వింజమూరు సోడియం హైపోక్లోరైడ్ పిచికారీ

వింజమూరు సోడియం హైపోక్లోరైడ్ పిచికారీ


వింజమూరు, ఏప్రిల్ 29 (అంతిమ తీర్పు-దయాకర్ రెడ్డి): వింజమూరులోని పలు ప్రాంతాలలో బుధవారం నాడు ట్రాక్టర్ల ద్వారా సోడియం హైపోక్లోరైడ్ ద్రావణమును పారిశుద్ధ్య సిబ్బంది పిచికారీ చేశారు. ఈ సందర్భంగా గ్రామ పంచాయితీ కార్యదర్శి శ్రీనివాసులురెడ్డి మాట్లాడుతూ ప్రస్తుత కరోనా వైరస్ నేపధ్యంలో మేజర్ పంచాయితీ అయిన వింజమూరులో పారిశుద్ధ్య పనులను రెట్టింపు స్థాయిలో చేయిస్తున్నామన్నారు. ప్రతినిత్యం 30 మంది పారిశుద్ధ్య కార్మికులు విధులలో ఉంటూ డ్రైనేజీ కాలువలు శుభ్రం చేయడం, బ్లీచింగ్ చల్లించడం లాంటి పనులు చేపడుతున్నారన్నారు. తాజాగా అంటు వ్యాధుల నిర్మూలనలో భాగంగా హైపోక్లోరైడ్ ద్రావణమును పంచాయితీ పరిధిలోని అన్ని ప్రాంతాలలో స్ప్రే చేయిస్తున్నామన్నారు. ప్రజలందరూ కూడా పరిసరాలను పరిశుభ్రంగా ఉంచుకోవడంతో పాటు వ్యక్తిగత పరిశుభ్రతను కూడా పాటించాలని శ్రీనివాసులురెడ్డి కోరారు. కరోనా వైరస్ నియంత్రణ చర్యలలో భాగంగా ఎప్పటికప్పుడు చేతులను సబ్బులు, శానిటైజర్లతో శుభ్రంగా ఉంచుకుని విధిగా మాస్కులను ధరించాలని విజ్ఞప్తి చేశారు.


Popular posts
*వింజమూరు ప్రజలు జాగ్రత్తలు వహించండి* డాక్టర్ రమేష్.... వింజమూరు, సెప్టెంబర్ 22 (అంతిమ తీర్పు- దయాకర్ రెడ్డి): వింజమూరు మండలంలోని ప్రజలు కరోనా వైరస్ మహమ్మారి పట్ల తగు జాగ్రత్తలు వహించాలని కమ్యూనిటీ హెల్త్ సెంటర్ వైధ్యాధికారి డాక్టర్ రమేష్ కోరారు. ఇప్పటివరకు మండలంలో 500లకు పైగా కరోనా పాజిటివ్ కేసులు నమోదు కావడం జరిగిందన్నారు. అయితే అదే స్థాయిలో బాధితులు కోలుకుంటుండటం సంతోషకరమైన విషయమన్నారు. కరోనా వైరస్ ప్రపంచ వ్యాప్తంగా విస్తరించిన విషయం అందరికీ తెలిసిందేనన్నారు. ఈ వైరస్ పట్ల అవగాహనా రాహిత్యం, నిర్లక్ష్యంగా వ్యవహరించడం శ్రేయస్కరం కాదన్నారు. కరోనా నుండి ప్రజలను కాపాడేందుకు ప్రభుత్వం, వైద్య ఆరోగ్యశాఖలు ఎంతగానో కృషి చేస్తున్నాయన్నారు. అయితే ప్రభుత్వ సూచనలను పెడచెవిన పెట్టడం వలన వైరస్ ప్రబలేందుకు పరోక్షంగా దోహదపడుతున్నామన్నారు. కనీస జాగ్రత్తలు పాటించిన పక్షంలో కరోనాను అంతమొందించడం పెద్ద కష్టమేమీ కాదన్నారు. ప్రతి నిత్యం వేడి వేడి ఆహార పదార్ధాలను భుజించడం, దాహం వేసినప్పుడు గోరువెచ్చని నీటిని సేవించడం, యోగా, ముఖానికి మాస్కులు ధరించడం, భౌతికదూరం పాటించడం వంటి సూచనలను ప్రతి ఒక్కరూ విధిగా అలవాటు చేసుకోవాలన్నారు. వైరస్ సోకిన వారు ఆందోళన చెందాల్సిన అవసరం లేదని రమేష్ తెలిపారు. జలుబు, దగ్గు, జ్వరం వంటి లక్షణాలు కనిపిస్తే వెంటనే వైద్యులను సంప్రదించాలని కోరారు.
Image
ఆ నేరస్తుడిని కఠినంగా శిక్షించాలి : సీఎం జగన్‌
16 న చిన్న, మధ్యతరహా పత్రికల రాష్ట్ర మహాసభ : మల్లెల      
చెన్నకేశవ స్వామి ఆలయ ఈవో నారాయణ రెడ్డి మృతి పట్ల మంత్రి సంతాపం
కరోనా నియంత్రణకు దక్కన్ టూబాకో కంపెనీ  గ్రూప్
Image