కరోనా నివారణకు  ప్రజలు అప్రమత్తంగా వ్యవహరించాలి -   మంత్రి పేర్ని నాని    

 


      
కరోనా నివారణకు  ప్రజలు అప్రమత్తంగా వ్యవహరించాలి !!
                                           --- మంత్రి పేర్ని నాని              


మచిలీపట్నం : ఏప్రిల్ 27 ,  (అంతిమ తీర్పు) :     తప్పక స్వీయ నియంత్రణ పాటించాలని, వేరే ప్రాంతాలకు వెళ్లకుండా ఉండాలని ,  వ్యక్తిగత, పరిసరాల పరిశుభ్రత పాటిస్తూ  కరోనా వైరస్ పట్ల ప్రజలు అప్రమత్తంగా  వ్యవహరించాలని రాష్ట్ర రవాణా , సమాచార పౌర సంబంధాల శాఖ మంత్రి పేర్ని వెంకట్రామయ్య ( నాని ) సూచించారు. 
                                 సోమవారం ఉదయం మంత్రి పేర్ని నాని స్థానిక మల్కాపట్నం లోని లెమన్ ఇవాంజెలికల్ ఫెలోషిప్ చర్చి లో 300 మందికి నిత్య వాసరాల పంపిణీ కార్యక్రమంలో ముఖ్య అతిధిగా పాల్గొన్నారు. ఈ సందర్భంగా మంత్రి మాట్లాడుతూ  ఆపదలో ఉన్నవారికి అండగా ఉండేందుకు పెద్ద మనసుతో నిలిచిన విజయవాడకు చెందిన వర్షా కన్స్ట్రక్షన్ అండ్ డెవొలెపెర్స్ సంస్థ అధినేత దొడ్డాకుల పొన్నారికు ఆ దేవుని దీవెనలు మెండుగా ఉండాలని అభిలషించారు.  విజయవాడ సిటీ లో కరోనా వైరస్ వేగంగా వ్యాపిస్తున్న వేళ ఆ నగరానికి కొద్ది దూరంలో ఉన్న మనం ఎంతో అప్రమత్తతగా ఉండాలంన్నారు. మచిలీపట్నంలో మరో పాజిటివ్ కేసు నమోదైందని దీంతో బందరులో నాల్గవ కేసుగా నమోదైన వ్యక్తి విజయవాడలో పోలీస్ గా ఉద్యోగ విధులు నిర్వర్తిస్తున్నాడని  నిత్యం డైలీ సర్వీస్ అటూ ఇటూ తిరుగుతుంటాడని మంత్రి పేర్ని నాని తెలిపారు.  ఆ ఉద్యోగి వలన టౌన్ లో ఎంతమంది పాజిటివ్ లుగా మారతారో అన్న ఆందోళన వేధిస్తుందన్నారు. లాక్ డౌన్ వేళ ప్రజలు ఇష్టం వచ్చినట్లు బయటికి రాకూడదని వేరే ఊళ్లకు వెళ్లకూడదన్నరు. తప్పని పరిస్థితులలో వెలుపలికి వచ్చినా ఏ ఒక్కరిని తాకకూడదని సూచించారు.  సబ్బుతో చేతులను శుభ్రంగా కడగాలన్నారు.  ఆంధ్ర ప్రదేశ్ లో ఒక్కసారిగా కరోనా కేసులు పెరగడం పట్ల అధికారులు, పోలీస్ యంత్రాగం, ప్రభుత్వం మరింత కఠినంగా వ్యవహరించే అవకాశం ఉందన్నారు .  
      ఈ  నిత్యావసరాల పంపిణీ కార్యక్రమంలో  ఎల్ ఈ ఎఫ్ చర్చి సంఘకాపరి  తంటేపూడి ప్రభాకర్  దొడ్డాకుల స్వరూప, రాజకుమార్,19 వ డివిజన్ పార్టీ ఇంచార్జ్ బూరగ రామారావు, పాండే, డ్రైవర్ నాని తదితరులు పాల్గొన్నారు


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం
కరోనా నియంత్రణకు దక్కన్ టూబాకో కంపెనీ  గ్రూప్
Image