సమాజంలో సేవాతత్పరతకు దిక్సూచి రెడ్ క్రాస్:గవర్నర్

సమాజంలో సేవాతత్పరతకు దిక్సూచి రెడ్ క్రాస్


ఆంధ్రప్రదేశ్ గవర్నర్ బిశ్వ భూషన్ హరిచందన్


అవార్డులు అందుకున్న పలువురు సీనియర్ ఐఎఎస్ అధికారులు


విజయవాడ సెప్టెంబర్ 30 (అంతిమ తీర్పు);


రెడ్ క్రాస్ సొసైటీ సమాజంలో సేవతత్పరతను ప్రేరేపిస్తూ ఒక దిక్సూచిగా పనిచేయటం ముదావహమని ఆంధ్రప్రదేశ్ గవర్నర్, సొసైటీ అధ్యక్షులు భిశ్వభూషన్ హరిచందన్ అన్నారు. విభిన్న విభాగాలలో రెడ్ క్రాస్ సొసైటీ అందిస్తున్న సేవలు మరెందరికో స్పూర్తిదాయకంగా ఉన్నాయని ప్రశంసించారు. ప్రత్యేకించి రక్త సేకరణ, పంపిణీలో రెడ్ క్రాస్ నుండి అందుతున్న సేవల ఫలితంగా ఎందరినో ప్రాణాపాయం నుండి కాపాడగలిగారని ప్రస్తుతించారు. రెడ్ క్రాస్ సొసైటీ వార్షిక సర్వసభ్య సమావేశం, అవార్డుల పంపిణీ విజయవాడలో సోమవారం వైభవంగా జరిగింది. కార్యక్రమానికి ముఖ్య అతిధిగా హాజరైన బిశ్వ భూషన్ మాట్లాడుతూ నిరుపేదలకు ఉచితంగా రక్తాన్నిదానం చేయటం  మంచి పరిణామమని , విద్యార్ధులు, యువతలో సేవ భావం పెంపొందించేలా రెడ్ క్రాస్ చేపడుతున్న కార్యక్రమాలు సత్ఫలితాలను ఇస్తున్నాయని పేర్కొన్నారు. జూనియర్ రెడ్ క్రాస్ సొసైటీలో మరింత మంది యువతను భాగస్వాములు అయ్యేలా చర్యలు తీసుకోవాలన్నారు.


కార్యక్రమంలో భాగంగా సీనియర్ ఐఎఎస్ అధికారులు పలువురు గవర్నర్ చేతుల మీదుగా  అవార్డులు అందుకున్నారు. ఎంటి కృష్ణబాబు, ధనుంజయ రెడ్డి, హరి జవహర్ లాల్, ఎస్ సత్యన్నారాయణ, బసంత్ కుమార్, వివేక్ యాదవ్, కార్తకేయ మిశ్రా, ఇంతియాజ్ అహ్మద్, వి.ప్రసన్న వెంకటేష్ తదితరులు బంగారు పతకాలు, అవార్డులు స్వీకరించారు. కార్యక్రమంలో రెడ్ క్రాస్ సొసైటీ రాష్ట్రశాఖ ఛైర్ పర్సన్ రేచల్ ఛటర్జీ, ఉపాధ్యక్షుడు ఎస్ బాలసుబ్రమణ్యం, గవర్నర్ కార్యదర్శి ముఖేష్ కుమార్ మీనా తదితరులు పాల్గొన్నారు. తొలుత రెడ్ క్రాస్ సొసైటీ గత సంవత్సరంలో అందించిన సేవల వివరాలను రేచల్ ఛటర్జీ సమవేశం దృష్టికి తీసుకువచ్చారు. సేవతత్పరత కనబరిచిన పలువురు చిన్నారులకు కూడా గవర్నర్ ఈ సందర్భంగా బహుమతులు అందచేసారు. వారితో ఛాయా చిత్రాలు దిగి ఉత్సాహం  నింపారు.


Popular posts
*కలిగిరి కార్యదర్శి వి.మధు కు ఉత్తమ అవార్డు* ఉదయగిరి, ఆగష్టు 23 (అంతిమ తీర్పు- ఇంచార్జ్ దయాకర్ రెడ్డి): ఉదయగిరి నియోజకవర్గంలోని కలిగిరి పంచాయితీ కార్యదర్శి వెలుగోటి. మధు ఉత్తమ కార్యదర్శిగా ఎంపికయ్యారు. ఆగష్టు 15 స్వాతంత్ర్య దినోత్సవం సందర్భంగా ప్రకటించిన ఉత్తమ అధికారుల జాబితాలో మధు ముందు వరుసలో నిలిచారు. గత 4 సంవత్సరాల నుండి ఆయన అవార్డులకు ఎంపిక కాబడుతుండటం గమనించదగిన విషయం. పంచాయితీ సెక్రటరీగా కలిగిరిలో గ్రామ పంచాయితీ అభివృద్ధికి బంగారు బాటలు వేశారు. ఎంతోకాలంగా ఆక్రమణల చెరలో ఉన్న పంచాయితీ స్థలాలకు కబ్జా కోరల నుండి విముక్తి కల్పించి ప్రభుత్వానికి ఆదాయ వనరులను చూపించారు. కరోనా కాలంలో ప్రజలను ఎప్పటికప్పుడు అప్రమత్తం చేయడంతో పాటు పారిశుద్ధ్య కార్యక్రమాలను వేగవంతం చేశారు. ప్రతినెలా 1 వ తేదీన జరిగే ఫించన్ల పంపిణీ విషయంలో వెలుగోటి.మధు చేస్తున్న కృషి పలువురి ప్రశంసలు అందుకుంటున్నది. ఉదయం 7 గంటల కల్లా ఫించన్ల పంపిణీ లక్ష్యాలను అధిగమించి అందరి చేత బేష్ అనిపించుకుంటారు. వృత్తి పట్ల అంకితభావం కలిగిన మధును ఈ యేడాది కూడా ఉత్తమ కార్యదర్శి అవార్డు వరించడం అభినందనీయమని పలువురు హర్షం వ్యక్తం చేస్తున్నారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
శ్రీ‌వాణి ట్ర‌స్టు దాత‌ల కోసం ఆన్‌లైన్ అప్లికేష‌న్ ప్రారంభం
అంబెడ్కర్ జయంతి సందర్భంగా శుభాకాంక్షలు తెలిపిన ysrcp నేత దేవినేని ఆవినాష్
Image
ఆంధ్ర ప్రదేశ్‌ రెవెన్యూశాఖ ఆధ్వర్యంలో ఇకపై ఆటో మ్యుటేషన్‌ సేవలు అమలు.