నియోజకవర్గంపై మంత్రి మేకపాటి నిఘా

 


తేదీ: 26-04-2020,
అమరావతి.


నియోజకవర్గంపై మంత్రి మేకపాటి నిఘా


* సొంత నియోజకవర్గంలో మంత్రి ఆకస్మిక పర్యటన


* ఆత్మకూరు మార్కెట్ లో నిత్యవసరాలు , ప్రజల మధ్య భౌతికదూరం పరిశీలన


* ప్రజల సమస్యలు, పారిశుద్ధ్య పనుల అమలు తీరుపై మంత్రి  ఆరా


* 'మర్రిపాడు' సరిహద్దుల్లో నిఘాను పర్యవేక్షించిన గౌతమ్ రెడ్డి


* ప్రజలంతా బాధ్యతగా లాక్ డౌన్ పాటిస్తుండడంపై మంత్రి సంతృప్తి


* ఎప్పుడు ఏ సమస్య వచ్చినా తానున్నాంటూ భరోసానిచ్చిన గౌతమ్ రెడ్డి



అమరావతి, ఏప్రిల్, 26; పరిశ్రమలు, వాణిజ్య, ఐ.టీ, నైపుణ్యాభివృద్ధి, శిక్షణ శాఖ మంత్రి మేకపాటి గౌతమ్ రెడ్డి తన నియోజకవర్గం ఆత్మకూరుపై ప్రత్యేక నిఘా పెట్టారు. సంగం, ఆత్మకూరు, మర్రిపాడు మండలాలలో సుడిగాలి పర్యటన చేస్తూ లాక్ డౌన్ అమలవుతున్న తీరును పరిశీలించారు. మంత్రి గౌతమ్ రెడ్డి ఆకస్మిక తనిఖీతో ఒక్కసారిగా నియోజకవర్గ యంత్రాంగం అప్రమత్తమైంది. మర్రిపాడు మండల సమీపంలోని శ్రీ పొట్టిశ్రీరాములు నెల్లూరు జిల్లా సరిహద్దు ప్రాంతాన్ని మంత్రి గౌతమ్ రెడ్డి పర్యవేక్షించారు. తనిఖీలలో పోలీసులకు ఎదురవుతున్న సమస్యలను అడిగి తెలుసుకున్నారు.  ఎవరైనా ఆకలిదప్పుల వంటి అత్యవసర ఇబ్బందుల్లో ఉంటే మానవత్వంతో స్పందించి సాయం చేయాలని కోరారు. రాత్రుళ్లు ఎవ్వరూ  సరిహద్దులు దాటకుండా మరింత నిఘా పెట్టాలని మంత్రి పోలీసులను ఆదేశించారు. కరోనా నియంత్రణకే అందరం పోరాడుతున్నామన్న విషయాన్ని ప్రజలకు సహనంగా అవగాహన కలిగించాలని సూచించారు.


ఆత్మకూరు నియోజకవర్గంలో రెడ్ జోన్ గా ఉన్న ఆత్మకూరు మున్సిపాలిటీ పరిధిలోని కూరగాయల మార్కెట్ ను మంత్రి మేకపాటి గౌతమ్ రెడ్డి సందర్శించారు. ఆదివారం నిత్యావసరాలకు వచ్చే ప్రజలతో రద్దీ పెరుగుతుందన్న ముందస్తు ఆలోచనతో మంత్రి అక్కడ ఆకస్మిక తనిఖీ నిర్వహించారు. మార్కెట్ లో కూరగాయలు అమ్ముకునే వ్యాపారులు, వినియోగదారులు భౌతిక దూరం పాటిస్తున్నారా లేదా అన్న అంశాన్ని ప్రత్యక్ష్యంగా పర్యవేక్షించారు. లాక్ డౌన్  అమలవుతున్న తీరును స్థానికులను అడిగి తెలుసుకున్నారు. తాజాగా ఆత్మకూరు నియోజకవర్గంలో టెస్టింగ్ కిట్ల ద్వారా పరీక్షలు జరుగుతున్న విధానాన్ని అధికారులను అడిగి తెలుసుకున్నారు. జిల్లా వరకూ వెళ్లకుండా ఆత్మకూరులోనే పరీక్షలు నిర్వహిస్తుండడంపై ప్రజలు హర్షం వ్యక్తం చేస్తున్నారని అధికారులు మంత్రికి వివరించారు. లాక్ డౌన్ వల్ల ప్రజలకు ఉన్న ప్రధాన ఇబ్బందులపై అధికారులతో ఆరా తీశారు. అందరం బాగుండడం కోసమే ఈ జాగ్రత్త చర్యలని మంత్రి తెలిపారు. కచ్చితంగా మాస్కులు, గ్లౌజులు ధరించి బయటకు రావాలన్నారు. మార్కెట్ లోని వ్యాపారులకు మాస్కులు అందిస్తామని హామీ ఇచ్చారు. 


అనంతరం మర్రిపాడు మండలంలోనూ మంత్రి గౌతమ్ రెడ్డి పర్యటించారు.  ఆదివారం ఆకస్మికంగా పర్యటించిన మండలాల్లో లాక్ డౌన్ అమలవుతున్న తీరు, ప్రజల అవగాహన, సహకారంపై మంత్రి మేకపాటి సంతృప్తి వ్యక్తం చేశారు. రెవెన్యూ, పోలీసు అధికారులు కఠినంగా లాక్ డౌన్ ను అమలు  చేస్తూనే పరిస్థితులను బట్టి మానవత్వంతో స్పందించాలని మంత్రి గౌతమ్ రెడ్డి సూచించారు. నియోజకవర్గ  ప్రజలకు ఎప్పుడు ఎలాంటి సమస్య వచ్చినా ఎల్లప్పుడూ తానున్నానంటూ మంత్రి గౌతమ్ రెడ్డి భరోసా ఇచ్చారు. గత నెలరోజుల కరోనా విపత్తులో  నియోజకవర్గ ప్రజలకు వైఎస్ఆర్ కాంగ్రెస్ పార్టీ తరపున నిత్యం నిత్యావసరాలు పంపిణీ చేస్తున్న నాయకులను, కార్యకర్తలను మంత్రి అభినందనలు తెలియజేశారు. ప్రజా సేవలో ముందుకు సాగుతూనే తగు జాగ్రత్తలు తీసుకోవాలని మంత్రి పిలుపునిచ్చారు. ప్రజలు కూడా ఇలాగే నిబద్ధతగా రాష్ట్ర, కేంద్ర ప్రభుత్వాల సూచనలు పాటిస్తే త్వరలోనే కరోనా నుంచి బయటపడతామని మంత్రి మేకపాటి ఆశాభావం వ్యక్తం చేశారు. లాక్ డౌన్ ను ఇలాగే పాటించి సహకరించాలని నియోజకవర్గ ప్రజలందరికీ మంత్రి పిలుపునిచ్చారు.


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
బలోపేతానికి చారిత్రక ప్రణాళిక రూపొందించిన ఏపీ ప్రభుత్వం
Image