ప్రధాన మంత్రి గరీబ్ కల్యాణ్ యోజన "పేరుతో రూ.1.70 లక్షల కోట్లతో భారీ ఆర్ధిక ప్యాకేజీ – బీ జె పీ జిల్లా కార్యదర్శి వై.వి.సుబ్బారావు
ప్రపంచ దేశాల ఆర్ధిక పరిస్థితులు కరోనా దెబ్బకి తలకిందులైన స్థితిలో భారత్ పై ఆ ప్రభావం తగ్గించడానికి, ప్రధాని శ్రీ నరేంద్రమోడీ గారి కేంద్రం ప్రభుత్వం అతిపెద్ద ఆర్ధిక ప్యాకేజి ప్రకటించిందని, కరోనా కల్లోలంతో తీవ్ర ఇబ్బందులు ఎదుర్కొంటున్న పేద ప్రజలకు కేంద్రం ఆపన్న హస్తం అందించిందని, "గరీబ్ కల్యాణ్ "పేరుతో రూ.1.70 లక్షల కోట్లతో భారీ ఆర్ధిక ప్యాకేజీ ప్రకటించిందని బీజెపీ జిల్లా కార్యదర్శి వై.వి. సుబ్బారావు తెలియజేశారు.
కరోనా వైరస్ వ్యాప్తి కట్టడి కోసం ప్రధాని శ్రీ నరేంద్రమోదీ గారు దేశ వ్యాప్తంగా 21 రోజుల లాక్ డౌన్ ప్రకటించిన సందర్భముగా
పేదలు రోజువారీ కూలీల కోసం కేంద్రం ఈ నిర్ణయం తీసుకున్నట్టు ఆర్ధిక మంత్రి నిర్మలా సీతారామన్ ప్రకటించారని వై.వి. సుబ్బారావు తెలిపారు . లాక్‌డౌన్ కారణంగా దేశంలో ఆకలి చావులు లేకుండా కేంద్రం అన్ని ఏర్పాట్లు చేసిందనీ, పేదలకు నేరుగా సాయం అందేలా చర్యలు తీసుకుంటామని కేంద్ర ఆర్ధిక శాఖ మంత్ర్రి నిర్మలా సీతరామన్ ప్రకటించారని తెలిపారు. కరోనా రోగులకు చికిత్స అందిస్తున్న వైద్యులు, పారామెడికల్ సిబ్బంది, పారిశుద్ధ్యం సిబ్బందికి రూ.50 లక్షల మేర హెల్త్ ఇన్సూరెన్స్ కల్పించనున్నట్టు పేర్కొన్నారు. 3 నెలలపాటు 80 కోట్ల మందికి రేషన్‌ ప్రధానమంత్రి గరీబ్ కల్యాణ్ యోజన్‌ ద్వారా మరో 5 కేజీల బియ్యం లేదా గోధుమలు ఇప్పటికే ఇస్తున్న 5 కేజీలకు అదనం వీటితో పాటు కేజీ పప్పు సరఫరా చేస్తారని, పేదల ఖాతాల్లోకి నేరుగా నగదు బదిలీ. పీఎం కిసాన్‌ కింద ఇప్పటికే రైతులకు ఏడాదికి రూ.6 వేలు ఇస్తున్న కేంద్రం ఇప్పుడు మొదటి విడతగా రూ.2 వేలు వెంటనే రైతుల ఖాతాల్లో జమ చేస్తున్నదని, ఉపాధి హామీ పథకం కింద ఇచ్చే రోజువారీ వేతనం రూ.202 కు పెంచారని, వితంతువులు, వికలాంగులు, వృద్ధులకు రెండు విడతలుగా రూ.వెయ్యి జన్‌ధన్‌ అకౌంట్‌ ఉన్న మహిళలకు నెలకు రూ.500 చొప్పున 3 నెలలపాటు అందజేస్తారని, ఉజ్వల పథకం లబ్ధిదారులకు ఉచితంగా మూడు గ్యాస్‌ సిలిండర్లు, డ్వాక్రా గ్రూపులకు ష్యూరిటీ లేకుండా రుణాలు, డ్వాక్రా మహిళలకు ఇచ్చే రుణాలు రూ.10 లక్షల నుంచి రూ.20 లక్షలకు పెంచారని, ప్రావిడెంట్‌ ఫండ్‌ ఉద్యోగుల వాటాను కేంద్రమే చెల్లిస్తుందని, 90 శాతం మంది ఉద్యోగులు రూ.15వేల కంటే తక్కువ జీతం ఉన్న కంపెనీలకు ఇది వర్తిస్తుందని, తమ పీఎఫ్‌ డబ్బు నుంచి 75శాతం విత్‌డ్రా చేసుకునే అవకాశం కేంద్రం ప్రభుత్వం కల్పించినదని, భవన నిర్మాణ కార్మికుల కోసం రూ.31వేల కోట్లు కేటాయించారని, రాష్ట్రాలకు కేటాయించిన మినరల్‌ ఫండ్‌ను కరోనా వైద్య పరీక్షల కోసం వాడుకోవచ్చునని కేంద్రం తెలిపిందని బీజెపీ జిల్లా కార్యదర్శి వై.వి. సుబ్బారావు తెలియజేశారు.
