నిధులను కాంట్రాక్టర్లకు దోచిపెడుతున్నారు- యనమల రామకృష్ణుడు 

అమరావతి, ఏప్రిల్ 22 (అంతిమ తీర్పు ):
యనమల రామకృష్ణుడు విలేకరుల సమావేశం వివరాలు
జగన్మోహన్ రెడ్డి నిర్లక్ష్యం వల్లే రాష్ట్రంలో కరోనా తీవ్రరూపం దాలుస్తోంది- అవినీతి, రాజకీయాలకే వైసీపీ ప్రాధాన్యత- నిధులను కాంట్రాక్టర్లకు దోచిపెడుతున్నారు- యనమల రామకృష్ణుడు 
         దేశంలోని రాష్ట్ర ప్రభుత్వాలన్ని కరోనా తీవ్రతను అరికట్టేందుకు చర్యలు తీసుకుంటుంటే.. జగన్మోహన్ రెడ్డి మాత్రం తీవ్ర నిర్లక్ష్యం వహిస్తున్నారని టీడీపీ సీనియర్ నేత యనమల రామకృష్ణుడు ధ్వజమెత్తారు. ఈ మేరకు నిర్వహించిన విలేకరుల సమావేశంలో ఆయన మాట్లాడుతూ.. కరోనా అంటే జగన్ కు మొదటి నుంచి చులకన. స్థానిక సంస్థల ఎన్నికలను నిర్వహించాలనే దుర్బుద్ధితోనే.. కరోనాను తీవ్ర నిర్లక్ష్యం చేశారు. నేడు కరోనా నియంత్రణ విషయంలో ఏపీ వెనుకబడి ఉంది. పరీక్షలు ఎక్కువగా నిర్వహించడం లేదు. ర్యాపిట్ కిట్లలో కూడా అవినీతికి పాల్పడే స్థితికి వచ్చారు. అవినీతికి, రాజకీయాలకే ప్రాధాన్యత తప్పితే.. కరోనా నియంత్రణ విషయంలో లేదు. దీనిని ప్రతిఒక్కరు ఖండించాలి. కర్ణాటక, కేరళ కరోనాను సమర్థంగా అరికడుతున్నాయి. కేరళ మొదటి స్థానంలో ఉంది. ఏపీ ఎందుకు అరికట్టలేకపోయిందో మనం ఆలోచన చేసుకోవాలి. జగన్ నిర్లక్ష్యం, వైఫల్యం వల్ల కోరనా రోజురోజుకూ పెరుగుతోంది. కృష్ణా, గుంటూరు, నెల్లూరు, కర్నూలు జిల్లాల్లో పరిస్థితి తీవ్రంగా ఉంది. మరోవైపు రాష్ట్ర ఆదాయం కూడా లేదు అనడానికి లేదు. కేంద్రం నుంచి నిధులు వస్తున్నాయి. పెన్షన్లు, జీతాల్లో కోత విధించారు. నిధులన్నీ కాంట్రాక్టర్లకు ఇస్తూ అవినీతికి పాల్పడుతున్నారు. ప్రజలు అన్నీ గమనిస్తున్నారు. రద్దుల విధానంలోనే జగన్ వెళుతున్నారు. ఇప్పటికీ మేల్కోవడం లేదు. పంటలకు గిట్టుబాటు ధరలు లభించడం లేదు. మార్కెట్ ఇంటర్వెన్షన్ స్కీమ్ కింద డబ్బులు ఖర్చు పెట్టడం లేదు. పంటలను కొనే పరిస్థితిలో ప్రభుత్వం లేదు. దీంతో రైతులు ఆర్థికంగా నష్టపోతున్నారు. ఖరీఫ్ కు పెట్టుబడులు పెట్టలేరు. దీంతో ఆహర కొరత కూడా సంభవిస్తుంది. పేదలను ఆదుకునేందుకు ఏ విధమైన ఆర్థిక ప్యాకేజీ ప్రకటించలేదు. కరోనా కేసులను దాచిపెడుతున్నారు. ఎన్ని టెస్ట్ లు చేస్తున్నారో చెప్పడం లేదు. ప్రజలకు నిజాలు తెలియనివ్వడం లేదు. ర్యాపిడ్ కేసులు పెరుగుతూ ఉన్నాయి. అధికార పార్టీకి రాజకీయాలే ముఖ్యమన్న ధోరణిలో ఉన్నారు. వైసీపీ నేతలే కరోనాను వ్యాపింపచేస్తున్నారనే అనుమానాలు కలుగుతున్నాయి. తక్షణమే తగిన చర్యలు తీసుకోవాలి.


Popular posts
90 సంవత్సరాలు పూర్తి చేసుకున్న నెల్లూరు జిల్లాలో రెండవసారి మహాత్ముని పర్యటన
Image
*పేకాట స్థావరంపై కలిగిరి సి.ఐ మెరుపు దాడులు* వింజమూరు, అక్టోబర్ 5 (అంతిమ తీర్పు-దయాకర్ రెడ్డి): నెల్లూరుజిల్లా వింజమూరు మండలంలోని నందిగుంట గ్రామ సమీపంలో పేకాట స్థావరంపై సోమవారం సాయంత్రం కలిగిరి సర్కిల్ ఇన్స్ పెక్టర్ శ్రీనివాసరావు స్వయంగా మెరుపు దాడులు నిర్వహించారు. ఈ దాడులలో 35,600 రూపాయల నగదు, 12 ద్విచక్ర వాహనాలు, 11 సెల్ ఫోన్లు స్వాధీనం చేసుకోవడంతో పాటు 10 మంది పేకాట రాయుళ్ళను అదుపులోకి తీసుకున్నారు. ఈ సందర్భంగా సి.ఐ శ్రీనివాసరావు మాట్లాడుతూ కలిగిరి సర్కిల్ పరిధిలోని కలిగిరి, కొండాపురం, వింజమూరు మండలాలలో అసాంఘిక కార్యకలాపాలను ఎట్టి పరిస్థితులలోనూ ఉపేక్షించబోమన్నారు. పేకాట, కోడి పందేలు, అక్రమంగా మద్యం విక్రయాలు, నిషేదిత గుట్కా విక్రయాలపై ఉక్కుపాదం మోపనున్నామని హెచ్చరించారు. ఈ మండలాలలో ఎక్కడైనా సరే ఛట్ట వ్యతిరేక కార్యక్రమాలకు పాల్బడినా, శాంతి భధ్రతలకు విఘాతం కలిగించినా కఠిన చర్యలు తీసుకుంటామన్నారు. శాంతి భధ్రతల పరిరక్షణలో భాగంగా ప్రజలు పోలీసులకు సహకరించాలని కోరారు. అసాంఘిక శక్తుల సమాచారమును ప్రజలు తమకు తెలియపరిచి శాంతి భధ్రతల పరిరక్షణకు దోహదపడాలని సి.ఐ ప్రజలకు పిలుపునిచ్చారు. సమాచారం అందించిన వారి వివరాలను అత్యంత గోప్యంగా ఉంచుతామని తెలియజేశారు. పేకాట శిబిరంపై ఆకస్మికంగా నిర్వహించిన మెరుపు దాడులలో కలిగిరి ఎస్.ఐ వీరేంద్రబాబు, వింజమూరు ఎ.ఎస్.ఐ సాయి ప్రసాద్, వింజమూరు, కలిగిరి పోలీస్ స్టేషన్లకు చెందిన సిబ్బంది పాల్గొన్నారు.
Image
21వ శతాబ్దం మనదే...మోదీ
Image
బాలల దినోత్సవ సందర్భంగా    వాసవి క్లబ్    ఆధ్వర్యంలో.నోట్ బుక్స్ పంపిణీ..
Image
దీప దానం ఎలా చేయాలి* *****, *ఎప్పుడు చేయాలి*