జర్నలిస్ట్ కుటుంబం దాతృత్వం అందరికీ ఆదర్శం

జర్నలిస్ట్ దాతృత్వం అందరికీ ఆదర్శం


వింజమూరు, ఏప్రిల్ 4, (అంతిమతీర్పు-దయాకర్ రెడ్డి): లాక్ డౌన్ సమయంలో పేదలకు నిత్యావసర సరుకులు పంపిణీ చేసిన వింజమూరు ప్రజాశక్తి విలేకరి మూలి.హజరత్ రెడ్డి దాతృత్వం అందరికీ ఆదర్శంగా నిలుస్తుందని తహసిల్ధారు సుధాకర్ రావు, యం.పి.డి.ఓ కనకదుర్గా భవానీలు కొనియాడారు. స్థానిక బంగ్లాసెంటర్ వద్ద మూలి.హజరత్ రెడ్డి ఆయన తల్లిదండ్రులు మాలకొండారెడ్డి, ఆదిశేషమ్మలు పంచాయితీ పరిధిలో పనిచేస్తున్న 31 మంది పారిశుద్ధ్య కార్మికులకు వంట సరుకులు అందజేశారు. బియ్యం, ఉప్పు, పప్పులు, ధనియాలు, పసుపు, కారం, చింతపండు తదితర వస్తువులను ఉచితంగా పంపిణీ చేశారు. ఈ సందర్భంగా అధికారులు మాట్లాడుతూ ప్రస్తుతం కరోనా వైరస్ ప్రజల జీవన విధానాలకు ఆటంకంగా మారిందన్నారు. ప్రమాదకరమైన ఈ వైరస్ ను నియంత్రించాలంటే ప్రజలు స్వీయ నిర్భంధంలో ఉండాల్సిన తప్పనిసరి పరిస్థితులు నెలకొన్నాయన్నారు. ఈ తరుణంలో ప్రజల ఆరోగ్యం కోసం మండుటెండలను లెక్కచేయకుండా నిరంతరం పారిశుద్ధ్య పనులలో మునిగితేలుతున్న పారిశుద్ధ్య కార్మికులకు  వంట సరుకులు పంపిణీ చేయడం ముదావహమన్నారు. ప్రజా ప్రతినిధులు, స్వచ్చంధ సంస్థలకు ధీటుగా నేను సైతం అంటూ ప్రజాశక్తి రిపోర్టర్ హజరత్ రెడ్డి సేవలు అందించడం యావత్ జర్నలిస్టులకు గర్వకారణమన్నారు. ఈ కార్యక్రమంలో పంచాయితీ కార్యదర్శి బంకా.శ్రీనివాసులురెడ్డి, అంతిమతీర్పు దినపత్రిక ప్రతినిధి, ఎలక్ట్రానిక్ మీడియా ప్రతినిధులు, రెవిన్యూ, పంచాయితీ కార్యాలయాల సిబ్బంది పాల్గొన్నారు.


Popular posts
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image
శాసన రాజధాని కుడా అమరావతిలో లేకుండా చేస్తాను అని వ్యాఖ్యలు చేసిన మంత్రి కొడాలినాని అమరావతి గురించి మాట్లాడేటప్పుడు ఆలోచించి మాట్లాడండి అమరావతి 5 కోట్ల ఆంధ్రుల బావిషత్తు "కొడాలి నాని గారికి బుద్ధి రావాలని" ఉద్దండ్రాయునిపాలెంలో నాని గారి దిష్టిబొమ్మని పాడికట్టి శవ యాత్ర చేశారు..
Image
తెలుగు భాషను కాపాడుకోవడం మనందరి కర్తవ్యం
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image