ప్రజల్లో తీవ్ర భయం, ఆందోళన కలిగించరాదు...: ముఖ్యమంత్రి

*26–04–2020*
*అమరావతి*


*సీఎం శ్రీ వైయస్‌.జగన్‌కు కేంద్ర హోంమంత్రి అమిత్‌షా ఫోన్‌


*గుజరాత్‌లో చిక్కుకుపోయిన తెలుగు మత్స్యకారులను రప్పించడంపై కేంద్రమంత్రి నిర్మలాసీతారామన్‌తో చర్చ.


*పొగాకు కొనుగోలుకు సీఎం ఆదేశం*


*కోవిడ్‌–19 నుంచి కోలుకుని డిశ్చార్జి అయిన వారందరికీ కూడా రూ.2వేలు*


*ప్రజారోగ్య రంగంలో పూర్తి మౌలిక సదుపాయాలు*


*కోవిడ్‌–19 నివారణపై సీఎం సమీక్షా సమావేశం:*


అమరావతి: 
– కోవిడ్‌ – 19 నివారణా చర్యలపై తన నివాసంలో
సీఎం శ్రీ వైయస్‌.జగన్‌ సమీక్ష
– వైద్య ఆరోగ్యశాఖ స్పెషల్‌ చీఫ్‌ సెక్రటరీ జవహర్‌ రెడ్డి సహా పలువురు ఉన్నతాధికారులు హాజరు


*సీఎం శ్రీ వైయస్‌.జగన్‌కు కేంద్ర హోంమంత్రి అమిత్‌షా ఫోన్‌*


– కేంద్ర హోంమంత్రి అమిత్‌షా తనకు ఫోన్‌చేసిన విషయాన్ని అధికారులకు తెలియజేసిన సీఎం.
– ఏప్రిల్‌ 20 నుంచి ఇచ్చిన సడలింపులు, వాటి అమలుపై చర్చ.
– లాక్‌డౌన్‌ పరిణామాలు, దీనితర్వాత అనుసరించిన వ్యూహాలపై చర్చ.
– రాష్ట్రంలో తీసుకుంటున్న చర్యలను వివరించిన సీఎం శ్రీ వైయస్‌.జగన్‌
– రాష్ట్రంలో విస్తృతంగా పరీక్షలు నిర్వహిస్తున్నామని వెల్లడించిన సీఎం.
– ప్రతి మిలియన్‌ జనాభాకు 1274 చొప్పునఅత్యధిక పరీక్షలు నిర్వహించిన రాష్ట్రంగా ప్రథమ స్థానంలో ఉన్నామన్న సీఎం


*గుజరాత్‌లో చిక్కుకుపోయిన తెలుగు మత్స్యకారులను రప్పించడంపై చర్చ*


– గుజరాత్‌లో చిక్కుకుపోయిన తెలుగు మత్స్యకారులను తెప్పించడంపై ఇప్పటికే తాను కేంద్ర ఆర్థిక శాఖ మంత్రి, కోవిడ్‌–19 నివారణా చర్యలకోసం రాష్ట్రానికి కేంద్రం తరఫున నోడల్‌ మినిస్టర్‌గా వ్యవహరిస్తున్న నిర్మలా సీతారామన్‌తో ఫోన్‌లో మాట్లాడానన్న సీఎం. 
– రాష్ట్ర ప్రభుత్వం తరఫున సీనియర్‌ అధికారి సతీష్‌ చంద్ర చూసుకుంటారంటూ తాను కేంద్ర మంత్రికి తెలియజేశానని, ఆమేరకు ఆమె∙కార్యాలయం నుంచి కూడా ఒక అధికారిని అప్పగించారని తెలిపిన సీఎం. 
– ఇద్దరి మధ్య సమన్వయం కుదిర్చి.. తెలుగు మత్స్యకారులను గుజరాత్‌ నుంచి ఏపీకి తీసుకు వచ్చేందుకు తగిన ప్రయత్నాలు చేస్తానంటూ నిర్మలా సీతారామన్‌ చెప్పారన్న ముఖ్యమంత్రి. 
– సముద్రమార్గం ద్వారా తీసుకురావడానికి ప్రయాణికుల నౌకకు కేంద్ర హోంమంత్రిత్వ శాఖనుంచి, సంబంధిత విభాగాలనుంచి అనుమతులు రావాల్సిన అవసరం ఉందని, దీనికి చాలా సమయం పడుతుందని అధికారులు నివేదించిన నేపథ్యంలో ఈ ప్రయత్నాలు చేసినట్టు తెలిపిన సీఎం


*పొగాకు కొనుగోలుకు సీఎం ఆదేశం*


– రైతులు నష్టపోకుండా వెంటనే పొగాకును కొనుగోలు చేయాలని సీఎం ఆదేశం.
– ప్రకాశం జిల్లాల్లో పొగాకు కొనుగోలు కేంద్రాలు రెడ్‌జోన్లలో ఉన్నందున 
టంగుటూరు, కొండెపిల్లో ప్రత్యామ్నాయ వేలంపాట కేంద్రాల ఏర్పాటుకు నిర్ణయం.
– అలాగే పశ్చిమగోదావరి  జిల్లా జంగారెడ్డిగూడెంలో కూడా పొగాకు కొనుగోలు కోసం వేలంపాట కేంద్రాలు నిర్వహించాలని ఆదేశం. 
– రేపటినుంచి వేలపాటలు నిర్వహించాలని సంబంధిత అధికారులకు ఆదేశాలిచ్చిన ముఖ్యమంత్రి. 
– స్వయంగా పర్యవేక్షించాలని ప్రకాశం, ప.గో. జిల్లాల కలెక్టర్లకు సీఎం ఆదేశాలు. 


*కోవిడ్‌–19 నుంచి కోలుకుని డిశ్చార్జి అయిన వారందరికీ కూడా రూ.2వేలరూపాయలు*


– రాష్ట్రవ్యాప్తంగా 231 మంది కోవిడ్‌ నుంచి కోలుకుని ఆరోగ్యంతో ఇళ్లకు వెళ్లారని తెలిపిన అధికారులు 
– వీరందరికీ రూ.2వేల రూపాయలు చొప్పున అందించాలని సీఎం ఆదేశం
ఇప్పటికే కొంతమందికి అందించామని, మిగిలిన వారికి కూడా అందిస్తామని తెలిపిన అధికారులు.
– రాష్ట్రవ్యాప్తంగా కేసుల వివరాలను సీఎంకు వివరించిన అధికారులు.
– విజయవాడలో కేవలం ఇద్దరు వ్యక్తుల కారణంగా కృష్ణలంకలోని ఒక వీధిలో, కార్మికనగర్‌లోని ఒక వీధిలో కేసులు వచ్చాయని తెలిపిన అధికారులు.
– అలాగే పశ్చిమగోదావరిలో కూడా ఢిల్లీనుంచి వచ్చిన వ్యక్తి కారణంగా వ్యాపించిందని తెలిపిన అధికారులు.
– టెస్టులు సంతృప్తికర స్థాయిలో నిర్వహించి దేశంలోనే మొదటి స్థానంలో ఉన్నామని తెలిపిన అధికారులు.
– దీనివల్ల రాష్ట్రంలో వైరస్‌ పరిస్థితి ఏంటి? ఏరకంగా ప్రభావం చూపుతోంది? హైరిస్క్‌ ఉన్నవారిపై వైరస్‌ చూపించే ప్రభావం తదితర అంశాలను తెలుసుకునేందుకు విస్తృతంగా నిర్వహించిన పరీక్షలు చాలా ఉపయోగపడుతున్నాయని వెల్లడించిన అధికారులు. 
– లాక్‌డౌన్‌ అనంతరం తీసుకునే నిర్ణయాలు, ఆతర్వాత పరిణామాల్లో భాగంగా ఎలాంటి వైద్య పరంగా ఎలాంటి వ్యూహాలను అనుసరించాలన్నదానికి ఈ అధ్యయనం, విశ్లేషణలు తోడ్పాటునందిస్తాయని తెలిపిన అధికారులు


*ప్రజల్లో తీవ్ర భయం, ఆందోళన కలిగించరాదు...*


– కరోనా వైరస్‌పై వివిధ ప్రసారమాధ్యమాలు ప్రజల్లో కలిగించిన తీవ్ర ఆందోళన వల్ల సామాజికంగా చోటుచేసుకున్న విపరిణామాలపై సమావేశంలో చర్చ. 
– వైరస్‌ బారిన పడకుండా తీసుకోవాల్సిన జాగ్రత్తలు, సలహాలు, సూచనలు స్థానంలో... ప్రజల్లో తీవ్ర భయాందోళనలు, లేనిపోని అపోహలను కలిగించడంపై విచారం వ్యక్తంచేసిన అధికారులు.
– కరోనా నుంచి కోలుకుని సంపూర్ణ ఆరోగ్యంతో తిరిగి ఇంటికి వెళ్లినా స్థానికులు అడ్డుకోవడం, చివరకు అది ఉద్రిక్తతకు దారితీసిన ఒకటిరెండు ఘటనలను కూడా సమావేశంలో వివరించిన అధికారులు. 
– ఆత్మీయత, మానవత్వం పోయి వివక్ష, విద్వేషం, తక్కువగా చూడ్డం లాంటి భావనలు తలెత్తేలా అక్కడక్కడా చోటుచేసుకున్న పరిణామాలను సీఎం దృష్టికి తీసుకు వచ్చిన అధికారులు. 
– కొన్ని మీడియా సంస్థలు విపరీత పోకడ, తీవ్ర ఆందోళన కలిగించేలా ప్రచారం చేస్తుండడం దీనికి కారణమని సమావేశంలో ప్రస్తావించిన వైద్య నిపుణులు. 
– ప్రజల్లో తీవ్ర ఆందోళన బదులు ధైర్యం, భరోసా, స్థైర్యం, అవగాహన, జాగ్రత్తలు పాటించేలా, చైతన్యం కలిగించేలా మరిన్ని అడుగులు ముందుకేయాలని సీఎం ఆదేశం. 


*ప్రజారోగ్య రంగంలో ముమ్మరంగా మౌలిక సదుపాయాలు:*


– కోవిడ్‌ –19 లాంటి విపత్తను ఎదుర్కోవాలంటే ఆరోగ్యం రంగంలో మౌలికసదుపాయాల కల్పన ముమ్మరంగా సాగాలని స్పష్టంచేసిన సీఎం.
– నాడు – నేడు కింద ప్రతిపాదించిన పనులన్నీ పూర్తిచేయాలని స్పష్టంచేసిన సీఎం.
– కోవిడ్‌ –19లాంటి విపత్తులను ఎదుర్కోవాలంటే మౌలిక ఆరోగ్య రంగంలో మౌలికసదుపాయాల కల్పన చాలా అత్యవసరమని, దానిద్వారానే వివిధ రోగాలనుంచి ప్రజల ప్రాణాలు నిలుపుకోగలమన్న ముఖ్యమంత్రి. 
– కోవిడ్‌–19 యేతర ఎమర్జెన్సీ కేసులపైనా దృష్టిపెట్టాలన్న సీఎం. అత్యవసర సేవలకు ఎట్టి పరిస్థితుల్లోనూ భంగం కలగకూడదన్న సీఎం. 
– ప్రణాళిక ప్రకారం ఖాళీగా ఉన్న డాక్టర్లు, నర్సుల పోస్టులు భర్తీచేయాలన్న సీఎం. దీనికి సిద్ధమవుతున్నామన్న అధికారులు. 


*మాస్క్‌ల పంపిణీపైనా ఆరా*


– మాస్క్‌లు ధరించడం, పరిశుభ్రమైన వస్త్రాన్ని కప్పుకోవడం లాంటి చర్యలు మేలుచేస్తాయని సమావేశంలో సూచించిన వైద్య నిపుణులు
– రాష్ట్రంలో ప్రతి మనిషికీ మూడు మాస్కుల చొప్పున పంపిణి పై ఆరాతీసిన సీఎం– ఇప్పటికే 1.3 కోట్లకుపైగా మాస్క్‌లను రెడ్‌ క్లస్టర్లలో పంపిణీచేశామన్న అధికారులు.
– రోజుకు 40 లక్షల చొప్పున మాస్క్‌లు తయారు చేస్తున్నామని, అత్యంత వేగంగా పంపిణి కార్యక్రమం జరుగుతోందని వెల్లడించిన అధికారులు.
- డ్వాక్రా సంఘాలుకు ఇవ్వడంవల్ల వారికి కష్టకాలలో ఉపాధికూడా కలిగిందని. మాస్క్ ల తయారీ, పంపిణీ ప్రక్రియను వేగవంతం చేయాలన్న సీఎం.


Popular posts
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image
ప్రఖ్యాత చిత్రకారుడు రాజా రవివర్మ నేడు 172 వ జయంతి.
Image
శాసన రాజధాని కుడా అమరావతిలో లేకుండా చేస్తాను అని వ్యాఖ్యలు చేసిన మంత్రి కొడాలినాని అమరావతి గురించి మాట్లాడేటప్పుడు ఆలోచించి మాట్లాడండి అమరావతి 5 కోట్ల ఆంధ్రుల బావిషత్తు "కొడాలి నాని గారికి బుద్ధి రావాలని" ఉద్దండ్రాయునిపాలెంలో నాని గారి దిష్టిబొమ్మని పాడికట్టి శవ యాత్ర చేశారు..
Image
తెలుగు భాషను కాపాడుకోవడం మనందరి కర్తవ్యం
ఏప్రిల్11-04-2020-మహాత్మా ఫూలే 193 వ జయంతి కార్యక్రమం సందర్భంగా,
Image