పారిశుధ్యం మెరుగుకు ప్రతి ఒక్కరూ కృషి చేయాలి* (హెల్త్ ఎడ్యుకేటర్ బీబీజాన్)

*పారిశుధ్యం మెరుగుకు ప్రతి ఒక్కరూ కృషి చేయాలి* (హెల్త్ ఎడ్యుకేటర్ బీబీజాన్)


వింజమూరు: గ్రామాలలో పారిశుద్ద్య్హం మెరుగుకు ప్రతి ఒక్కరూ తప్పనిసరిగా కృషి చేయాల్సిన భాధ్యత అత్యంత ఆవశ్యకమని హెల్త్ ఎడ్యుకేటర్ బీబీజాన్ సూచించారు. శుక్రవారం నుండి మండలంలో ప్రారంభమైన పారిశుద్ధ్య వారోత్సవాలలో భాగంగా వింజమూరులోని రాజీవ్ నగర్, చాకలికొండ గ్రామంలో పారిశుధ్య చర్యలకు శ్రీకారం చుట్టారు. ఈ సందర్భంగా బీబీజాన్ ప్రజలకు పారిశుధ్యం పట్ల అవగాహన కల్పించారు. నివాస గృహాల సముదాయంలో నిల్వ ఉండే నీటిని ఉంచరాదని, స్థానికంగా పేడ దిబ్బలను తొలగించాలని, వ్యాధులకు కారకాలయ్యే పిచ్చి మొక్కలను తొలగించాలన్నారు. కేవలం పరిసరాల పరిశుభ్రతతోనే ఆరోగ్యవంతమైన జీవన విధానం సాధ్యపడుతుందన్నారు. దోమల ఉత్పత్తికి మురికి కూపాలే ప్రధాన కేంద్రాలని, కనుక నివాసాలు, అంతర్గత రోడ్లుపై ఎప్పటికప్పుడు వీటిని తొలగించాల్సిన అవసరముందన్నారు. ఈ సందర్భంగా డెంగ్యూ, మలేరియా, టైఫాయిడ్, క్షయ, చికెన్ గున్యా తదితర వ్యాధుల నివారించేందుకు అనుసరించాల్సిన పద్ధతులు గురించి స్థానిక ప్రజలకు వివరించారు. వీధులలో తిరుగుతూ లార్వా సర్వే నిర్వహించారు. ఈ కార్యక్రమంలో వైధ్యారోగ్యశాఖ సిబ్బంది హరిక్రిష్ణ, గిరి కుమారి, వెంకటేశ్వర్లు రెడ్డి, రాజేశ్వరి, షఫి, ప్రభావతి, వెంకటేశ్వర్లు, అరుణారాణి, ఆశ వర్కర్లు పాల్గొన్నారు...


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image