కరోన విధుల్లో పాల్గొంటున్న అత్యవసర  సేవల సిబ్బంది, మీడియాకు ఇన్సూరెన్స్ సౌకర్యం కల్పించాలి:ఎపీ ఎన్జీఓ నేత విద్యాసాగర్

కరోనా విధుల్లో పాల్గొంటున్న అత్యవసర  సేవల సిబ్బంది, మీడియాకు ఇన్సూరెన్స్ సౌకర్యం కల్పించాలి.. ఎపీ ఎన్జీఓ రాష్ట్ర అధ్యక్షులు చంద్రశేఖర్ రెడ్డి


కరోనా విధుల్లో ప్రాణాలు సైతం లెక్క చేయకుండా విధులు  నిర్వరిస్తున్న వైద్యులు, నర్సులు, పోలీసు, మున్సిపల్ సిబ్బందితో లపాటు, జర్నలిస్టులకు కూడా ఇన్సూరెన్స్ కల్పించాలని ఎపీ ఎన్జీఓ రాష్ట్ర అధ్యక్షులు చంద్రశేఖర్ రెడ్డి ప్రభుత్వాన్ని విజ్ఞప్తి చేశారు.  కరోనా వంటి విపత్కర పరిస్థితులలో ప్రభుత్వానికి అండగా ఉంటామని, ప్రభుత్వ ఉద్యోగుల ఒక రోజు మూల వేతనం వంద కోట్లకు పైగా సీఎం సహాయనిధికి అందచేశామని చెప్పారు. గాందీనగర్ లోని ఎపీ ఎన్జీఓ అసోసియేషన్ కార్యాలయంలో శుక్రవారం ఎన్జీఓ రాష్ట్ర సంఘం ఆధ్వర్యంలో  మున్సిపల్ కార్మికులకు, విలేకరులకు నిత్యావసర వస్తువులను పంపిణీ చేశారు. ఈ కార్యక్రమంలో చంద్రశేఖర్ రెడ్డి, విద్యాసాగర్, స్వామి, వేమూరి ప్రసాద్, ఇతర సభ్యులు పాల్గొని కిట్ లను అందచేశారు. ఈసందర్భంగా ఎపీ ఎన్జీఓ అసోసియేషన్ అధ్యక్షులు చంద్రశేఖర్ రెడ్డి మాట్లాడుతూ లాక్ డౌన్ వల్ల పేద ప్రజలు ఇబ్బందులు పడుతున్న మాట వాస్తవమే అయినప్పటికీ, ప్రాణాల కన్నా.. ఏదీ ఎక్కువ కాదన్నారు. కరోనా విధుల్లో వైద్యులు, నర్సులు, పోలీసులు, మున్సిపల్ సిబ్బంది, విలేకరులు.. తమ ప్రాణాలను సైతం లెక్క చేయకుండా పని చేస్తున్నారన్నారు.  ఎపీ ఎన్జీఓ పక్షాన పేదలకు సాయం అందిస్తున్నామని, అదే విధంగా మున్సిపల్ సిబ్బందికి, విలేకరులకు కూడా నిత్యావసర వస్తువులను పంపిణీ చేసినట్లు చెప్పారు. కరోనా మహమ్మారి ఏ రూపంలో ప్రాణాల మీదకు వస్తుందో తెలియదని, అయినా.. ప్రజల కోసం ప్రాణాలను ఫణంగా పెట్టి పని చేస్తున్నారన్నారు. ప్రభుత్వం ఇచ్చే సూచనలు, సలహాలను ప్రజలకు చేరవేస్తూ.. జర్నలిస్టులు కీలక పాత్ర పోషిస్తురన్నారు. వారికి భరోసా కల్పించేలా కేంద్ర, రాష్ట్ర ప్రభుత్వాలు ఇన్సూరెన్స్ సౌకర్యం కల్పించాలని కోరుతున్నామన్నారు. ఇప్పటికే కొన్ని రాష్ట్రాల్లో మీడియా సిబ్బందికి కేసులు పెరుగుతండటం ఆందోళన కలిగిస్తుందన్నారు. మరికొన్ని రాష్ట్రాలలో ఆయా ప్రభుత్వాలు జర్నలిస్టుల కోసం ప్రత్యేకంగా ఇన్సూరెన్స్ లు చెల్లించాయని, ఆ దిశగా ఎపీ ప్రభుత్వం కూడా ఆలోచన చేయాలని విజ్ఞప్తి చేశారు. ప్రభుత్వం కూడా ఆర్ధిక పరిస్థితుల దృష్ట్యా రెండు విడతలగా జీతాలు చెల్లిస్తామని చెప్పారని,  అయితే ఈనెల పూర్తి జీతాలు చెల్లిస్తారని భావిస్తున్నామన్నారు.  ప్రభుత్వ వైద్యుల పరిస్థితి చాలా ఇబ్బందిగా ఉందని, ప్రజల నుంచి నిరసనలు వ్యక్తమవుతున్నా.. ప్రజల కోసం ప్రాణాలను ఫణంగా పెట్టి పని చేస్తున్నారన్నారు. వారికి అండగా ఉండేలా కేంద్రం చేసిన చట్టాన్ని స్వాగతిస్తున్నామని తెలిపారు. పశ్చిమ కృష్ణా ఎన్జీఓ అధ్యక్షులు విద్యాసాగర్ మాట్లాడుతూ లాక్ డౌన్ ప్రభావం పేద, మధ్యతరగతి ప్రజలపై బాగా పడిందని, చాలామందికి రోజు గడవటం కష్టంగా ఉందన్నారు. ఎపీ ఎన్జీఓ తరపున మున్సిపల్ సిబ్బందికి, అల్పాదాయం ఉన్న విలేకరులను ఆదుకోవాలని భావించి, బియ్యం, నిత్యావసర వస్తువులను అందచేశామన్నారు. కరోనా విధుల్లో పాల్గంటున్న గ్రామ సచివాలయ సిబ్బంది, వాలంటీర్లు, విలేకరుల రక్షణకు అవసరమైన పరికరాలను  ఇవ్వాల్సిన బాధ్యత ప్రభుత్వంపై ఉందన్నారు. ఇప్పటికే అనేక రాష్ట్రాలలో జర్నలిస్టులు కరోనా బారిన పడిన పరిస్థితి చూస్తున్నామని,  అందువల్ల కేంద్ర,రాష్ట్ర ప్రభుత్వాలు స్పందించి వారికి ఇన్సూరెన్స్ సౌకర్యం కల్పించాలన్నారు. ఎపీ ఎన్జీఓ పక్షాన తమ వంతుగా లాక్ డౌన్ ఉన్నంత కాలం పేదలను ఆదుకుంటామని, కూరగాయలు, నిత్యావసర వస్తువులను పంపిణీ కొనసాగిస్తామని తెలిపారు. ఈ పంపిణీ కార్యక్రమంలో ఎపీ ఎన్జీఓ రాష్ట్ర సంఘం నేతలు వెంకటేశ్వరరెడ్డి, సుబ్బారెడ్డి, జిల్లా నేతలు పి.రమేష్, సి.హెచ్.అప్పారావు, నగర నాయకులు స్వామి, ప్రసాద్ లు పాల్గొన్నారు.


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
బలోపేతానికి చారిత్రక ప్రణాళిక రూపొందించిన ఏపీ ప్రభుత్వం
Image