శ్రీ సిటీలో బాల్ కార్పొరేషన్ పరిశ్రమచే విద్యార్థులకు ఎక్స్ పోజర్ విజిట్

అంతిమ తీర్పు. నెల్లూరు జిల్లా. శ్రీసిటీ 14. 9. 2019


శ్రీసిటీ బాల్ కార్పొరేషన్ పరిశ్రమచే విద్యార్థులకు ఎక్స్‌పోజర్ విజిట్


- పరిశ్రమ సందర్శించిన ఇరుగుళం జెడ్‌పి హైస్కూల్‌ టెన్త్ విద్యార్థులు 



శ్రీసిటీ ఫౌండేషన్ చొరవతో శ్రీసిటీలోని బాల్ కార్పొరేషన్ పరిశ్రమ యాజమాన్యం శుక్రవారం మధ్యాహ్నం ఇరుగుళంలోని జెడ్‌పి హైస్కూల్‌కు చెందిన పదవ తరగతి విద్యార్థులకు ఎక్స్‌పోజర్ విజిట్ నిర్వహించింది. 


ఇందులో భాగంగా విద్యార్థులను పరిశ్రమలోని తయారీ ప్లాంట్ కు తీసుకెళ్లి, అక్కడ ఉత్పత్తి చేసే అల్యూమినియం శీతల పానీయాల డబ్బాల తయారీ గురించి వివరించారు. డబ్బాల తయారీ అనంతరం వాటిని ఫోర్క్ లిఫ్ట్ వాహనాల ద్వారా తరలించడం, పాలెట్లలో నింపడం, ఆపై కస్టమర్ సంస్థలకు డెలివరీ చేయడం వంటి వివిధ స్థాయిల గురించి వారికి అవగాహన కల్పించారు. హైస్కూల్ సైన్స్ టీచర్లతో కలిసి విద్యార్థులు ఈ సందర్శన సాగించారు. 


కంపెనీ హెచ్ఆర్ హెడ్ రత్నావెల్ రాజన్ ఈ తయారీ ప్రక్రియ గురించి వివరించారు. డబ్బాల తయారీకి అల్యూమినియం ఉపయోగించడం వల్ల కలిగే ప్రయోజనాలను తెలియ చేశారు.  ప్లాస్టిక్ వంటి ఇతర పదార్థాలతో పోలిస్తే అల్యూమినియం పర్యావరణానికి ఎంతో మంచిదన్న అంశాన్ని హైలైట్ చేశారు. కంపెనీకి చెందిన మరో అధికారి 'కెరీర్ మార్గాన్ని ఎలా ఎంచుకోవాలి' అనే అంశంపై విద్యార్థులకు ఈ సందర్భంగా ఉపన్యాసం ఇచ్చారు. అనంతరం పరిశ్రమ ఆవరణలో క్విజ్ కార్యక్రమం నిర్వహించి విజేతలకు బహుమతులు పంపిణీ చేశారు. పరిశ్రమను నేరుగా సందర్శించడం, పలు అంశాలు తెలుసుకోవడం తమకెంతో ఆనందంగా వుందంటూ విద్యార్థులు తమ అభిప్రాయాలు వ్యక్తం చేశారు. 


కాగా,  బాల్ కార్పొరేషన్ పరిశ్రమ యాజమాన్యం గత సంవత్సరం కూడా ఇదే తరహాలో మండలంలోని మాదనపాలెం జెడ్‌పి హైస్కూల్‌ 10 వ తరగతి విద్యార్థుల కోసం ఇలాంటి సందర్శన కార్యక్రమం నిర్వహించింది.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image
ప్రజలకు ఇబ్బందులు కలగకుండా ప్రభుత్వం తీసుకుంటున్న చర్యలు
ఎస్కేప్ చానల్ నుండి రెండో పంటకు నీళ్ళు విడుదల చేసిన ఎమ్మెల్యే రామిరెడ్డి ప్రతాప్ కుమార్ రెడ్డి
Image
నెల్లూరు నగరములో చోరీ::వృద్దురాలిపై దాడిచేసి బంగారు నగలు అపహరణ.
Image