దివంగత కె.చంద్రమౌళి కి వైఎస్ఆర్ సిపి ఎంపిల నివాళి


అమరావతి
18.4.2020


దివంగత కె.చంద్రమౌళి కి వైఎస్ఆర్ సిపి ఎంపిల నివాళి


వైయస్ఆర్ సీపీ నాయకుడు, రిటైర్డ్ ఐఏఎస్ అధికారి కే.చంద్రమౌళి పార్థివ కాయాన్ని వై ఎస్ ఆర్ సి పి రాజంపేట, చిత్తూరు పార్లమెంటు సభ్యులు పెద్దిరెడ్డి మిథున్ రెడ్డి, రెడ్డప్పలు సందర్శించారు. మృతదేహం వద్ద పూలమాలలు సమర్పించి నివాళులు అర్పించారు. హైదరాబాదులోని చంద్రమౌళి నివాసంకు వెళ్లిన ఎంపిలు ఆయన కుటుంబ సభ్యులను పరామర్శించారు. చిత్తూరు జిల్లా కుప్పం వైఎస్ఆర్ సీపీ అభ్యర్థిగా పోటీ చేసి చేసిన కే. చంద్రమౌళి బీసీ సామాజికవర్గానికి చెందిన నాయకుడిగా, బలహీన వర్గాల ప్రజలకు ఎంతో సేవ చేశారని ఈ సందర్భంగా వారు కొనియాడారు. సివిల్ సర్వెంట్ గా పలు జిల్లాల్లో పనిచేసిన సందర్భంలోనూ కే. చంద్రమౌళి ప్రభుత్వ పథకాలను నిరుపేదలకు చేరువ చేయడంలో అత్యంత ప్రాధాన్యత ఇచ్చారని గుర్తు చేశారు. ఐఏఎస్ అధికారిగా అటు ప్రభుత్వంలో కీలక పదవుల్లో కొనసాగుతూ అనునిత్యం ప్రజలకు సేవ చేయాలనే తపనతోనే ఆయన పనిచేశారని అన్నారు. ఐఎఎస్ అధికారిగా తన పదవీ విరమణ తరువాత వైఎస్ఆర్సిపి ద్వారా కుప్పం నియోజకవర్గ ప్రజలకు అందుబాటులో ఉంటూ వారి సమస్యలను పరిష్కరించే దిశగా ఆయన కృషి చేశారని కొనియాడారు. చంద్రమౌళి మరణం చిత్తూరు జిల్లాకి తీరనిలోటని, ఆయన ఆత్మకు శాంతి కలగాలని ప్రార్థించారు.


*మంత్రి పెద్దిరెడ్డి రామచంద్రారెడ్డి సంతాపం*


వైఎస్ఆర్ సిపి కుప్పం నియోజక ఇన్ చార్జి, రిటైర్డ్ ఐఏఎస్ అధికారి కె.చంద్రమౌళి మృతి పట్ల రాష్ట్ర పంచాయతీరాజ్, గ్రామీణాభివృద్ధి, భూగర్భ గనుల శాఖ మంత్రి పెద్దిరెడ్డి రామచంద్రారెడ్డి సంతాపం వ్యక్తం చేశారు. చిత్తూరు జిల్లాలో క్రియాశీలక నాయకుడిగా ఆయన వైఎస్ఆర్సిపిలో ప్రధాన భూమిక పోషించారని, ఆయన మరణం జిల్లావాసులకు తీరని లోటని అన్నారు. కుప్పం నియోజకవర్గంలో పేద ప్రజల కోసం ధైర్యంగా నిలబడిన నాయకుడిగా ఆయనకు ప్రత్యేక గుర్తింపు ఉందని అన్నారు. ఐఏఎస్ అధికారిగా ఆయన అందించిన సేవలు సైతం ప్రజలు నేటికీ గుర్తు చేసుకుంటున్నారని, ఆయన మరణం బాధాకరమని ఒక ప్రకటనలో విచారం వ్యక్తం చేశారు.


Popular posts
జ‌ర్న‌లిస్ట్ కాల‌నీ అభివృద్ధికి స‌హ‌క‌రించండి.. * కమిషనర్‌ను కలిసిన నెల్లూరు హౌసింగ్ సొసైటీ ప్ర‌తినిధులు‌ నెల్లూరు: పాత్రికేయుల‌కు నెల్లూరులో ప్ర‌భుత్వం కేటాయించిన జ‌ర్న‌లిస్ట్ కాల‌నీ అభివృద్ధికి స‌హ‌క‌రించాల‌ని కోరుతూ ది నెల్లూరు జర్నలిస్టుల మ్యూచువల్లి ఎయిడెడ్ కో- అపరేటివ్ హౌస్ బిల్డింగ్ సొసైటీ లిమిటెడ్ నెల్లూరు అ‌డహక్ కమిటీ కన్వీనర్, అధ్యక్షులు వి.శేషాచలపతి, కో- కన్వీనర్, ఉపాధ్యక్షులు వల్లూరు ప్రసాద్‌కుమార్ బుధవారం మున్సిప‌ల్ కమిషనర్ కె.దినేష్‌కుమార్‌ను కలిసి వినతిపత్రం అందజేశారు. ఈ సందర్భంగా కన్వీనర్ శేషాచలపతి మాట్లాడుతూ కొత్తూరులో ఉన్న న్యూ జర్నలిస్ట్ కాలనీకి సంబంధించిన 20 ఎకరాల లే అవుట్‌లో ఉన్న పబ్లిక్, ఓపెన్ స్పెసెస్ స్థలాలు, రోడ్లను కార్పొరేషన్‌లోని టౌన్ ప్లానింగ్ విభాగం త‌ర‌ఫున అభివృద్ధి చేయాలని కోరారు. జ‌ర్నలిస్టులు కొత్తగా ఇల్లు నిర్మించుకోనున్న వారికి టౌన్ ప్లానింగ్ ద్వారా హౌస్ ప్లాను అనుమతులను వెంటనే ఇవ్వాలన్నారు. అలాగే ప్రభుత్వ ఉత్తర్వులు ప్రకారం నిర్ణిత రుసుముతో ప్లాను మంజూరు చేయాలని పేర్కొన్నారు. కార్యక్రమంలో డైరెక్టర్ గట్టుపల్లి శివకుమార్ తదితరులు పాల్గొన్నారు.
Image
నేటి నుంచి గ్రామ సచివాలయాల వద్ద‌ ఖరీఫ్ విత్తనాల పంపిణీ 
Image
శాసన రాజధాని కుడా అమరావతిలో లేకుండా చేస్తాను అని వ్యాఖ్యలు చేసిన మంత్రి కొడాలినాని అమరావతి గురించి మాట్లాడేటప్పుడు ఆలోచించి మాట్లాడండి అమరావతి 5 కోట్ల ఆంధ్రుల బావిషత్తు "కొడాలి నాని గారికి బుద్ధి రావాలని" ఉద్దండ్రాయునిపాలెంలో నాని గారి దిష్టిబొమ్మని పాడికట్టి శవ యాత్ర చేశారు..
Image
పేదల సొంతింటి కల సాకారానికి శ్రీకారం
తెలుగు భాషను కాపాడుకోవడం మనందరి కర్తవ్యం