కోవిడ్‌ –19 నివారణకు సీఎం సహాయ నిధికి విరాళాల వెల్లువ*

 


*02–04–2020*


*కోవిడ్‌ –19 నివారణకు సీఎం సహాయ నిధికి విరాళాల వెల్లువ*


అమరావతి: కోవిడ్‌ –19 నివారణా చర్యలకోసం ప్రభుత్వశాఖలు, ఉద్యోగులు, వివిధ సంస్థలు, కంపెనీలు, ప్రముఖవ్యక్తులు బాసటగా నిలుస్తున్నారు. ముఖ్యమంత్రి శ్రీ వైయస్‌.జగన్‌ పిలుపు మేరకు సీఎం సహాయ నిధికి ఉదారంగా విరాళాలు ఇస్తున్నారు. 


1.  రాష్ట్ర పంచాయతీరాజ్, గనుల శాఖ  రూ. 200.11కోట్లు



కోవిడ్‌ – 19 నివారణా చర్యలకోసం పంచాయతీరాజ్, గ్రామీణాభివృద్ధి, మైనింగ్‌ శాఖలనుంచి సీఎం సహాయ నిధికి రూ. 200.11 కోట్ల విరాళాన్ని అందించారు.  తాడేపల్లి క్యాంపు కార్యాలయంలో మంత్రి పెద్దిరెడ్డి రామచంద్రారెడ్డి, ముఖ్యమంత్రి శ్రీ వైఎస్‌ జగన్‌కు చెక్కును అందించారు. జిల్లా మైనింగ్ ఫండ్, ఏపీఎండీసీ, మైన్స్‌ అండ్‌ జియాలజీ శాఖ ఉద్యోగుల విరాళం, ఉపాధి హామీ, వాటర్‌ షెడ్‌ శాఖ ఉద్యోగుల విరాళం,సెర్ప్‌ ఉద్యోగుల విరాళం మొత్తంగా కలిపి రూ.200.11 కోట్ల విరాళాన్ని కోవిడ్‌ నివారణా చర్యలకోసం సీఎం సహాయ నిధికోసం ఇచ్చారు. 
ఈ కార్యక్రమంలో మంత్రి పెద్దిరెడ్డి రామచంద్రారెడ్డితోపాటు, పంచాయతీ రాజ్‌ ప్రిన్సిపల్‌ సెక్రటరీ గోపాల కృష్ణ ద్వివేదీ, మైనింగ్‌ శాఖ ప్రిన్సిపల్‌ సెక్రటరీ రామ్‌ గోపాల్,  సెర్ప్‌ సీఈఓ రాజబాబు, ఏపీఎండీసీ వైస్‌ ఛైర్మన్, మేనేజింగ్‌డైరెక్టర్‌ మధుసూదన్‌రెడ్డి, డీజీఎం వెంకటరెడ్డి హాజరయ్యారు. 


2.  అరబిందో ఫార్మా ఫౌండేషన్‌ రూ.11 కోట్లు


కోవిడ్‌ –19 నివారణలో భాగంగా అరబిందో ఫార్మా ఫౌండేషన్‌ రూ.11కోట్ల రూపాయలను ప్రకటించింది. ఇందులో రూ. 7.5 కోట్లను సీఎం సహాయ నిధికి చెక్కు రూపంలో అందించగా, మరో రూ.3.5 కోట్ల రూపాయలను హై ఎండ్‌ మెడికల్‌ కిట్లుకోసం, మాస్కులు, శానిటైర్స్‌ రూపంలో ఇస్తోంది.
ముఖ్యమంత్రి క్యాంపు కార్యాలయంలో సీఎం శ్రీ వైయస్‌.జగన్‌కు రూ.7.5కోట్ల చెక్కును అరబిందో ఫార్మా డైరెక్టర్‌ శరత్‌ చంద్రారెడ్డి అందించారు. వైయస్సార్‌సీపీ పార్లమెంటరీ పార్టీ నేత విజయసాయిరెడ్డి కూడా ఈ కార్యక్రమంలో పాల్గొన్నారు. 


3. కియా మోటార్స్‌ రూ.2 కోట్లు


కోవిడ్‌ నివారణా చర్యల్లో ప్రతిష్టాత్మక కియా మోటార్స్‌ రాష్ట్ర ప్రభుత్వంతో చేతులు కలిపింది. సీఎం సహాయ నిధికి రూ. 2 కోట్ల రూపాయల విరాళం ఇస్తున్నట్టు వెల్లడించింది. విరాళాలకి సంబంధించిన పత్రాన్ని క్యాంపు కార్యాలయంలో సీఎం శ్రీ వైయస్‌.జగన్‌కు కియా మోటర్స్‌ ఇండియా ఎండీ కుక్‌హ్యూన్‌ షిమ్‌ అందించారు.


4. శ్రీ సిటీ ఫౌండర్‌ రూ. 2 కోట్లు


కోవిడ్‌ –19 సహాయ చర్యల కోసం ముఖ్యమంత్రి సహాయ నిధికి శ్రీ సిటీ ఫౌండర్‌ – మేనేజింగ్‌ డైరెక్టర్‌ సన్నారెడ్డి రవీంద్ర రూ.2 కోట్ల రూపాయల విరాళం అందించారు. క్యాంపు కార్యాలయంలో ముఖ్యమంత్రిని కలిసి దీనికి సంబంధించిన చెక్కును అందజేశారు. వైయస్సార్‌సీపీ పార్లమెంటరీ పార్టీనేత వి.విజయసాయిరెడ్డి కూడా ఇందులో పాల్గొన్నారు. 



5.  వర్షిణి ఛారిటబుల్‌ ట్రస్ట్‌ రూ. 1.10 కోట్లు


 వర్షిని ఛారిటబుల్‌ ట్రస్టు తరఫున మెహర్‌ శ్రీనివాస్‌ ముఖ్యమంత్రి సహాయ నిధికి రూ. 1కోటి 10 లక్షల రూపాయలను అందించారు. దీనికి సంబంధించిన చెక్కును క్యాంపు కార్యాలయంలో ముఖ్యమంత్రికి అందించారు. ఈ కార్యక్రమంలో మంత్రి పెద్దిరెడ్డి రామచంద్రారెడ్డి, ముఖ్యమంత్రి కార్యక్రమాల సలహాదారు తలశిల రఘురాం పాల్గొన్నారు. 



6. ప్రభాస్‌ రూ.50 లక్షలు – సీఎం ప్రశంస


కరోనా వైరస్‌ నివారణకు సినీ హీరో ప్రభాస్‌ రూ. 50 లక్షల రూపాయలను అందించారు. ఈమేరకు ముఖ్యమంత్రి శ్రీ వైయస్‌.జగన్‌ ప్రభాస్‌ను అభినందిస్తూ ప్రశంసాపత్రాన్ని పంపించారు. ప్రభాస్‌ చేసిన సహాయం కోవిడ్‌ –19 నివారణా చర్యలకు ఎంతగానో ఉపయోగపడుతుందని సీఎం పేర్కొన్నారు. 


7. జి.ఎల్‌.మంథాన్‌ ఛారిటబుల్‌ ట్రస్ట్‌ రూ. 25 లక్షలు


కోవిడ్‌ –19 నివారణలో భాగంగా సహాయ చర్యల కోసం విజయనగరానికి చెందిన జి.ఎల్‌.మంథానీ ఛారిటబుల్‌ ట్రస్ట్‌ తరఫున ముఖ్యమంత్రి సహాయనిధికి రూ.25లక్షలు విరాళం ప్రకటించారు. ట్రస్టీ బిజయ్‌ మంథానీ ఈ మొత్తాన్ని ఆన్‌ లైన్‌ ద్వారా సిఎంఆర్‌ఎఫ్‌కు జమచేశారు. 


8. ఐఏఎస్‌ అధికారుల సంఘం – 3రోజుల వేతనం


కోవిడ్‌ –19 సహాయ చర్యల కోసం ముఖ్యమంత్రి సహాయనిధికి మూడు రోజుల వేతనాన్ని ఆంధ్రప్రదేశ్‌ ఐఏఎస్‌ ఆఫీసర్స్‌ అసోసియేషన్‌ ప్రకటించింది. 
ముఖ్యమంత్రి క్యాంపు కార్యాలయంలో సీఎం శ్రీ వైయస్‌.జగన్‌కు విరాళాలకు సంబంధించి పత్రాన్ని సీనియర్‌ ఐఏఎస్‌ అధికారులు నీరబ్‌ కుమార్‌ ప్రసాద్, విజయకుమార్, ప్రద్యుమ్న, ఐఏఎస్‌ ఆఫీసర్స్‌ ఆసోసియేషన్‌ జనరల్‌ సెక్రటరీ ప్రవీణ్‌కుమార్‌ అందించారు. ఈ మొత్తం దాదాపు రూ.20లక్షలు ఉంటుందని ఐఏఎస్‌ అధికారులు తెలిపారు. 


9. జెల్‌కాప్స్‌ ఇండస్ట్రీస్‌ రూ. 5లక్షలు


జెల్‌కాప్స్‌ ఇండస్ట్రీస్‌ రూ. 5లక్షల రూపాయలను సీఎం సహాయనిధికి అందించింది. నేరుగా ఆన్‌లైన్‌ద్వారా దీనికి సంబంధించిన మొత్తాన్ని జమచేసింది.


Popular posts
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image
ప్రఖ్యాత చిత్రకారుడు రాజా రవివర్మ నేడు 172 వ జయంతి.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image