ఆందోళన చెందవద్దు అని చెబుతూ మరో వారం మస్టర్లు కనిపించలేదని కుంటి సాకులు చెబుతున్నాడని వాపోయారు. ప్రస్తుత కరోనా కాలంలో అసలే కుటుంబాలను పోషించుకోలేక ఇబ్బందులు పడుతున్న తరుణంలో ఈయన తతంగంపై సమగ్ర విచారణ జరిపి అతనిపై కఠిన చర్యలు తీసుకోవాలని ఉపాధిహామీ కూలీలు జిల్లా అధికారులకు విజ్ఞప్తి చేస్తున్నారు.
Popular posts
దీప దానం ఎలా చేయాలి* *****, *ఎప్పుడు చేయాలి*
• Valluru Prasad Kumar
సియం జగన్మోహన్ రెడ్డికి లేఖ రాసిన ఏపి పంచాయితీ రాజ్ ఛాంబర్ అధ్యక్షులు టిడిపి ఎమ్మెల్సీ వైవిబి
• Valluru Prasad Kumar
వింజమూరులో చికెన్, మటన్ విక్రయాలకు బ్రేక్
• Valluru Prasad Kumar
ఆంధ్రప్రదేశ్ రాష్ట్రంలో జిల్లాల వారీగా కరోనా వైరస్ వివరాలు :
• Valluru Prasad Kumar
రుయా ఆరోగ్య శ్రీ అత్యవసర సేవల పేషేంట్ల కు నెట్ వర్క్ ఆసుపత్రులు సేవలు అందించాలి : జిల్లా కలెక్టర్
• Valluru Prasad Kumar
Publisher Information
Contact
anthimateerpudaily@gmail.com
9704871289
H No. 11-24-4, Vinnakota vaari chowk, Bhavanarayana vaari st.
Vijayawada - 520001. Andhra Pradesh.
About
Share this page
Email
Message
Facebook
Whatsapp
Twitter
LinkedIn