వై.యస్.ఆర్.సున్నా వడ్డీ పథకాన్ని ప్రారంభించి, చెక్కు ఆవిష్కరించిన మంత్రి శంకరనారాయణ

వై.యస్.ఆర్.సున్నా వడ్డీ పథకాన్ని ప్రారంభించి, చెక్కు ఆవిష్కరించిన మంత్రి శంకరనారాయణ
*విపత్తు సమయంలో మహిళల కొండంత అండగా రాష్ట్ర ప్రభుత్వం*
పెనుకొండ : ముఖ్యమంత్రి వైఎస్ జగన్మోహన్ రెడ్డి గారు తన పాద యాత్రలో ఇచ్చిన హామి ప్రకారం రాష్ట్రంలోని స్వయం సహాయక సంఘ మహిళలకు అండగా నిలుస్తూ సున్న వడ్డీకే రుణాలు ఇస్తున్నారని, ఇంతటి గొప్ప కార్యక్రమం ప్రస్థుత గట్టు పరిస్థితుల్లో కూడ అక్క చెల్లెల్లకు అండగా నిలిచేందుకు ముఖ్యమంత్రి జగన్మోహన్ రెడ్డి  శ్రమిస్తున్నారని మంత్రి శంకరనారాయణ పేర్కొన్నారు. శుక్రవారం పెనుకొండ పట్టణ ఎంపిడిఓ ఆఫిస్ వెనుక ఉన్న వెలుగు కార్యాలయం నందు "వై.యస్.ఆర్.సున్నా వడ్డీ పథకాన్ని ప్రారంభించి, చెక్కులు పంపిణీ కార్యక్రమంలో ముఖ్య అథిదిగా రాష్ట్ర బిసి సంక్షేమ శాఖ మాత్యులు శ్రీ మాలగూండ్ల శంకరనారాయణ గారు పాల్గొన్నారు. ఈ సందర్భంగా పెనుకొండ నియోజకవర్గానికి సంబంధించి మంజూరైన 10 కోట్ల 77 లక్షల విలువగల గ్రాండ్ చెక్కును ఆవిష్కరించారు. అనంతరం మంత్రి శంకరనారాయణ మాట్లాడుతూ గౌరవ రాష్ట్ర ముఖ్యమంత్రివర్యులు శ్రీ వైయస్ జగన్మోహన్ రెడ్డి గారు ప్రజా సంకల్ప యాత్రలో మహిళలకు మాట ఇచ్చిన ప్రకారం సున్నా వడ్డీకే బ్యాంకు రుణాలు అందించడానికి శ్రీకారం చుట్టారని మంత్రి తెలిపారు. ఈ కార్యక్రమంలో భాగంగా వైఎస్సార్ సున్నా వడ్డీ పథకం ద్వారా అప్పు నిల్వ కలిగిన స్వయం సహాయక సంఘాల బ్యాంకు విధించిన వడ్డీ రేటు ప్రకారం, వడ్డీ మొత్తాన్ని నేరుగా స్వయం సహాయక సంఘాల అప్పు ఖాతాల్లోకి జమ చేయడం జరిగిందని తెలిపారు. ఈ మేరకు అర్హత కలిగిన ఎనిమిది లక్షల 78 వేల స్వయం సహాయక సంఘాలకు 1,400 కోట్ల రూపాయలను మంజూరు చేయడం జరిగిందని తెలిపారు. అనంతపురం జిల్లాకు సంబంధించి 65 వేల 37 (రూరల్ 51,491; అర్భన్ 13,546) స్వయం సహాయక సంఘాలు ఉన్నాయని ఈ సంఘాల సభ్యులకు 135.62 కోట్లు వడ్డీ మొత్తం మంజూరు జరిగిందని తెలిపారు. ఇందులో భాగంగా పెనుగొండ నియోజకవర్గానికి సంబంధించిన 5064 స్వయం  సహాయక సంఘాలకు  10 కోట్ల 77 లక్షల రూపాయలను మంజూరు చేసినట్లు తెలిపారు. రాష్ట్రంలో ప్రస్తుత పరిస్థితులను అధిగమిస్తూ ఇటువంటి క్లిష్ట పరిస్థితుల్లో కూడా పేద ప్రజల అభ్యున్నతిని ఆకాంక్షించి ముఖ్యమంత్రి జగన్ మోహన్ రెడ్డి గారు మహిళల పక్షాన నిలుస్తూ ఇటువంటి బృహత్తర కార్యక్రమానికి శ్రీకారం చుట్టారని మంత్రి వి పేర్కొన్నారు. గత 11 నెలల కాలంలో వైఎస్ఆర్సిపి ప్రభుత్వం మానిఫెష్టోలో పొందుపరచిన ప్రతి ఒక్క హామీని నెరవేరుస్తూ పెన్షన్లు, అమ్మ ఒడి, కంటి వెలుగు, నేతన్న నేస్తం, ఆరోగ్యశ్రీ,  వాహన మిత్ర, వంటి ఎన్నో సంక్షేమ కార్యక్రమాల ద్వారా ప్రజలకు అండగా నిలిచిందని మంత్రి అన్నారు. గౌరవ ముఖ్యమంత్రి జగన్మోహన్ రెడ్డి గారు రాష్ట్రంలోని పేద ప్రజలకు అండగా నిలుస్తూ ఎన్నో సంక్షేమ పథకాలను అమలుపరుస్తూ ముందుకు సాగుతున్నారని రానున్న రోజుల్లో కూడా పేదల పక్షపాతి వైఎస్సార్ సిపి ప్రభుత్వం ఉంటుందని మంత్రి పేర్కొన్నారు. రాష్ట్రంలోని పేద ప్రజలు, మహిళలు, ముఖ్యంగా స్వయం సహాయక సంఘాల సభ్యులు గౌరవ ముఖ్యమంత్రి వైఎస్ జగన్మోహన్ రెడ్డి గారిని ఆశీర్వదించాలని వైఎస్ఆర్సిపి ప్రభుత్వానికి అండగా నిలవాలని, జగనన్న చేపడుతున్న మంచి కార్యక్రమాలకు మద్దతు పలకాలని విజ్ఞప్తి చేశారు. అలాగే జిల్లాలో కరోనా వ్యాధి వ్యాపిస్తున్న నేపథ్యంలో మహిళలందరూ తగు జాగ్రత్తలు తీసుకోవాలని బయటకు వచ్చినప్పుడు సామాజిక దూరం పాటిస్తూ రాష్ట్ర ప్రభుత్వం ఇచ్చిన నియమాలను అనుసరిస్తూ కరోనాని తరిమికొట్టేందుకు కృషి చేయాలని మంత్రి పిలుపునిచ్చారు. ఈ కార్యక్రమంలో ఎంపిడిఓ శివ శంకరప్ప,  ఎఈ రమణప్ప వైయస్సార్ సిపి నాయకులు సుధాకర్ రెడ్డి, మండల కన్వీనర్ శ్రీకాంత్ రెడ్డి, పట్టణ కన్వీనర్ తయూబ్, రామ్మోహన్ రెడ్డి, గుంటూరు శ్రీరాములు, నాగూర్ బాబు, స్వయం సహాయక సంఘాల సభ్యులు తదితర పార్టీ నాయకులు, కార్యకర్తలు  పాల్గొన్నారు.


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*మరుగుదొడ్ల నిర్మాణాలపై అధికారుల విచారణ* వింజమూరు, జూలై 14 (అంతిమ తీర్పు-దయాకర్ రెడ్డి): వింజమూరు మండలంలో గతంలో జరిగిన వ్యక్తిగత మరుగుదొడ్లు నిర్మాణాలకు సంబంధించి అధికారులు లోతుగా విచారణ సాగిస్తున్నారు. డ్వామా కార్యాలయం నుండి మరుగుదొడ్లు నిర్మాణాలు చేపట్టేందుకు ముందస్తుగా 13 లక్షలా 95 వేల రూపాయల నిధులను విడుదల చేసియున్నారు. వాటిని కొంతమంది నేచురల్ లీడర్లు నిర్మాణ పనులను చేజిక్కించుకున్నారు. వారిలో కొంతమంది నాసిరకంగా మరుగుదొడ్లును నిర్మించగా మరికొంత మంది అసలు నిర్మాణాలు చేపట్టకుండానే ఆ నిధులను దుర్వినియోగం చేశారనే ఆరోపణలు, ఫిర్యాధులు అందుకున్న జిల్లా ఉన్నతాధికారులు స్పష్టమైన ఆదేశాలు జారీ చేశారు. ఈ మేరకు మండల పరిషత్ అభివృద్ధి అధికారిణి కనకదుర్గా భవానీ ఉన్నతాధికారుల సూచనల మేరకు స్వయంగా రంగంలోకి దిగి లోతుగా విచారణ జరుపుతున్నారు. ఈ పరిణామంతో అటు బదిలీపై వెళ్ళిన అధికారులు, ఇటు నేచురల్ లీడర్లులో గుబులు మొదలైంది. అందుకు సంబంధించి పలువురికి నోటీసులు కూడా జారీ చేశారు. దుర్వినియోగం కాబడిన నిధులను యుద్ధ ప్రాతిపదికన రికవరీ చేసి ప్రభుత్వ ఖజానాకు జమ చేసే దిశగా యం.పి.డి.ఓ కనకదుర్గా భవానీ చర్యలు చేపడుతున్నారు. ఈ విషయాలు తెలుసుకున్న పలువురు యం.పి.డి.ఓ తీరును ప్రశంసిస్తున్నారు.
Image