ముందస్తు జాగ్రత్త చర్యలను పకడ్బందీగా అమలు చేయాలని జిల్లా కలెక్టర్ ఐ శామ్యూల్ ఆనంద్ కుమార్ అధికారులను ఆదేశించారు


గుంటూరు, ఏప్రిల్ 27-2020:- నరసరావుపేటలో పాజిటివ్ కేసులు పెరుగుతున్న నేపధ్యంలో కరోనా వైరస్ వ్యాప్తిని అరికట్టేందుకు ముందస్తు జాగ్రత్త చర్యలను పకడ్బందీగా అమలు చేయాలని జిల్లా కలెక్టర్ ఐ శామ్యూల్ ఆనంద్ కుమార్ అధికారులను ఆదేశించారు. 


     సోమవారం నరసరావుపేటలోని మునిసిపల్ గెస్ట్ హౌస్ లో జిల్లా కలెక్టర్ ఐ శామ్యూల్ ఆనంద్ కుమార్, కోవిడ్-19 జిల్లా ప్రత్యేక అధికారి రాజ శేఖర్, రాష్ట్ర ప్రభుత్వ వైద్య ఆరోగ్య శాఖ సలహాదారు డా. కమల్ రాజ్, గుంటూరు రూరల్ జిల్లా ఎస్పీ విజయారావులతో కలసి కోవిడ్ విధులు నిర్వహిస్తున్న వైద్య ఆరోగ్య శాఖ, మునిసిపల్, పోలీసు, రెవిన్యూ శాఖల అధికారులతో సమీక్షా సమావేశం నిర్వహించారు. ఈ సందర్భంగా జిల్లా కలెక్టర్ మాట్లాడుతూ, ప్రజారోగ్యం భద్రత, ప్రజా సంరక్షణ కోసం కరోనా వైరస్ ను అదుపు చేసేందుకు అధికారులందరూ సమన్వయంతో పని చేయాలన్నారు.  డిజాస్టర్ మేనేజ్మెంట్ యాక్టు ప్రకారం క్వారంటైన్ ఐసోలేషన్ కేంద్రాల ఏర్పాటుకు అనువుగా వున్న భవనాలు, హోటల్స్ ను వెంటనే స్వాధీనం చేసుకోవాలన్నారు.  కంటైన్మేంట్ క్లస్టర్ కు రాకపోకల కోసం ఒక మార్గాన్నే ఏర్పాటు చేయాలని, మిగతా మార్గాలన్ని  మూసి వేసి బందోబస్తు ఏర్పాటు చేయాలన్నారు.  నిత్యావసర సరుకుల కొనుగోలుకు మినహాయించిన సమయం, మెడికల్  ఎమర్జెన్సీ తప్ప ప్రజల రాకపోకలను పూర్తిగా నిలిపి వేయాలన్నారు. రెడ్ జోన్ లో వున్న వారికి ఇంటి ముందుకే నిత్యావసర సరుకులు పంపిణి చేసేలా చర్యలు తీసుకోవాలన్నారు. కంటైన్మేంట్ క్లస్టర్  వద్ద ఏర్పాటు చేసిన కంట్రోలు రూము వద్ద హెల్ప్ లైన్ ఏర్పాటు చేసి, ఆ నంబరును ఆ ప్రాంతంలో విస్తృతంగా ప్రచారం కల్పించాలన్నారు.   కంటైన్మేంట్ క్లస్టర్, రెడ్ జోన్ల వారు హెల్ప్ లైన్ కు ఫోన్ చేసి అవసరమైన మందులను తెప్పించుకునే వీలు కల్పించాలన్నారు.  అత్యవసర సేవలలో పాల్గొనే వారికి కోవిడ్ పాసులు అందించాలన్నారు.  బహిరంగ ప్రదేశాలకు వచ్చినప్పుడు ప్రతి ఒక్కరు మాస్కులు ధరించేలా చర్యలు తీసుకోవాలన్నారు. కోవిడ్ కట్టడి విధులలో పని చేస్తున్న ఉద్యోగులు, పారిశుధ్య కార్మికులు సైతం గ్లౌజులు, మాస్కులు ధరించి సురక్షిత పద్దతులు పాటించి విధులు నిర్వహించాలన్నారు.   రెడ్ జోన్లలో సర్వేలెన్స్ టీము నిర్వహిస్తున్న సర్వే వివరాలను ఎప్పటికప్పుడు అధికారులను అందించాలన్నారు. కంటైన్మేంట్ క్లస్టర్లలో మృతి చెందిన వ్యక్తుల శాంపిల్స్ తప్పని సరిగా పరీక్షించాల్సి ఉందన్నారు. ఆ మేరకు పాజిటివ్ కేసుగా తేలితే ప్రైమరీ, సెకండరీ కంటాక్స్ ను గుర్తించాల్సి వుందన్నారు. నరసరావుపేటలోని కంటైన్మేంట్ క్లస్టర్లను పర్యవేక్షించేందుకు తప్పని సరిగా కమాండ్ కంట్రోలు రూమును ఏర్పాటు చేయాలన్నారు. కరోనా వైరస్ వ్యాప్తిని పూర్తి స్థాయిలో తెలుసుకునేందుకు సబ్  కలెక్టర్ ఆధ్వర్యంలో 22 టీములను ఏర్పాటుకు చర్యలు తీసుకోవాలన్నారు.  ప్రతి టీములో నలుగురు అధికారులుంటారన్నారు.  జిల్లాలో కరోనా వైరస్ వ్యాప్తిని నిర్మూలించేందుకు అధికారులు, ఉద్యోగులు, సిబ్బంది అంకిత భావంతో  పని చేయాలన్నారు.  


     


     కోవిడ్ -19 జిల్లా ప్రత్యేక అధికారి రాజ శేఖర్ మాట్లాడుతూ, జిల్లా కలెక్టర్ జారీ చేస్తున్న ఆదేశాలను తూ.చా తప్పకుండా క్షేత్ర స్థాయిలో అమలు పరచి వైరస్ వ్యాప్తిని అరికట్టాలన్నారు. భౌతిక దూరం పాటించడం, మాస్కులు తప్పని సరిగా  ధరించడం, శానిటేషన్ పక్కాగా అమలు చేసి వైరస్ వ్యాప్తిని అరికట్టండంలో కృషి చేయాలన్నారు. 


     రాష్ట్ర ప్రభుత్వ వైద్య ఆరోగ్య శాఖ సలహాదారు డా. కమల్ రాజ్ మాట్లాడుతూ, కరోనా వైరస్ విపత్కర పరిస్థితులలో ఉద్యోగులందరూ బాధ్యతగా సమన్వయంతో పని చేసి కోవిడ్ -19 వ్యాప్తిని అరికట్టాలన్నారు. 
 
    గుంటూరు రూరల్ జిల్లా ఎస్పీ విజయారావు మాట్లాడుతూ, పోలీసులు నిరంతరం అప్రమత్తంగా వుండి  లాక్ డౌన్ ను కఠినంగా అమలు చేయాలన్నారు. అనవసరంగా రహదారుల మీదకు వచ్చే వారిపై కేసులు నమోదు చేసి చర్యలు తీసుకోవాలన్నారు.


     సమావేశంలో సంయుక్త కలెక్టర్ ఎ. ఎస్.దినేష్ కుమార్, తెనాలి సబ్ కలెక్టర్ దినేష్ కుమార్,  ట్రైనీ కలెక్టర్ మౌర్య నారాపు రెడ్డి, నరసరావుపేట రెవిన్యూ డివిజనల్ అధికారి వెంకటేశ్వర్లు, మునిసిపల్, రెవిన్యూ, పోలీసు శాఖ అధికారులు తదితరులు పాల్గొన్నారు. 
గుంుు


Popular posts
*కరోనాను జయించిన వింజమూరు ఎస్.ఐ బాజిరెడ్డి* వింజమూరు, అక్టోబర్ 14 (అంతిమ తీర్పు- దయాకర్ రెడ్డి): వింజమూరు ఎస్.ఐ ఏ.బాజిరెడ్డి కరోనాను జయించి బుధవారం నాడు స్థానిక పోలీస్ స్టేషన్ లో విధులకు హాజరయ్యారు. ఈ సందర్భంగా కలిగిరి సి.ఐ శ్రీనివాసరావు ఎస్.ఐ బాజిరెడ్డికి ఘన స్వాగతం పలికారు. పూలమాలలు వేసి అభినందించారు. ఈ సందర్భంగా సి.ఐ శ్రీనివాసరావు మాట్లాడుతూ కరోనా కాలంలో పోలీసులు ప్రజలను కాపాడేందుకు చేసిన కృషి అందరికీ తెలిసిందేనన్నారు. పగలనక రేయనక ప్రజలను అప్రమత్తం చేసిన విషయం జగమెరిగిన సత్యమన్నారు. ఈ కరోనా యుద్ధంలో పలువురు పోలీసులు సైతం కరోనా బారిన పడటం జరిగిందన్నారు. అయితే మనోధైర్యం, గుండె నిబ్బరంతో కరోనాతో పోరాడి విజేతలుగా నిలవడం గర్వించదగిన విషయమన్నారు. ఎస్.ఐ బాజిరెడ్డి మాట్లాడుతూ వింజమూరు మండల ప్రజల ఆదరాభిమానాలు తనకు శ్రీరామరక్షగా నిలిచాయన్నారు. కరోనా మహమ్మారిని ఎవరూ కూడా తక్కువ అంచనా వేయరాదన్నాను. అప్రమత్తంగా ఉంటూ తగు జాగ్రత్తలు తీసుకోవాలని మండల ప్రజలకు విజ్ఞప్తి చేశారు. ఈ సన్మాన కార్యక్రమంలో ఏ.ఎస్.ఐ సాయిప్రసాద్, హెడ్ కానిస్టేబుళ్ళు బాబూరావు, జిలానీభాషా, పోలీసు సిబ్బంది పాల్గొన్నారు.
Image
*అనుమానాస్పద స్థితిలో యువకుని మృతదేహం లభ్యం...* వింజమూరు,అక్టోబర్ 20 (అంతిమ తీర్పు- దయాకర్ రెడ్డి): నెల్లూరు జిల్లా వింజమూరులో నూతన ప్రభుత్వ వైద్యశాల సమీపంలోని ముళ్లపొదల్లో వింజమూరు మండలం కాటేపల్లి గ్రామానికి చెందిన జోకా. హరిప్రసాద్ అనే యువకుని మృతదేహాన్ని గుర్తించినట్టు ఎస్సై ఏ బాజిరెడ్డి తెలిపారు. మృతుని సమాచారం తెలుసుకున్న పోలీసులు సంఘటనా స్థలానికి వెళ్లి మృతదేహాన్ని పరిశీలించి వివరాల కోసం దర్యాప్తు చేపట్టారు. సదరు వ్యక్తి కూలి పనిచేసుకునే వ్యక్తి అని భార్యతో కలిసి జీవిస్తున్నాడని తెలిపారు. మృతుడు సోమవారం రాత్రి మృతి చెంది ఉంటాడని అనుమానం వ్యక్తం చేస్తున్నారు. మంగళవారం సాయంత్రం పశువుల కాపరి అటుగా వెళ్లి మృతదేహాన్ని గమనించి సమాచారాన్ని పోలీసులు తెలియజేశారని సమాచారం మేరకు పోలీసులు కేసు నమోదు చేసి దర్యాప్తు చేస్తున్నామని, మరణానికి గల కారణాలు తెలియాల్సి ఉందని యస్ ఐ బాజిరెడ్డి తెలిపారు.
Image
*ఉపాధి పనుల్లో కొండంత అవినీతిని గోరంతగా ప్రజావేదికలో తేల్చిన అధికారులు* ఉదయగిరి, అక్టోబర్ 20 (అంతిమ తీర్పు - ఇంచార్జ్ దయాకర్ రెడ్డి): గ్రామీణ ప్రాంతాల్లో వలసల నివారణకు కేంద్ర ప్రభుత్వం ప్రతిష్టాత్మకంగా ప్రవేశపెట్టిన గ్రామీణ ఉపాధి హామీ పథకం అధికారులకు కాసుల వర్షం కురిపించే కల్పతరువుగా రంగా మారింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం లో 2017,2018,2019 సంవత్సరం నుంచి ఇప్పటివరకు జరిగిన 24.88 కోట్ల రూపాయలు పనులలో 7.69 లక్షలు రూపాయలు అవినీతి జరిగినట్లు సామాజిక తనిఖీ లో అధికారులు నిగ్గు తేల్చారు. దాదాపు 5 కోట్ల రూపాయలు అవినీతి జరిగిందని ప్రజలు గుసగుసలు వినిపిస్తున్నాయి.అంతే కాకుండా గ్రామాలలో లేని వారి పేర్లు ఫీల్డ్ అసిస్టెంట్ లు మస్టర్లలో వేసుకొని పెద్ద ఎత్తున ఉపాధి అధికారులు మండల స్థాయి అధికారులు అవినీతికి పాల్పడినట్లు తెలుస్తున్న అధికార పార్టీ నాయకులను లోబర్చుకుని పెద్ద ఎత్తున అవినీతికి పాల్పడిన సామాజిక తనిఖీ ఆడిట్లో అవినీతి బయట పడకుండా పెద్ద ఎత్తున నగదు చేతులు మారినట్లు ప్రజలు అనుకుంటున్నారు. ప్రభుత్వ ధనాన్ని దుర్వినియోగం చేసిన సంబంధిత మండల ఉపాధి అధికారులు మండల స్థాయిఅధికారులపై చర్యలు తీసుకోవాల్సిన అవసరం ఎంతైనా ఉందని వరికుంటపాడు ప్రాంత ప్రజలు కోరుతున్నారు.
Image
*అక్రమ మద్యం విక్రయాలపై ఎస్.ఐ బాజిరెడ్డి డేగకన్ను* ఒకరి అరెస్ట్, 9 మద్యం బాటిళ్ళు స్వాధీనం... వింజమూరు, అక్టోబర్ 17 (అంతిమ తీర్పు- దయాకర్ రెడ్డి): వింజమూరు మండలంలో అక్రమ మద్యం విక్రయదారులకు ఎస్.ఐ బాజిరెడ్డి సిం హస్వప్నంలా మారారు. తాజాగా శనివారం నాడు మండలంలోని తమిదపాడు గ్రామంలో అక్రమంగా మద్యం విక్రయాలు సాగిస్తున్న చీల్ల.తిరిపాలు అనే వ్యక్తిని అదుపులోకి తీసుకుని అతని వద్ద నుండి 9 మద్యం బాటిళ్ళను స్వాధీనం చేసుకున్నారు. నిందితునిపై కేసు నమోదు చేసి ఉదయగిరి కోర్టులో హాజరు పరచగా 14 రోజులు రిమాండ్ విధించినట్లు ఎస్.ఐ బాజిరెడ్డి పేర్కొన్నారు. ఇదిలా ఉండగా శుక్రవారం నాడు చాకలికొండ గ్రామంలో ఇతర రాష్ట్రాలకు చెందిన 61 మద్యం బాటిళ్ళను స్వాధీనం చేసుకుని అక్రమంగా విక్రయిస్తున్న బోడేపూడి.నాగేశ్వరరావు అనే వ్యక్తిని అరెస్ట్ చేసిన విషయం తెలిసిందే. మండలంలో అక్రమ మద్యం విక్రయాలపై పూర్తి నిఘా ఉంచిన పోలీసులు ఎలాంటి రాజకీయ ఒత్తిళ్ళకు తలొగ్గక అక్రమార్కుల భరతం పడుతుండటం పట్ల స్థానిక ప్రజలు హర్షం వ్యక్తం చేస్తున్నారు. ఈ సందర్భంగా ఎస్.ఐ బాజిరెడ్డి మాట్లాడుతూ పల్లె సీమల్లో ప్రశాంతకు భంగం కలిగించే ఎలాంటి అసాంఘిక కార్యకలాపాలను కూకటి వేళ్ళతో సహా పెకలించి వేస్తామన్నారు. పేకాట, కోడి పందేలు, నిషేదిత గుట్కా విక్రయాలపై తన మొబైల్ నెంబర్ 9440796375 కు సమాచారం అందించాలని మండల ప్రజలకు విజ్ఞప్తి చేశారు. వివరాలు అందించిన వారి పేర్లును అత్యంత గోప్యంగా ఉంచుతామన్నారు. మండలంలో శాంతి భద్రతల పరిరక్షణలో భాగంగా ప్రజలందరూ కూడా పోలీసులకు సహకరించాలని కోరారు.
Image
*మరుగుదొడ్ల నిర్మాణాలపై అధికారుల విచారణ* వింజమూరు, జూలై 14 (అంతిమ తీర్పు-దయాకర్ రెడ్డి): వింజమూరు మండలంలో గతంలో జరిగిన వ్యక్తిగత మరుగుదొడ్లు నిర్మాణాలకు సంబంధించి అధికారులు లోతుగా విచారణ సాగిస్తున్నారు. డ్వామా కార్యాలయం నుండి మరుగుదొడ్లు నిర్మాణాలు చేపట్టేందుకు ముందస్తుగా 13 లక్షలా 95 వేల రూపాయల నిధులను విడుదల చేసియున్నారు. వాటిని కొంతమంది నేచురల్ లీడర్లు నిర్మాణ పనులను చేజిక్కించుకున్నారు. వారిలో కొంతమంది నాసిరకంగా మరుగుదొడ్లును నిర్మించగా మరికొంత మంది అసలు నిర్మాణాలు చేపట్టకుండానే ఆ నిధులను దుర్వినియోగం చేశారనే ఆరోపణలు, ఫిర్యాధులు అందుకున్న జిల్లా ఉన్నతాధికారులు స్పష్టమైన ఆదేశాలు జారీ చేశారు. ఈ మేరకు మండల పరిషత్ అభివృద్ధి అధికారిణి కనకదుర్గా భవానీ ఉన్నతాధికారుల సూచనల మేరకు స్వయంగా రంగంలోకి దిగి లోతుగా విచారణ జరుపుతున్నారు. ఈ పరిణామంతో అటు బదిలీపై వెళ్ళిన అధికారులు, ఇటు నేచురల్ లీడర్లులో గుబులు మొదలైంది. అందుకు సంబంధించి పలువురికి నోటీసులు కూడా జారీ చేశారు. దుర్వినియోగం కాబడిన నిధులను యుద్ధ ప్రాతిపదికన రికవరీ చేసి ప్రభుత్వ ఖజానాకు జమ చేసే దిశగా యం.పి.డి.ఓ కనకదుర్గా భవానీ చర్యలు చేపడుతున్నారు. ఈ విషయాలు తెలుసుకున్న పలువురు యం.పి.డి.ఓ తీరును ప్రశంసిస్తున్నారు.
Image