ఏపీ సచివాలయం వద్ద ఉద్రిక్తత

ఏపీ సచివాలయం వద్ద ఉద్రిక్తత
అమరావతి: సచివాలయం వద్ద ఉద్రిక్తత చోటు చేసుకుంది. ట్రాన్స్‌ట్రాయ్‌ కంపెనీ ఈడీ సాంబశివరావును సబ్‌ కాంట్రాక్టర్లు, సామాగ్రి పంపిణీదారులు, ఉద్యోగులు అడ్డుకున్నారు. పోలవరం ప్రాజెక్ట్‌కు గతంలో ట్రాన్స్‌ట్రాయ్‌ కంపెనీ కాంట్రాక్టర్‌గా ఉంది. రూ.23 కోట్ల బకాయిలు చెల్లించకుండా ట్రాన్స్‌ట్రాయ్‌ కంపెనీ ఈడీ సాంబశివరావు వేధిస్తున్నారని ఆందోళనకు దిగారు. డబ్బులు అడిగితే బెదిరింపులకు పాల్పడుతున్నారని ఆరోపించారు. రెండున్నరేళ్లుగా బకాయిలు చెల్లించడంలేదని సబ్‌ కాంట్రాక్టర్లు, సామాగ్రి పంపిణీదారులు, ఉద్యోగులు అంటున్నారు. హైదరాబాద్‌లోని ఆఫీస్‌కు వెళ్తే పోలీసులతో బయటికి గెంటిస్తున్నారని, సగం బిల్లుల చెల్లింపునకు ఒప్పుకోవాలని బలవంతంగా రాయించుకున్నారని ఆవేదన వ్యక్తం చేశారు. అప్పుల బాధతో ఇద్దరు ఆత్మహత్యాయత్నం చేశారని, సీఎం జగన్‌ కల్పించుకుని బకాయిలు చెల్లించేలా చేయాలని సబ్‌ కాంట్రాక్టర్లు, సామాగ్రి పంపిణీదారులు, ఉద్యోగులు కోరుతున్నారు. అయితే ప్రభుత్వం నుంచి నిధులు వచ్చాక చెల్లిస్తామని ట్రాన్స్ ట్రాయ్ కంపెనీ ఈడీ సాంబశివరావు అంటున్నారు ఇరిగేషన్‌ అధికారులతో మాట్లాడుతున్నామని, బిల్లులు పాస్‌ కాగానే ఎండీ శ్రీధర్‌తో మాట్లాడి బకాయిలు చెల్లిస్తామని చెప్పారు. 73 మందికి బకాయిలు ఉన్నమాట వాస్తవమేనన్నారు. కంపెనీ ఇబ్బందుల్లో ఉండటం వల్ల చెల్లించలేకపోయామని తెలిపారు. ఉద్యోగుల బకాయిలు, పీఎఫ్‌లు కూడా చెల్లిస్తామని సాంబశివరావు స్పష్టం చేశారు.


Popular posts
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
బాబా సాహెబ్ గారి గురించి తప్పక తెలుసుకోవాల్సిన అంశాలు
Image
ప్రజలకు ఇబ్బందులు కలగకుండా ప్రభుత్వం తీసుకుంటున్న చర్యలు
ఎస్కేప్ చానల్ నుండి రెండో పంటకు నీళ్ళు విడుదల చేసిన ఎమ్మెల్యే రామిరెడ్డి ప్రతాప్ కుమార్ రెడ్డి
Image
నెల్లూరు నగరములో చోరీ::వృద్దురాలిపై దాడిచేసి బంగారు నగలు అపహరణ.
Image