ప్రమాదపు టంచున వింజమూరు బైపాస్ రోడ్ రెయిలింగ్

*ప్రమాదపు టంచున వింజమూరు బైపాస్ రోడ్ రెయిలింగ్ వింజమూరు: వింజమూరు బైపాస్ రోడ్డు పరిస్థితి మూన్నాళ్ళ ముచ్చటగా మారుతున్నది. వింజమూరులో రోజు రోజుకూ పెరిగిపోతున్న ట్రాఫిక్ ను క్రమబద్ధీకరించేందుకు ప్రత్యామ్నాయ చర్యలలో భాగంగా యర్రబల్లిపాళెం చెరువు కట్టపై దాదాపుగా 7 కోట్ల రూపాయల నిధులు వెచ్చించి బైపాస్ రోడ్డు వేయడం జరిగింది. అప్పట్లో రోడ్డు కాంఫాక్షన్ పనులు సక్రమంగా జరగలేదనే విమర్శలు కూడా వినిపించాయి. కాంట్రాక్టర్ నిర్లక్ష్యం, అధికారుల అలసత్వం వెరసి ప్రస్తుతం బైపాస్ రోడ్డుకు శాపాలుగా మారాయి. వర్షాలు పడిన సమయంలో చెరువు కట్టకు ఒక వైపున భారీ స్థాయిలో కట్ట భాగం కోతలకు గురైంది. పై నుండి క్రింది వరకు ఏర్పడిన కోతలు భయానక వాతావరణమును కల్పింపజేస్తున్నాయి. బైపాస్ రోడ్డు నిర్మాణం సుధీర్ఘ కాలం సాగినా దీర్ఘకాలికంగా బైపాస్ రోడ్డు ఉంటుందా అనే అనుమానాలను ప్రయాణీకులు వ్యక్తం చేస్తున్నారు. చెరువు కట్ట కోతలకు గురవుతుండటంతో రెయిలింగ్ వ్యవస్థ అస్తవ్యస్థంగా మారింది. లక్షలాది రూపాయల వ్యయంతో ఏర్పాటు చేసిన రెయిలింగ్ పరిస్థితి అగమ్య గోచరంగా మారింది. ఇప్పటికైనా రోడ్లు భవనాల శాఖ అధికారులు కార్యాలయాలను వీడి క్షేత్ర స్థాయిలో పర్యటించి రోజు రోజుకూ దెబ్బతింటున్న వింజమూరు బైపాస్ రోడ్డు పై దృష్టి సారించాలని ఈ ప్రాంత ప్రజలు కోరుతున్నారు. చేతులు కాలాక ఆకులు పట్టుకున్న సామెతగా వ్యవహరించకుండా సత్వర చర్యలు చేపట్ట వలసిన ఆవశ్యకత ఎంతైనా ఉందని ప్రజలు విజ్ఞప్తి చేస్తున్నారు...


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image