వింజమూరులో 30 మందికి రోడ్డుపై కౌన్సిలింగ్

వింజమూరులో 30 మందికి రోడ్డుపై కౌన్సిలింగ్


వింజమూరు, ఏప్రిల్ 28 (అంతిమ తీర్పు-దయాకర్ రెడ్డి): విచ్చలవిడిగా రోడ్లు మీదకు వస్తారా...రేపటి నుండి పనీపాటా లేకుండా రోడ్లు మీద సంచరిస్తారా...ఒకవేళ వస్తే ఏం చెయ్యమంటారు చెప్పండి అంటూ వింజమూరు ఎస్.ఐ బాజిరెడ్డి ప్రశ్నిస్తుండగా రోడ్లు మీదకు రాము సార్, వస్తే శిక్షించండి అంటూ పలువురు యువకులు ప్రాదేయపడిన సంఘటన మంగళవారం నాడు వింజమూరులో చోటుచేసుకుంది. వివరాలలోకి వెళితే గత రెండు రోజుల క్రితం వింజమూరుకు సమీపంలోని కొండాపురం మండలంలో కరోనా పాజిటివ్ కేసు నమోదు కావడంతో వింజమూరులో అధికారులు అప్రమత్తమయ్యారు. వింజమూరు పరిసర ప్రాంతాల నుండి ఏ ఒక్కరూ వింజమూరులోకి రాకూడదని ఆం క్షలు విధించారు. అలాంటి తరుణంలో వింజమూరులో విచ్చలవిడిగా తిరిగే వారికి సరైన గుణపాఠం చెప్పే విధంగా కౌన్సిలింగ్ నిర్వహించారు. పలువురిని ఎక్కడికక్కడ నిలిపివేసి రోడ్డుపైనే కూర్చోబెట్టారు. లాక్ డౌన్ ముగిసే వరకూ రోడ్లు మీదకు రాబోమంటూ ప్రతిజ్ఞలు చేయించారు. ఈ కార్యక్రమంలో తహసిల్ధారు సుధాకర్ రావు కూడా పాల్గొని యువకుల చేత ఇక మీదట విచ్చలవిడిగా రోడ్లు మీద తిరగబోమని ప్రమాణాలు చేయించారు.


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం
కరోనా నియంత్రణకు దక్కన్ టూబాకో కంపెనీ  గ్రూప్
Image