శ్రీకాళహస్తిలో ఇళ్లవద్దకే నిత్యావసర వస్తువులు పంపుతున్నాము : చిత్తూరు కలెక్టర్

,ఏప్రిల్ 29...      చిత్తూరు  జిల్లాలో    ఎక్కువ కేసులు నమోదవుతున్న శ్రీకాళహస్తి పట్టణములో కంటైన్మెంట్ జోన్ చేశామని మొత్తం 14 వార్డులలో పాజిటివ్ కేసులు నమోదు అవడం వల్ల మొత్తం 35 వార్డులను  రెడ్ జోన్ లుగా ప్రకటించడం జరిగిందని జిల్లా కలెక్టర్ డాక్టర్ నారాయణ భరత్ గుప్తా వైద్య ఆరోగ్య శాఖ ప్రత్యేక కార్యదర్శి జవహర్ రెడ్డి కి చెప్పారు.బుధవారం సాయంత్రం జరిగిన వీడియో కాన్ఫరెన్స్ లో జిల్లా కలెక్టర్ మాట్లాడుతూ శ్రీకాళహస్తిలో ఇళ్లవద్దకే నిత్యావసర వస్తువులు పంపుతున్నామని ఇందులో 10 మంది వ్యాపారస్తులకు పరీక్షలు నిర్వహించగా ఒకరికి పాజిటివ్ వచ్చిందని అదే విధంగా జిల్లా కేంద్రంలోని ఆస్పత్రి,తిరుపతి లోని రుయా ఆస్పత్రిని కోవిద్ ఆస్పత్రులుగా మార్చడం వల్ల ఔట్ పేషెంట్ విభాగం పని చేయడం లేదని ప్రత్యామ్నాయ మార్గాలు చూపాల్సి ఉందని అన్నారు.శ్రీకాళహస్తిలో రోజి 200 మందికి పరీక్షలు నిర్వహిస్తున్నామని అదేవిధంగా సెకండ్ కాంటాక్టులను గుర్తిస్తున్నామని అన్నారు.కార్యదర్శి భాస్కర్ మాట్లాడుతూ గ్రామాల్లో ప్రజలకు పరీక్షలు నిర్వహించడానికి జిల్లాకు 500 జ్వరం కు సంబంధించి చెక్ చేయడానికి ధర్మామీటర్లను  పంపిణీ చేస్తామని అలాగే కోవిద్ ఆస్పత్రులు కాకుండా రెగులర్  పేషెంట్ల కోసం ఏర్పాటు చేస్తామన్నారు.ఆస్పత్రులలో కావాల్సిన ఏర్పాట్లు ఏవిధంగా ఉన్నాయో చూసుకొని ఎవరైతే రోగి వస్తాడో వారికి అన్ని వస్తువులు ఉండేటట్లు చూడాలని అన్నారు.ఇవన్నీ మే 5 లోపున ఉండేటట్లు చూసుకోవాలని అన్నారు.ఎవరైతే హోమ్ ఐసోలేషన్ లో ఉంటామని అంటారో వారికి టేలిమెడిసిన్ పై అవగాహన కల్పించాలన్నారు.అదేవిధంగా వారి ఇంట్లో చిన్న పిల్లలు లేకుండా చేసుకోవడంతో పాటు ఇతర కుటుంబ సభ్యులు కు లివింగ్ స్పేస్ ఉండాలని అన్నారు.వారి కుటుంబ సభ్యులకు అవగాహన కల్పించాలన్నారు.ర్యాపిడ్ టెస్టులను మరింతగా చేయాలన్నారు.డిశ్చార్జ్ చేసేటపుడు అత్యంత జాగ్రత్తలు తీసుకోవాలన్నారు.ఇతర వ్యాధిగ్రస్థులపై కూడా శ్రద్ధ చూపాలని అన్నారు.వ్యాధిగ్రస్తులు కు పెట్టె ఖర్చులలో నిదులకు ఎటువంటి ఇబ్బంది ఉండదన్నారు ప్రైవేట్ ఆస్పత్రులవారు ఏమెర్జెన్సీ కేసులు చూసేలా ఆదేశాలు జారీ చేయాలని కలెక్టర్ కోరారు.వారు కరోనా తో సంభందించిన కేసులు కాకుండా ఇతర కేసులు చూస్తారని కార్యదర్శి గిరిజాశంకర్  అన్నారు.ఈ వీడియో కాన్ఫరెన్స్ కు చిత్తూరు నుంచి జిల్లా కలెక్టర్ డాక్టర్ నారాయణ భరత్ గుప్తా తో పాటు జె సి2 చంద్రమౌళి,జిల్లా వైద్యాధికారి పెంచలయ్య,డాక్టర్ జయరాజ్,సరలమ్మ,నారాయణ రెడ్డి తదితరులు పాల్గొన్నారు.


Popular posts
జర్నలిస్టుల అక్రిడిటేషన్లు పొడిగింపునకు డి.ఎం.ఎ.సి. సమావేశం
శ్రీ‌వారి ఆలయంలోని మండ‌పాలు - భ‌క్తుల‌ను విశేషంగా ఆక‌ట్టుకుంటున్నపురాతన శిల్పాలు
ప్రపంచం అంతా ఈరోజు అంతర్జాతీయ మాతృ దినోత్సం జరుపుకుంటోంది.: నారా లోకేష్, తెదేపా జాతీయ ప్రధాన కార్యదర్శి*
Image
వెల్లివిరిసిన వనిపెంట.సుబ్బారెడ్డి దాతృత్వం
*పాఠశాలల ప్రారంభ నిర్ణయంపై పునరాలోచించాలి* ఏ.బి.వి.పి నేత చల్లా.కౌశిక్.... వింజమూరు, ఆగష్టు 26 (అంతిమ తీర్పు-దయాకర్ రెడ్డి): కరోనా వైరస్ విలయతాండవం చేస్తున్న ప్రస్తుత పరిస్థితులలో సెప్టెంబర్ 5 నుండి పాఠశాలలను ప్రారంభించాలని ప్రభుత్వం యోచించడం సబబు కాదని, వెంటనే ఈ అనాలోచిత నిర్ణయాన్ని ఉపసం హరించుకోవాలని అఖిల భారతీయ విధ్యార్ధి పరిషత్ రాష్ట్ర కార్యదర్శి చల్లా.కౌశిక్ ప్రభుత్వానికి విజ్ఞప్తి చేశారు. ఈ మేరకు కౌశిక్ బుధవారం నాడు ఒక పత్రికా ప్రకటనను విడుదల చేశారు. సాక్షాత్తూ విద్యాశాఖా మంత్రి కరోనా బారిన పడి బాధపడుతున్నా వారికి బోధపడక పోవడం ఆశ్చర్యకరమన్నారు. జగనన్న విద్యాదీవెన, నాడు-నేడు పధకాల ప్రారంభం, ప్రచార ఆర్భాటాల కోసం పిల్లల జీవితాలను పణంగా పెట్టాలని చూస్తే ఏ.బి.వి.పి చూస్తూ ఊరుకోదన్నారు. రాష్ట్ర వ్యాప్తంగా విధ్యార్ధుల తల్లిదండ్రులతో గ్రామ, గ్రామీణ సర్వేను ఏ.బి.వి.పి నిర్వహించిందని కౌశిక్ పేర్కొన్నారు. 82 శాతం మంది తల్లిదండ్రులు పాఠశాలల ప్రారంభ ప్రక్రియను వ్యతిరేకిస్తున్నారని స్పష్టం చేశారు. ఉన్నత విద్య, డిగ్రీ, పి.జీ, విశ్వ విద్యాలయాలలో చదివే విధ్యార్ధులు రోగనిరోధక శక్తి కలవారన్నారు. వారిని కాకుండా కేవలం ముందుగా పాఠశాలల బడులను తెరవడంలో ఆంతర్యమేమిటని ప్రభుత్వాన్ని ప్రశ్నించారు. ప్రపంచంలోని పలు దేశాలు ఇలాగే అనాలోచిత నిర్ణయాలు తీసుకున్న పర్యవసానాలలో భాగంగా ప్రారంభించిన కొద్ది రోజులలోనే లక్షల కరోనా పాజిటివ్ కేసులు నమోదయ్యాయన్నారు. ఆన్లైన్ ఫీజుల దందాను అరికట్టడంలో శ్రద్దాసక్తులు లేని రాష్ట్ర ప్రభుత్వానికి పాఠశాలల ప్రారంభానికి ఎందుకంత ఆరాటమన్నారు. కార్పోరేట్ విద్యాసంస్థల ఫీజుల దోపిడీని ఇక ప్రత్యక్షంగా చేసుకోవడానికి ప్రభుత్వం మార్గాలు సుగమం చేయడమేనని కౌశిక్ దుయ్యబట్టారు. ప్రైవేట్ విద్యాసంస్థల ఫీజుల దందా - ప్రభుత్వ పధకాల ప్రచార దందా రెండూ కలిసి వస్తాయా అని సూటిగా ప్రభుత్వాన్ని నిలదీశారు. రోగ నిరోధక శక్తి తక్కువ కలిగి ప్రస్తుత కరోనా పరిస్థితులను ఎదుర్కోలేని పసిపిల్లలపై ప్రభుత్వ అసంబద్ధ ప్రయోగాలు విరమించుకోవాలని హితువు పలికారు. లేని పక్షంలో ఏ.బి.వి.పి రాష్ట్ర వ్యాప్తంగా నిరసనలు, ఉద్యమాలకు శ్రీకారం చుడుతుందని కౌశిక్ ప్రభుత్వాన్ని హెచ్చరించారు.
Image